Marc 2:18 - Takarata pɛ Sɔ Mbombe Mbon

¹⁸ Ma swe ndang ka hio *wan-yambimɔ pɛ *Jean wan-gdumsiwi nɛ hio *Farizien ha zimɔ yɔngamɔ hazu gɔ Sɔ, mbwa tɛa tɛ ani Jésus: «Hio wan-yambimɔ pɛ Jean nɛ hio wan-yambimɔ pɛ hio Farizien ha yuo yala zim yɔngamɔ hazu gɔ Sɔ. Ma, hio wan-yambimɔ pɛ mɛ zim pɛ mbwa yɔngamɔ na hazu ge?»

Marc 2:18 Iomraidhean Croise

Matthieu 23:5

Nɛ mbwa de mɔ fɛt nɛ peali tuka nde, hio wi fɛt azɔk nɛ mbwa. Ha ngimɔ gɔa Sɔ mbwa hɛl bebe gogong, ka ɛ gdea ma ngɛraka wen pɛ Sɔ ha zanga, ha bhaka nɛ ha zuli mbwa, gbesi tuka olo wi fɛt. Ma, gogong pɛ mbwa nɛ gasa pen pɛ hio oloa. Nɛ gbesi, hio ngbunzɛ-ngbunzɛ mɔ nu la pɛ mbwa nɛ bɔyaa pen pɛ hio oloa.

Matthieu 6:16

«Ka ɛnɛ zim yɔngamɔ hazu gɔ Sɔ, ɛnɛ dung tuka wan-ngɔtɛ na. Hazu yo nê hio wan-dambari ka de mɔ mɛgi. Mbwa kay sɔngsi mbwa hazu osi ha hio wi nde, mbwa ha zimɔ yɔngamɔ. Kpasawen, mi tɔ ha ɛnɛ nde, mbwa kpaa mɔ kɛ mbwa kari.

Matthieu 6:18

Mɛgi hio wi ing nde, mɛ ha zimɔ yɔngamɔ, na, kanɛ Bafa mɛ ka ing mɔ wuso. Nɛ Bafa mɛ ka zɔk mɔ ka dung ha wuso fɛt, bekɛ mɛ.»

Marc 2:19

Jésus ana mbwa: «Hio wi, ka ɛ sa ha yenga sibhoko, lɛma zim yɔngamɔ ha ngimɔ, ka wei sibhoko ang hinɛ mbwa nde? Way. Ha ngimɔ fɛt ka wei sibhoko bhɔna hinɛ mbwa, mbwa lɛm zim yɔngamɔ na.

Dede Wen hazu Jésus-Christ ka Luc ngɛraka 18:12

Nɛ fin, mi ha zimɔ yɔngamɔ hazu gɔ mɛ yala bwa ha zang dimasi ndang. Nɛ mi ha mɛ zu mɔ fɛt ka mi kpaa.›

Rome 10:3

Mbwa ing wal ka Sɔ gde nɛ wi nzeng ha li wa, na. Mbwa kimbolo mɛ weki wal pɛ mbwa nɛ tɛ mbwa. Mɛgi, mbwa kafa wal ka Sɔ gde nɛ wi nzeng ha li wa.