Marc 2:16 - Takarata pɛ Sɔ Mbombe Mbon

¹⁶ Nɛ hio ma *Farizien, ka dung *wan-osi mbonga, zɔka nde, Jésus ha yɔngamɔ hinɛ hio wi ndɔng. Mbwa ana hio wan-yambimɔ pɛa: «Wɛnɛ yɔngmɔ hinɛ hio wan-ndɛm mbɔli garama nɛ hio wan-de gdangamɔ hazu ge?»

Marc 2:16 Iomraidhean Croise

Matthieu 18:17

Nɛ ka wɛnɛ ze mbwa na, mɛ tɔ yo ha hio wi mɔ eglize. Nɛ ka wɛnɛ ze mbwa na, mɛ ba wɛnɛ tuka *bhilo mana tuka wan-ndɛm mbɔli garama.»

Matthieu 5:46

Ma, ka ɛnɛ ngoy sɔna nɛ wi ndɔng ka ngoy ɛnɛ, Sɔ bekɛ ɛnɛ mɛng? Hazu hio wan-ndɛm mbɔli garama ha dea fin gbesi.

Matthieu 9:11

Ka hio *Farizien zɔka mɛgi, mbwa ana hio wan-yambimɔ pɛa: «Wan-osimɔ pɛ ɛnɛ yɔng mɔ hinɛ hio wan-ndɛm mbɔli garama nɛ hio wan-de gdangamɔ hazu ge?»

Marc 2:15

Hapata, Jésus hinɛ hio *wan-yambimɔ pɛa dungɔ ha yɔngamɔ ha twa pɛ Lévi. Hio dɔka wan-ndɛm mbɔli garama nɛ hio *wan-de gdangamɔ dungɔ ang fin ha yɔngamɔ hinɛ mbwa. Mbwa dungɔ nɛdɔka ha ndara Jésus.

Marc 2:7

«Wi ɛngɛ tɔ wen mɛgɛ hazu ge? Wɛnɛ fɛngsa Sɔ. Nge wi ka lɛma mɛ bisi sɛmbɔ pɛ ma wi ge? Yo ka nê Sɔ ndang ka lɛma bisi sɛmbɔ pɛ wi.»

Dede Wen hazu Jésus-Christ ka Luc ngɛraka 18:11

Farizien nɛa ha sɔngsi, a yola ha ngɔn, nɛ a gɔa Sɔ ha zang sila wa mɛgɛ: ‹Mi lukisi mɛ, Sɔ, hazu mi bo tuka hio mbinga na, tuka wanzu, gdanga wi, wan-de wanza, nɛ gbesi tuka wan-ndɛm mbɔli garama ɛngɛ na.

Dede Wen hazu Jésus-Christ ka Luc ngɛraka 19:10

Kpasawen, mi *Bewei pɛ Wi, tɛa hazu ki nɛ kpasisi ɛ ndɔng ka yɔa.»

Dede Wen hazu Jésus-Christ ka Luc ngɛraka 19:7

Nɛ sila wi fɛt yimɔ, ka mbwa zɔka mɔ ɛngi, mbwa tɔa: «Mɛng, wɛnɛ lea twa pɛ *wan-de gdangamɔ mɛ ɔnu ang!»

Dede Wen hazu Jésus-Christ ka Luc ngɛraka 5:30

Ka hio *Farizien hinɛ hio *wan-osi mbonga zɔka mɛgi, sila mbwa yimɔ, nɛ mbwa tɔa ha hio *wan-yambimɔ pɛ Jésus: «Hazu ge ɛnɛ ha yɔngamɔ nɛ nɔ mɔ hinɛ hio wan-ndɛm mbɔli garama nɛ hio *wan-de gdangamɔ ge nde?»

Deamɔ 23:9

Hio wi fɛt angara gdɔra nɛ ngaya. Mɛgi, hio ma *wan-osi mbonga mɔ zugili Farizien, guotɛ nɛ mbwa sio kafɛ nɛ ngaya nɛ tɔa: «Ɔ tɛ kpa ma gdangamɔ ha tɛ wei kɛ ndang na. Mana ma telenge, mana ma sɔtɛ wolamɔ ha wɛnɛ.»

1 Korente 2:15

Wi ka Sɔtɛ pɛ Sɔ de le ha sila wa, a lɛma ing goto hio mɔ fɛt. Ma, ma wi ka lɛma ing goto takaramɔ pɛ wia bona.

Hebro 12:3

Ɛnɛ takiri mɔ hazu Jésus, ha wal ka wɛnɛ kpaa yimtɛ ha kɔ hio *wan-de gdangamɔ ka kafa wɛnɛ. Mɛgi, tɛ ɛnɛ akati na, nɛ sila ɛnɛ amɔk na.