Marc 16:15 - Takarata pɛ Sɔ Mbombe Mbon

¹⁵ Nɛ wɛnɛ tɔa ha mbwa fin: «Ɛnɛ nɛ ha nzan fɛt, nɛ bul *Dede Wen ha hio wi fɛt.

Marc 16:15 Iomraidhean Croise

Matthieu 28:19

Mɛgi ɛnɛ nɛ ha pɛ hio kandɔ fɛt. Nɛ ɛnɛ de tuka nde, mbwa atɛ wan-yambimɔ pɔm. Ɛnɛ gdumsi mbwa ha li nɛ ling Bafa mi, nɛ ling mi, Bewei pɛa, nɛ ling *Nzɔy-Sɔtɛ.

Marc 13:10

Ma, lɛma nde, hio wi pɔm abul *Dede Wen ha hio wi mɔ nzan fɛt ing, ki kpogio ngimɔ tɛ hɔ.

Jean 15:16

Yo bo nê ɛnɛ ka weka mi tuka wan-osimɔ na. Ma, yo nê mi ka weka ɛnɛ tuka nde, ɛnɛ anɛ nɛ way waya ka bebhɔn kpoo. Mɛgi, Bafa mi beha ɛnɛ mɔ fɛt ka ɛnɛ beani nɛ ling mi.

Jean 20:21

Jésus tɔa fin ha mbwa: «Gaamɔ adung hinɛ ɛnɛ. Gbesi tuka Bafa mi batomsi mi tɛnɛ hakɛ ha nzan, mi fin, mi betomsi ɛnɛ ha nzan.»

Deamɔ 1:2

kanɛ swe ka Sɔ guo wɛnɛ si ha ngɔn. Jésus baweki se hio *wan-nɛtom pɛa. Nɛ sɔngsi ka wɛnɛ tɛ si ka ha ngɔn na, a osa ha mbwa nɛ wal ngatɛ pɛ Nzɔy-Sɔtɛ mɔ ka mbwa bede.

Deamɔ 1:8

Ma, ka *Nzɔy-Sɔtɛ zilo ha zu ɛnɛ, ɛnɛ bekpa ngatɛ, nɛ ɛnɛ bedung hio wan-bul wen tɛ mi ha hio wi mɛ Jérusalem, hio wi mɛ kandɔnu Judée nɛ kandɔnu *Samari fɛt, gbo ha kpogio nzan.»

Rome 10:18

Mɛgi, mi ani mɔ nde, hio zuife tɛ ze kasi na, kpasawen nde? Dalo, mbwa zea yo. Yo gbesi tuka ka ɛ ngɛraka ha takarata pɛ Sɔ: «Hio wi zea gɛl hio wan-nɛkasara dam zu nu fɛt, hio wen pɛ mbwa hɔa ha kpogio nzan.»

Rome 16:26

ma, sising, a gdea yo ha saamɔ nɛ wal takarata pɛ hio *wan-tɔkuliwen. Sɔ, Wan-kpo, baha nu mɛ gbasi yo ha hio kandɔ fɛt tuka nde, mbwa amɛkiri wɛnɛ nɛ ze nu wa.

Efeze 2:17

Christ tɛa ha nzan ha tɔa *Dede Wen ha ɛnɛ ka badung nɛ yɛa nɛ Sɔ, nɛ ha hio zuife ka dung sanga nɛ Sɔ nde, a gdea gaamɔ ha soko ɔ kari.

Kolose 1:23

Tangere, dea nde, ɛnɛ abhɔn ka ha mɛkara Christ nɛ nɔa ngi-ngi-ngi, nɛ ɛnɛ azati ha gdea tazu ɛnɛ ha *Dede Wen ka ɛnɛ zea yo. Ɛ bulo yo dam nzan fɛt, nɛ mi, Paul, tɛ bo nê wan-tom pɛ Dede Wen ɛngɛ.

Kolose 1:6

Dede Wen ka hɔa ha pɛ ɛnɛ, ha yambala dam zu nzan fɛt, nɛ yo ha waya nɛ dede waya ha bhandi fɛt. Yo ha dea fin gbesi ha soko ɛnɛ, angiri ha bosi ngimɔ ka ɛnɛ zea wena, nɛ ka ɛnɛ ingɔ tɛwen nde, Sɔ ha dea *dede sila ha tɛ hio wi.

1 Jean 4:14

Pɛ ɔ, ɔ zɔka nɛ tɛ gbali ɔ nde, Sɔ, Bafa tomsa Bewei pɛa mɛ dung *wan-kpasisi hio wi mɔ nzan. Nɛ sising ɔ ha kɛa wena.

Gbasamɔ 14:6

Hapata, mi zɔka ma mbing telenge ha buyoa nɛyɛa ha liswe. A tɛa ha tɔa dede wen ka bebhɔn kpoo, ha hio wi mɔ zu nu fɛt, ha kandɔnu fɛt, ha nugala fɛt, ha nu le fɛt, nɛ ha kandɔ fɛt.