Marc 16:14 - Takarata pɛ Sɔ Mbombe Mbon

¹⁴ Hapata, Jésus gbasa tɛ ha hio wan-yambimɔ bhukɔ gbala ndang ha ngimɔ ka mbwa dungɔ ha yɔngamɔ. A sɛna wen ha mbwa, nɛ a tɔa: «Ɛnɛ si kafɛ hazu ge? Nɛ sila ɛnɛ dung gdang-ting hazu ge? Ɛnɛ tɛ mɛkiri wen pɛ wi ndɔng, ka zɔka mi hapata guotɛ pɔm na hazu ge?»

Marc 16:14 Iomraidhean Croise

Matthieu 11:20

Mɛgi Jésus angara sɛna wen ha hio wi mɔ hio gasa le ka wɛnɛ dea sulo *mɔweka ang, hazu mbwa tɛ kpali deamɔ pɛ mbwa na. A tɔa:

Matthieu 17:20

Wɛnɛ kiforo wen ha mbwa: «Hazu ɛnɛ tɛ mɛkiri ka Sɔ nɛkpasa na. Kpasawen, mi tɔ ha ɛnɛ nde, ngase ka mɛkaramɔ pɛ ɛnɛ nɛ bebea tuka gbala sundu, ɛnɛ lɛma tɔ ha ngari ɛngɛ: ‹Gutɛ mɛ hakɛ, mɛ nɛ, nɛ yol haki,› nɛ yo bede gbesi. Nɛ ɛnɛ belɛm de mɔ fɛt. [

Matthieu 28:17

Ka mbwa zɔka wɛnɛ, mbwa hilo ha si wa. Tangere, hio ma dungɔ ha sio kafɛ ha sila mbwa.

Marc 7:18

Mɛgi, wɛnɛ ana mbwa: «Ɛnɛ fin, ɛnɛ tɛ ing gotoa na? Mɔ ka wi yɔng nɛ ka le si ha zang wa, yo lɛm de nde, wɛnɛ adung nɛ nzing ha li Sɔ na. Ɛnɛ ing ɛngi na?

Dede Wen hazu Jésus-Christ ka Luc ngɛraka 24:11

ma, mbwa baa yo tuka yera wen, nɛ mbwa tɛ mɛkiri yo na.

Dede Wen hazu Jésus-Christ ka Luc ngɛraka 24:25

Nɛ Jésus tɔa ha mbwa: «Woo, ɛnɛ hio wan-nga zala. Hazu ge ɛnɛ ba ngimɔ nɛzikoa mɛ mɛkiri mɔ ka hio wan-tɔkuliwen batɔ, ge nde?

Jean 20:25

Hio mbing wan-yambimɔ tɔa ha wɛnɛ: «Ɔ zɔka *Kongawan.» Ma, Thomas kiforo wen ha mbwa: «Ka mi zɔk sali pɔnde ha kɔ wa na, nɛ ka mi pi ndɔng kɔ mi ha zanga na, nɛ ka mi pi kɔ mi ha zang mbanzi wa na, mi lɛm mɛkiri wen pɛ ɛnɛ na.»

Jean 20:26

Hapata dimasi ndang, hio wan-yambimɔ pɛ Jésus wesara may fin nɛ mbinga ha zang twa, nɛ Thomas dungɔ hinɛ mbwa. Mbwa gɔma nutwa, ma, Jésus hɔa tɛ yol ha binsila mbwa, nɛ a tɔa ha mbwa: «Gaamɔ adung hinɛ ɛnɛ!»

Jean 20:27

Hapata, a tɔa ha Thomas: «Mɛ yafifi ndɔng kɔ mɛ hakɛ, nɛ mɛ zɔk hio kɔ mi. Mɛ yafifi kɔ mɛ pi ha zang mbanzi mi. Mɛ lak sio kafɛ gde, ma, mɛ mɛkiri mi.»

Jean 21:1

Hapata ma yala fin, Jésus gbasa tɛ ha hio *wan-yambimɔ pɛa ha nukolo tɔ Tiberiade. A gbasa tɛ mɛgɛ:

Jean 21:14

Ɛngɛ nê mɔ zetara, ka Jésus gbasa tɛ ha hio wan-yambimɔ pɛa, hapata ka wɛnɛ guotɛ ha soko hio fiowi.

Deamɔ 1:3

Hapata fio pɛa, a dungɔ ha gbasa tɛ ha mbwa ha zang yala bhukɔa nar. A osa ha mbwa nɛ dɔka wal nɛtɛ-nɛtɛ nde, wɛnɛ nɛ zutunɔ. Nɛ wɛnɛ tɔa wen *Kongakandɔ pɛ Sɔ ha mbwa.

1 Korente 15:5

Wɛnɛ osa tɛ wa ha Pierre, hapata ha hio *wan-yambimɔ bhukɔ gbala bwa.

Gbasamɔ 3:19

Hio wi fɛt ka mi ngoy, mi dak zala mbwa nɛ ndulsi mbwa. Mɛgi, ɛnɛ gbɛngsi tɛ ɛnɛ, nɛ ɛnɛ kifiri sila ɛnɛ.