Marc 15:14 - Takarata pɛ Sɔ Mbombe Mbon

¹⁴ Nɛ Pilate ana mbwa: «A dea nɛ nge gdangamɔ ge?» Ma, mbwa gdɔra nɛngaya pen mɔ sɔngsi: «Ngba wɛnɛ ha getakate!»

Marc 15:14 Iomraidhean Croise

Matthieu 27:19

Ka Pilate boka ha dungɔnu ha zu kiti gɔn kita, ko pɛa tomsa ha wɛnɛ wen mɛgɛ: «Mɛ agu kɔ mɛ ha tɛ *nzeng wi ɛngɛ. Hazu ha zɛ ɛngɛ, sila mi tukolo nɛdɔka ha zɔka lisɔ ha wen pɛa.»

Matthieu 27:4

nɛ tɔa: «Mi dea gdangamɔ, ka mi gdea wan-ngabhala nu ha fio.» Ma, mbwa kiforo wen ha wɛnɛ: «Ɛngɛ zɔk ɔ na. Yo nê wen pɛ mɛ.»

Matthieu 27:54

Kagama-bulo nɛ hio wan-bibulo ka pɛma Jésus zɔka yaka nu nɛ mɔ fɛt ka hɔa. Mɛgi gasa ke baa mbwa, nɛ mbwa tɔa: «Kpasawen, wi kɛ dungɔ nê *Bewei pɛ Sɔ.»

Marc 15:13

Mbwa gdɔra: «Ngba wɛnɛ ha getakate!»

Marc 15:15

Mɛgi Pilate ngoya ha totɛ ha giliwi. A gbosasa Barabas ha mbwa. Nɛ a gdea Jésus ha kɔ wan-bibulo pɛa nde, mbwa azuri wɛnɛ nɛ zambala sɔngsi mɛ ngba wɛnɛ ha getakate.

Dede Wen hazu Jésus-Christ ka Luc ngɛraka 23:21

Ma, mbwa tɔa ha wɛnɛ nɛ ngagɛl: «Ngba wɛnɛ ha getakate! Ngba wɛnɛ ha getakate!»

Dede Wen hazu Jésus-Christ ka Luc ngɛraka 23:4

Mɛgi Pilate tɔa ha hio gasa wan-hasadaka nɛ ha giliwi: «Mi tɛ kpa ma wen mɛ gɔn kita ba wɛnɛ ndang na.»

Dede Wen hazu Jésus-Christ ka Luc ngɛraka 23:41

Pɛ ɔ, yo nɛ nzeng, hazu ɔ kpaa mɔ lɛm nɛ deamɔ pɛ ɔ. Ma, wɛnɛ tɛ de ma gdangamɔ ndang na.»

Dede Wen hazu Jésus-Christ ka Luc ngɛraka 23:47

Ka kagama-bulo mɔ Rome zɔka mɔ ndɔng, a lukoso Sɔ nɛ tɔa: «Kpasawen, wi ɛngɛ dungɔ nê *nzeng wi!»

Jean 18:38

Pilate ana Jésus: «Tɛwen nê ge?» Hapata wen ndɔng, Pilate gboa fin nɛ mbinga nɛ ha dɛl ha pɛ hio *zuife. Nɛ a tɔa ha mbwa: «Pɔm, mi tɛ kpa ma gdangamɔ ka ɛ lɛma mɛ gɔn nɛ kita ha zu wa ndang na.

Jean 19:6

Ka hio gasa wan-hasadaka nɛ hio nasara zɔka mɛgi, mbwa gdɔra: «Ngba wɛnɛ ha getakate! Ngba wɛnɛ ha getakate!» Pilate tɔa ha mbwa: «Ɛnɛ ku wɛnɛ nɛ tɛ ɛnɛ, nɛ nɛ ngba ha getakate. Hazu pɔm, mi tɛ kpa ma gdangamɔ pɛa ka lɛma nɛ kita fio na.»

Deamɔ 13:28

Nɛ ngase ka mbwa tɛ kpa ma mɔ mɛ gɔn kita fio ha zu Jésus na, mbwa ana Pilate mɛ gbɛ wɛnɛ.

Deamɔ 19:34

Ma, ka giliwi ingɔ nde, wɛnɛ nê zuife, mbwa gdɔra gbɔɔ mɛ lɛm ngonga bwa nɛ tɔa: «Artemis mɔ Efeze nê gasa sɔ.»

Hebro 7:26

Mɛgi, Jésus nê gasa wan-hasadaka ka lɛma nɛ ɔ. Wɛnɛ nɛ nzɔya, ma gdangamɔ mana ma wen bo ha zu wa na. Sɔ kuo wɛnɛ ha soko hio *wan-de gdangamɔ gde ha kuso ngɔn.

1 Pierre 1:19

Ma, a hɛa ɛnɛ nɛ wal tɔktɛ Christ ka dung nɛ ngagɛnɛ pentɛ pet. Christ dungɔ tuka besami mɔ sadaka, ka gdangamɔ nɛ nzing bo ha tɛ wa na.