Marc 13:11 - Takarata pɛ Sɔ Mbombe Mbon

¹¹ Ha ngimɔ ka ɛ bengbɔsi ɛnɛ nɛnɛ ha si hio wan-gɔn kita, ka ɛnɛ adung nɛ nɔzang hazu wen ka ɛnɛ betɔ na. Ma, ɛnɛ tɔ kanɛ wen ka behɔ ha nu ɛnɛ ha ngimɔa. Hazu, yo bo nê ɛnɛ ka bewolmɔ na. Ma, yo nê *Nzɔy-Sɔtɛ ka bewolmɔ.

Marc 13:11 Iomraidhean Croise

Matthieu 10:17

Ɛnɛ pangay, hazu hio wi beku bin ɛnɛ nɛnɛ ha li kita. Nɛ ɛ bezuri ɛnɛ nɛ zambala ha zang hio *twa gɔ Sɔ.

Marc 13:12

Hio gdiya begɔn si nanga may nde, ka ɛ agbɛ mbwa. Hio gdibafa begɔn si nanga bem pɛ mbwa. Hio bem begutɛ sungiri nɛ bafa nɛ nana mbwa hazu nde, ɛ agbɛ mbwa yunɛ.

Marc 13:9

«Ɛnɛ pangay nɛ tɛ ɛnɛ! Hio wi begde ɛnɛ bin ha kita, nɛ mbwa bezuri ɛnɛ nɛ zambala ha hio *twa gɔ Sɔ. Ɛnɛ beyol ha li hio gɔfɔrma nɛ ha li hio kongapora nde, mbwa agɔn kita ha zu ɛnɛ, hazu ɛnɛ mɛkara mi. Mɔ ndɔng beha ɛnɛ wal mɛ kɛ wen pɔm ha li mbwa.

Dede Wen hazu Jésus-Christ ka Luc ngɛraka 21:12

«Ma, sɔngsi ka mɔ ndɔng behɔ, ɛ beba ɛnɛ, nɛ ɛ benamili ɛnɛ ndɛr-ndɛr. Ɛ begde ɛnɛ ha li kita ha zang *twa gɔ Sɔ. Ɛ bepi ɛnɛ ha zɔbhɔ. Ɛ beku ɛnɛ nɛnɛ ha li hio *kongapora nɛ ha li hio gɔfɔrma hazu ɛnɛ nê wi pɔm.

Jean 3:27

Jean kiforo wen ha mbwa: «Wi lɛm kpa ngase bebe mɔ na, ka Sɔ tɛ ha yo ha wɛnɛ na.

Deamɔ 2:4

Mbwa fɛt dona nɛ Nzɔy-Sɔtɛ, nɛ mbwa angara wolamɔ nɛ hio nu nɛtɛ-nɛtɛ, tuka ka Nzɔy-Sɔtɛ gdea ha nu mbwa.

Deamɔ 3:13

Ma, yo nê Sɔ pɛ Abraham, Isaac, Jacob, nɛ hio ngbabafa ɔ fɛt, ka gbasa *lɛkɛ-lɛkɛmɔ pɛ Jésus, wan-tom pɛa, nɛ wal kpasasa wei ɛngɛ. Ɛnɛ nɛ tɛ ɛnɛ gdea Jésus ha kɔ gɔfɔrma Pilate. Nɛ ɛnɛ kafa wɛnɛ long ha li wa, ngase wɛnɛ kpoa zuwen mɛ daksi kɔ ha tɛ wa kari.

Deamɔ 4:31

Ka mbwa karsa gɔa Sɔ, nu yaka ha bhandi ka mbwa dungɔ ang. Mbwa fɛt dona nɛ Nzɔy-Sɔtɛ, nɛ mbwa bulo wen pɛ Sɔ nɛ da.

Deamɔ 6:10

Ma, mbwa lɛm zati ha li wa nɛ wen na, hazu a wolmɔ nɛ mbaramɔ ka *Nzɔy-Sɔtɛ haa ha wɛnɛ.

Deamɔ 6:15

Nɛ hio wi fɛt ka dungɔ ha bhandi kpo zuwen mbara Etienne, nɛ mbwa kpaa nde, zang li wa ha duo we tuka pɛ ma *telenge.

Deamɔ 7:55

Ma, Etienne dona nɛ *Nzɔy-Sɔtɛ. A guoli ha ngɔn, nɛ a zɔka *lɛkɛ-lɛkɛmɔ pɛ Sɔ nɛ fin Jésus ha yola ha wekɔ Sɔ.

1 Korente 2:13

Mɛgi, ɔ ha bulo wen mɔ ndɔng bo nɛ wal mbaramɔ ka hio wi osi na. Ma, ɔ ha bulo yo nɛ wal mbaramɔ ka Sɔtɛ pɛ Sɔ osa ha ɔ. Mɛgi, ɔ ha bulo tɛwen pɛ Nzɔy-Sɔtɛ ha wi ndɔng ka Sɔtɛ ɛngɛ de le ha sila mbwa.

Efeze 3:5

Ha hio ngimɔ sɔngsi, Sɔ tɛ gbasi mɔ ɛngɛ ha hio wi na. Ma, sising, a tomsa *Nzɔy-Sɔtɛ pɛa hazu gbasi mɔ ɛngɛ fɛt long ha hio nzɔy *wan-nɛtom nɛ hio *wan-tɔkuliwen pɛa.

Jacques 1:5

Ka ma wi ha soko ɛnɛ bo nɛ mbaramɔ na, dea nde, wɛnɛ agɔ yo ha kɔ Sɔ ka beha yo ha wɛnɛ. Hazu Sɔ ha mɔ ha wi fɛt nɛ *dede sila. Wi ka gɔ mɔ ha kɔ wa, Sɔ sɛn wen ha wɛnɛ na.

1 Pierre 1:12

Sɔ osa ha mbwa long nde, mɔ ndɔng bo hazu mbwa nɛ pɛ mbwa tɛ na, ma, yo hazu ɛnɛ. Nɛ sising, hio wan-bul *Dede Wen bulo wen mɔ ndɔng ha ɛnɛ fɛt kari. Mbwa tɔa wena nɛ wal ngatɛ pɛ Nzɔy-Sɔtɛ ka Sɔ tomsa ha ngɔn tɛnɛ. Nɛ hio *telenge fin nɛ hɛl mɛ mbari hio mɔ ndɔng.