Marc 12:14 - Takarata pɛ Sɔ Mbombe Mbon

¹⁴ Mbwa tɛa tɛ tɔ ha wɛnɛ: «Wan-osimɔ, ɔ ingɔ nde mɛ nê wan-tɔ tɛwen, ka yu ke li ma wi na, nɛ mɛ de mɔ hazu pea li wi na. Mɛ ha osa ngbak mɔ, ka Sɔ ngoya nde ɔ ade. Mɛ tɔ ha ɔ, *mbonga pɛ ɔ ha wal mɛ kpe garama ha kongapora Sezar, mana yo gdɔki wal mɛ kpe yo nde?»

Marc 12:14 Iomraidhean Croise

Matthieu 22:16

Mbwa tomsa hio ma *wan-yambimɔ pɛ mbwa nɛ hio ma ngali pɛ Herode ha pɛ Jésus mɛ tɔ ha wɛnɛ: «Wan-osimɔ, ɔ ingɔ nde, mɛ nê wan-tɔ tɛwen, ka osi ngbak mɔ, ka Sɔ ngoya nde ɔ ade. Mɛ yu ke li ma wi na, nɛ mɛ de mɔ hazu pea li wi na.

Matthieu 22:17

Mɛgi mɛ tɔ takaramɔ pɛ mɛ ha ɔ. *Mbonga pɛ ɔ ha wal mɛ kpe garama ha kongapora Sezar, mana yo gdɔki wal mɛ kpe yo nde?»

Marc 12:13

Hio wan-le *zuife tomsa hio ma *Farizien nɛ hio ma ngali pɛ Herode ha pɛ Jésus nde, ka mbwa aba wɛnɛ nɛ wal wen nu wa.

Marc 12:15

Ma, Jésus ingɔ dambari pɛ mbwa. Wɛnɛ kiforo tɛ ani mbwa: «Ɛnɛ we sila mi hazu ge? Ɛnɛ ku ma mbɔli ndang tɛnɛ ha mi azɔk.»

Marc 14:45

Nɛ ka Judas hɔa, a tiko nɛ nzeng hapɛtɛ Jésus, nɛ tɔa: «Wan-osimɔ!» nɛ a duyo mbuku wa.

Dede Wen hazu Jésus-Christ ka Luc ngɛraka 20:22

Mɛ tɔ ha ɔ, mbonga pɛ ɔ ha wal mɛ kpe garama ha kongapora Sezar, mana yo gdɔki wal mɛ kpe yo nde?»

Dede Wen hazu Jésus-Christ ka Luc ngɛraka 23:2

Haki mbwa fundo wɛnɛ nɛ hio wen mɛgɛ: «Ɔ kpaa wi ɛngɛ ha aa sɔkira ha kandɔ pɛ ɔ sungiri nɛ *kongapora Sezar. A dol mbwa mɛ kpe garama ha wɛnɛ. Nɛ a tɔa nde, wɛnɛ nê *Mesi, wi ka Sɔ hɔnga mɛ dung kongapora.»

Jean 7:18

Wi ka wol mɔ nɛ pɛa tɛ, a ki nɛ wal nde, hio wi alukisi nɛ wɛnɛ. Ma, wi ka ki nɛ wal nde, ɛ alukisi wi ka tomsa wɛnɛ, wɛnɛ nê wan-tɔ tɛwen, nɛ wɛnɛ bo nê wan-likisi na.

Rome 13:6

Yo nê hazu wen ɛngi fin, ka ɛnɛ kpe nɛ mbɔli garama. Hazu hio wan-tom pɛ gɔfɔrma ka gbɛngsi tɛ ha tom pɛ mbwa, mbwa ha dea tom ka Sɔ gdea ha kɔ mbwa.

2 Korente 2:17

Dɔka wi ku Wen pɛ Sɔ de nɛ gɛnɛ, ma, pɛ ɔ, ɔ de mɛgi na. Yo nê Sɔ ha tomsi ɔ, nɛ ɔ ha dea sɔy hinɛ Christ. Mɛgi ɔ bul wen nɛ saa sila ha li Sɔ.

2 Korente 2:2

Ka mi haa ngɔtɛ ha ɛnɛ, ki mi kpa ma wi ka beha totɛ ha mi fin na. Wi ka mi ha ngɔtɛ ha wɛnɛ, beha fin totɛ ha mi mɛng?

2 Korente 4:1

Sila ɔ kati na, hazu Sɔ dea kobhe tɛ ɔ, nɛ a gdea ɔ ha tom ɛngɛ.

2 Korente 5:11

Ɔ ingɔ wal mɛ yu ke *Kongawan. Yo nê ɛngi ka ɔ ki wal mɛ de mɔ fɛt tuka nde, hio wi amɛkiri wɛnɛ. Sɔ ingɔ ɔ nɛdedea, nɛ ɔ gdea tazu ɔ ha tɛ ɛnɛ nde, ha zang sila ɛnɛ, ɛnɛ ingɔ ɔ nɛdedea fin.

2 Korente 5:16

Hazu ɛngi, ɔ lɛm ing fin wi nɛ wal ndɔkitɛ mɔ nzan na. Sɔngsi, ɔ ingɔ Christ mɛgi, ma, sising, ɔ ing wɛnɛ mɛgi fin na.

Galasi 1:10

Mana mi ha tɔa wen mɛgi hazu kpa longo pɛ hio wi nde? Way! Mi ngoy nɛ longo pɛ Sɔ sɔna. Mana mi ha kio wal mɛ ha totɛ ha hio wi nde? Way! Ka bo se nde, mi ha kio fin wal mɛ ha totɛ ha hio wi, ki mi bo nê wan-tom pɛ Christ na.

Galasi 2:6

Hio wi mɔ zu eglize, mbwa tɛ ha nu ha mi nde, mi akpalsi deamɔ pɔm, na. Ka bo nê pɛ hio wi mɔ zu eglize, ɔ ingɔ nde, Sɔ gba soko hio wi na. Mɛgi, ngase mbwa badung mɛng, yo dung tuka gbelemɔ ha li mi.

1 Tesalonike 2:4

Hazu Sɔ wea ɔ nɛ a kpaa nde, ɔ lɛma ha li wa ka wɛnɛ agde tom bulo Dede Wen ha kɔ ɔ. Mɛgi ɔ ha wolamɔ bo hazu ha totɛ ha wi na, ma, hazu ha totɛ ha Sɔ ka we takaramɔ sila pɛ ɔ.