Marc 12:1 - Takarata pɛ Sɔ Mbombe Mbon

¹ Hapata, Jésus angara wolamɔ ha mbwa nɛ towen, a tɔa: «Ma wi bagun se te vigne ha fɔ pɛa. Wɛnɛ dea ngalɔ zikiri nɛ yo fɛt. Hapata, a zaa ma kɔ ha zang gogo ta hazu bhal nɛ li vigne. Wɛnɛ bɛa ma kuso twa mɛ pɛm nɛ fɔ. A gdea fɔ ɛngɛ ha kɔ hio ma wan-tom, nɛ wɛnɛ nɛa gɛnɛ ha ma bhandi nɛyɛa.

Marc 12:1 Iomraidhean Croise

Matthieu 13:3

Nɛ wɛnɛ osamɔ ha mbwa nɛdɔka nɛ wal towen. A tɔa: «Ɛnɛ ze, ma wi nɛa ha fɔ hazu pɛ kpalmɔ.

Matthieu 21:28

«Ɛnɛ takiri nɛ ge ha zu towen ɛngɛ ge? Ma wei ndang nɛ bem mɔ bewei bwa. A tɔa ha kaya, ‹Bem pɔm, mɛ nɛ ha gɔma fɔ mɛsɛ.›

Matthieu 21:33

«Ɛnɛ ze ma mbing towen. Ma wan-fɔ bagun se te vigne ha fɔ pɛa. Wɛnɛ dea ngalɔ zikiri nɛ yo fɛt. A zaa ma kɔ ha zang gogo ta hazu bhal nɛ li vigne. Wɛnɛ bɛa ma kuso twa mɛ pɛm nɛ fɔ. Nɛ a gdea fɔ ɛngɛ ha kɔ hio ma wan-tom, nɛ wɛnɛ nɛa gɛnɛ ha ma bhandi nɛyɛa.

Matthieu 21:34

Nɛ ka ngimɔ bhio waya vigne lɛma, a tomsa hio *wan-nɛtom pɛa nɛ ha pɛ hio wan-tom fɔ, hazu ku bhalkɔ wayate ka dung nɛ pɛa.

Matthieu 25:14

«*Kongakandɔ Ngɔn dung fin tuka towen ɛngɛ. Ma wi, ka ngoya nɛa gɛnɛ, saa hio wan-tom pɛa, nɛ gdea hio mɔ pɛa fɛt ha kɔ mbwa.

Marc 11:33

Mɛgi, mbwa kiforo wen ha Jésus: «Ɔ ing na.» Nɛ Jésus tɔa ha mbwa: «Mɛgi, mi fin, mi lɛm tɔ ha ɛnɛ goto ziomɔ, ka mi de nɛ mɔ ndɔng, na.»

Marc 13:34

Yo gbesi nê ma wi ka ngoy nɛ gɛnɛ. Sɔngsi ka wɛnɛ belak twa gde mɛ pen, a kapana tom ha hio wan-tom pɛa ndang ndang fɛt. Nɛ wɛnɛ haa nu ha wan-pɛm nutwa nde, wɛnɛ ayang la.

Marc 3:23

Jésus saa mbwa nɛ tɔ ha mbwa nɛ towen: «Satan beyin tɛ wa nɛ pɛa tɛ mɛng?

Marc 4:2

Nɛ wɛnɛ osamɔ ha mbwa nɛdɔka nɛ wal towen. A tɔa ha mbwa:

Dede Wen hazu Jésus-Christ ka Luc ngɛraka 15:13

Ngimɔ tikiring hapata, bem ɛngɛ gdonga likɔ pɛa fɛt, nɛ baa mbɔlia si nɛ ha ma mbing kandɔnu nɛyɛa. Haki, a gdangsa kpaamɔ pɛa fɛt nɛ dea mɔ tum.

Dede Wen hazu Jésus-Christ ka Luc ngɛraka 19:12

a tɔa: «Ma konga wi nɛa ha ma kandɔnu nɛyɛa hazu nde, ɛ ahɔng wɛnɛ *kongapora ha zu kandɔnu pɛa. Hapata a bekifiri tuka kongapora ha kandɔ pɛa.

Dede Wen hazu Jésus-Christ ka Luc ngɛraka 22:9

Mbwa anamɔ: «Mɛ ngoya nde, ɔ agi yo ha ndo nde?»

Dede Wen hazu Jésus-Christ ka Luc ngɛraka 8:10

Jésus kiforo wen ha mbwa: «Pɛ ɛnɛ, Sɔ haa ɛnɛ mɛ ing gotomɔ hazu Kongakandɔ pɛa, ka ma wi tɛ ing sɔngsi na. Ma hio mbingwi ze nɛ towen sɔna. Nɛ wal ɛngi ‹mbwa ha gɛra mɔ, ma, mbwa zɔk yo na, nɛ mbwa ha zea mɔ, ma, mbwa ing yo na.›»

Deamɔ 7:38

Yo nê Moïse fin, ka dungɔ hinɛ kandɔ Israel ha kpɛnu, ka mbwa wesara may ha nanga ngari Sinai. Wɛnɛ dungɔ ha soko hio ngbabafa ɔ nɛ telenge ka wolamɔ ha wɛnɛ ha zu ngari ɛngɛ. Nɛ wal telenge Sɔ tɔa ha wɛnɛ hio wen ndɔng ka ha tunɔ ha wi nde, wɛnɛ atɔ yo ha ɔ fin.