Marc 11:18 - Takarata pɛ Sɔ Mbombe Mbon

¹⁸ Nɛ ka hio gasa wan-hasadaka nɛ hio *wan-osi mbonga zea mɔ ɛngɛ, mbwa kio wal mɛ gbɛ Jésus. Ma, mbwa yuo ke hazu osamɔ pɛ Jésus gbinɔ gbalatɛ giliwi fɛt ka zea yo.

Marc 11:18 Iomraidhean Croise

Matthieu 21:15

Ka Jésus ha dea *mɔkifi ndɔng, hio bhobem gdɔra ha zang gasa twa Sɔ, mbwa tɔa: «Hosanna! Hio wi fɛt alukisi *Bewei pɛ David!» Hio gasa wan-hasadaka nɛ hio *wan-osi mbonga ka zɔka nɛ zea mɔ ndɔng, dea ngambi,

Matthieu 7:28

Nɛ ka Jésus karsa tɔa wen ndɔng, dɔka giliwi yaksa pentɛ hazu osamɔ pɛa.

Marc 1:22

Nɛ wi ndɔng ka zea wɛnɛ, yaksa pentɛ. Hazu a tɛ osi mɔ tuka hio *wan-osi mbonga na. Ma, a osa nɛ ziomɔ.

Marc 11:32

Nɛ ka ɔ tɔ nde yo nê hio wi, ki hio wi begutɛ sungiri ɔ.» Mbwa dea ke hio wi, hazu hio wi fɛt takiri nde Jean nê kpasa *wan-tɔkuliwen.

Marc 12:12

Hio gasa wan-hasadaka, hio *wan-osi mbonga nɛ hio kotowi ingɔ nɛdedea nde, Jésus tɔa towen ɛngɛ sungiri nɛ mbwa. Yo nê ɛngi ka mbwa ha kio wal mɛ ba wɛnɛ. Ma, mbwa yuo ke giliwi. Mɛgi, mbwa pena lak wɛnɛ gde.

Marc 3:6

Hio *Farizien gboa ha twa gɔ Sɔ, nɛ mbwa wesara may hinɛ hio ma ngali pɛ Herode. Nɛ mbwa angara kpoa zuwen sungiri nɛ Jésus, hazu ing wal ka mbwa begbɛ nɛ wɛnɛ.

Marc 6:20

hazu Herode dungɔ ha yuo ke Jean. Herode ingɔ nde, Jean nê *nzeng wi nɛ nzɔy wi. Mɛgi wɛnɛ dungɔ ha pama Jean. Nɛ ka wɛnɛ zea wen ka Jean tɔa, sila wa bhunzoko ngase ka wɛnɛ zea Jean nɛ totɛ.

Dede Wen hazu Jésus-Christ ka Luc ngɛraka 19:47

Jésus dungɔ swe fɛt ha osamɔ ha zang gasa twa Sɔ. Nɛ hio gasa wan-hasadaka, hio *wan-osi mbonga nɛ hio kotowi kio wal mɛ gbɛ wɛnɛ.

Dede Wen hazu Jésus-Christ ka Luc ngɛraka 2:47

Wi ndɔng ka zea wɛnɛ, mbwa fɛt yaksa hazu ingɔmɔ nɛ kiforo wen pɛa.

Dede Wen hazu Jésus-Christ ka Luc ngɛraka 20:19

Hio *wan-osi mbonga nɛ hio gasa wan-hasadaka kio wal mɛ ba Jésus ha ndangtɛ ngimɔ ɛngi, hazu mbwa ingɔ nde, a tɔa wen ɛngɛ sungiri mbwa. Ma, mbwa yuo ke hio wi mɛ le.

Dede Wen hazu Jésus-Christ ka Luc ngɛraka 4:22

Wi fɛt lukoso wen pɛa, nɛ mbwa yaksa ha dede wen ka wɛnɛ tɔa. Hapata, mbwa tɔa: «Wi kɛ bo nê bem pɛ Joseph na nde?»

Jean 7:1

Hapata, Jésus dungɔ ha yala bhɔn ka ha kandɔnu Galile. A tɛ ngoy fin yala ha kandɔnu Judée na, hazu haki hio wan-le *zuife dungɔ ha kio wal mɛ gbɛ wɛnɛ.

Jean 7:19

Bo nê Moïse baha ɛnɛ mbonga na nde? Ma, ma wi ndang ha soko ɛnɛ ka de mɔ lɛm nɛ mbonga ɛngɛ bona. Ɛnɛ ngoy gbɛ mi hazu ge?»

Jean 7:46

Hio nasara ndɔng kiforo wen: «Ma wi ndang ka wolmɔ tuka wei kɛ bona.»

Deamɔ 24:25

Ma, ka Paul ha tɔa wen dea mɔ nzeng, wen gana zu tili wɔ mɔ fɛt, nɛ wen kita pɛ Sɔ ka betɛ, ke baa Félix nɛ a tɔa: «Sising, mɛ kifiri si ha twa zɔbhɔ. Mi besa mɛ fin, ka mi kpa dede ngimɔ.»