Marc 10:32 - Takarata pɛ Sɔ Mbombe Mbon

³² Jésus hinɛ hio *wan-yambimɔ pɛa baa wal hazu dang nɛ ha Jérusalem. Jésus ha nɛa nɔ ha li mbwa. Sila hio wan-yambimɔ bhunzoko, nɛ hio wi ndɔng ka nɛa hinɛ mbwa, dungɔ nɛ ke pentɛ. Mɛgi, Jésus wesara hio *wan-nɛtom bhukɔ gbala bwa, nɛ wɛnɛ angara tɔa ha mbwa, mɔ ka hio wi bede nɛ wɛnɛ.

Marc 10:32 Iomraidhean Croise

Matthieu 11:25

Ha ngimɔ ɛngi, Jésus tɔa: «Bafa mi, mɛ nê wan ngɔn nɛ nu. Mi lukisi mɛ hazu mɛ gbasa ha hio bebe wi mɔ ndɔng, ka mɛ wuso ha hio wan-mbarimɔ nɛ wan-ingmɔ.

Matthieu 13:11

Nɛ wɛnɛ kiforo wen ha mbwa: «Pɛ ɛnɛ, mɔ ka badung nɛ wuso hazu *Kongakandɔ Ngɔn, Sɔ gbasa yo ha ɛnɛ. Ma, pɛ hio oloa, Sɔ gbasi yo ha mbwa na.

Marc 1:27

Wi fɛt yaksa nɛkpasa nɛ mbwa angara ana may: «Ɛngɛ nê nge tili mɔ ge? Wi ɛngɛ ha osa mbombe mɔ ha ɔ nɛ ziomɔ. Wɛnɛ ha nu ha hio gdanga sɔtɛ nɛ mbwa ze nu wa.»

Marc 4:34

Wɛnɛ dungɔ ha tɔa mɔ fɛt ha mbwa nɛ wal towen. Ma, ka wɛnɛ tɛ bo gbatɛ hinɛ hio *wan-yambimɔ pɛa, a tɔa gotoa fɛt ha mbwa.

Dede Wen hazu Jésus-Christ ka Luc ngɛraka 10:23

Nɛ ka Jésus dungɔ hinɛ hio *wan-yambimɔ pɛa gbatɛ, wɛnɛ kiforo tɛ zɔk mbwa nɛ tɔa: «Totɛ ha ɛnɛ hazu hio mɔ ka ɛnɛ ha zɔka.

Dede Wen hazu Jésus-Christ ka Luc ngɛraka 19:28

Ka Jésus wolamɔ ndɔng fɛt, a pena sɔngsi giliwi mɛ nɛ ha Jérusalem.

Dede Wen hazu Jésus-Christ ka Luc ngɛraka 9:51

Ka ngimɔ tɛ bo sanga nde, Sɔ agu Jésus ha ngɔn, Jésus baa sila wa nɛ kɔ mɛ nɛ ha Jérusalem.

Jean 11:16

Thomas ka ɛ sa fin nde bedan, tɔa ha hio olo wan-yambimɔ fɛt: «Ɔ fɛt, ɔ nɛ hinɛ Jésus nde, ɔ afe hinɛ wɛnɛ.»

Jean 11:8

Nɛ hio wan-yambimɔ tɔa ha wɛnɛ: «Wan-osimɔ, hio wi dungɔ ha kio wal nde, mbwa alo mɛ nɛ ta gbɛ pata tɛ yɛ ka na. Ma, mɛ ngoy mɛ kifiri fin si haki nde?»