Marc 10:30 - Takarata pɛ Sɔ Mbombe Mbon

³⁰ wi kɛ bekpa mɔ ze gɔmmay ndang pen mɔ sɔngsi. Wɛnɛ bekpa ha nzan ɛngɛ hio twa, hio ya mɔ bewei nɛ mɔ bebhoko, hio nana, hio bafa, hio bem, hio fɔ. Nɛ ha ndangtɛ ngimɔ, wɛnɛ bekpa fin namalamɔ. Ma, ha nzan ka betɛ, a bekpa tunɔ kpoo.

Marc 10:30 Iomraidhean Croise

Matthieu 12:32

Nɛ ka ma wi tɔ gdanga wen sungiri mi, *Bewei pɛ Wi, Sɔ lɛma ha *tiso ha wɛnɛ. Ma, ka ma wi tɔ gdanga wen sungiri Nzɔy-Sɔtɛ, Sɔ lɛm ha tiso ha wɛnɛ na. Ngase ha nzan ɛngɛ, ngase ha mbombe nzan ka betɛ.»

Matthieu 13:8

Hio ma teka ha dede nu, nɛ yo waya. Ma waya gɔmmay ndang, ma waya bhukɔa mɔrkɔ zu bhukɔa ndang, nɛ ma waya bhukɔa tar.»

Matthieu 6:33

Mɛgi, pen mɔ fɛt, ɛnɛ ki mɛ dung hio wi mɔ *Kongakandɔ pɛ Sɔ, nɛ ɛnɛ de mɔ ka dung nzeng ha li wa, nɛ Sɔ beha ɛnɛ olo mɔ fɛt.

Dede Wen hazu Jésus-Christ ka Luc ngɛraka 18:30

wia bekpa mɔ ze nɛdɔka pen mɔ sɔngsi ha nzan ɛngɛ, nɛ a bekpa bin tunɔ kpoo ha mbombe nzan pɛ Sɔ.»

Jean 10:23

Jésus dungɔ ha yala ha si ngundu gasa twa Sɔ ɛngɛ, ka ɛ sa nde, ngundu twa pɛ Salomon.

Deamɔ 14:22

Ha zang le ndɔng mbwa mboa hio wan-yambimɔ pɛ Jésus nde, mbwa abhɔn nɛ nɔa nging ha mɛkaramɔ. Mbwa tɔa fin: «Dea nde, ɔ akpa gasa yeksamɔ sɔngsi ka ɔ bele ha zang *Kongakandɔ pɛ Sɔ.»

Deamɔ 16:25

Ha wal gduko zɛ, Paul nɛ Silas dungɔ ha gɔa Sɔ nɛ ha bea gima lukisi nɛ Sɔ. Nɛ hio olo wan-zɔbhɔ ha zea mbwa.

Deamɔ 5:41

Hio wan-nɛtom pena ha li hio wan-kpo zuwen nɛ totɛ gdang hazu Sɔ zɔka mbwa tuka wi ka dung nɛ zioa mɛ kpa yeksamɔ hazu ling Jésus.

Rome 5:3

Yo bo sɔna nê ɛngi na. Ma, ɔ ha dea totɛ fin hazu yeksamɔ ka kpa may hinɛ ɔ. Hazu ɔ ingɔ nde, yeksamɔ bede nde, ɔ adung nɛ yikosila.

Rome 6:23

Kpasawen, mɔ-kɛ *wan-de gdangamɔ, yo nê fio. Ma, dede haamɔ ka Sɔ ha nɛ gangtɛ, yo nê tunɔ kpoo ha dea sɔy hinɛ Jésus-Christ, *Kongawan pɛ ɔ.

2 Korente 6:10

Hio wi ha haa ngɔtɛ ha ɔ, ma, ɔ ha dea totɛ swe fɛt. Ɔ dung tuka fabha wi, ma, ɔ ha yɛbhasa kpaamɔ pɛ hio dɔka wi. Ɔ dung tuka wi ka bo nɛ mɔ na, ma, ɔ kpaa mɔ fɛt kari.

Filipe 3:8

Kpasa kpaamɔ pɔm, yo nde, mi ingɔ Jésus-Christ, Kongawan pɔm. Ha li kpaamɔ ɛngɛ, hio olo mɔ fɛt tɛ bo nê gbelemɔ. Mi zɔka hio mɔ pɔm fɛt tuka ngbundu mɔ, nɛ mi laka yo gde tuka nde, mi ade sɔy hinɛ Christ,

2 Tesalonike 2:16

Sɔ, Bafa ɔ ngoya ɔ, mɛgi nɛ wal *dede sila pɛa, wɛnɛ ha yɔkala ɔ kpoo, nɛ a haa dede *mɔgdetazu ha ɔ. Wɛnɛ hinɛ Kongawan pɛ ɔ, Jésus-Christ,

1 Timothée 4:8

Dea ngatom hazu ngasisi tɛ mɛ begbakiri mɛ tikiring. Ma, dungɔa nɛ mboazu ha wal mɔ Sɔ begbakiri mɛ ha mɔ fɛt, hazu Sɔ gɔna nu nde, wi ka de mɛgi, bedung nɛ zutunɔ ha ngimɔ ɛngɛ sising nɛ ha ngimɔ ka betɛ bin.

1 Timothée 6:6

Kpasawen, dea tom Sɔ, yo nê gasa kpaamɔ hazu wi ka bo nɛ hɛl kpaamɔ na.

Jacques 1:12

Totɛ ha wi ka dung nɛ yikosila ha zang sɛbhalamɔ. Hazu ka Sɔ zɔka nde, sɛbhalamɔ tɛ gan zu wa na, a beha wɛnɛ *tunɔ kpoo. Ɛngɛ nê kɛamɔ ka Sɔ gɔna nu mɛ ha ha wi fɛt, ka ngoya wɛnɛ.

Jacques 5:11

Hio wi ndɔng ka dung nɛ yikosila ha zang yeksamɔ, ɔ tɔ nde, mbwa nɛ totɛ. Ɛnɛ zea kasi yikosila pɛ Job. Nɛ ɛnɛ ingɔ wal ka Sɔ karsa yeksamɔ pɛa ha kpogioa. Ey, Kongawan ha dea ngay nɛ kobhe tɛ wi.

1 Jean 2:25

Nɛ wal dea sɔy ɛngɛ ɔ kpaa *tunɔ kpoo, ka Bewei pɛ Sɔ gɔna nua mɛ ha yo ha ɔ.

1 Jean 3:1

Ɛnɛ zɔk, Sɔ, Bafa ɔ, saa ɔ nde, hio bem pɛa! Ɛngi osi gasa ngoy ka wɛnɛ ngoya nɛ ɔ! Ey, ɔ nê hio bem pɛa kpasawen. Hio wi mɔ nzan ing Sɔ na. Mɛgi, mbwa tɛ ing nde, ɔ nê hio bem pɛ Sɔ, na.

Gbasamɔ 2:9

Mi ingɔ yeksamɔ nɛ fabha pɛ ɛnɛ. Ma, kpasawen, ɛnɛ nɛ kpaamɔ. Mi ingɔ gdanga lingtɛ ka hio ma wi tɔ ha tɛ ɛnɛ. Mbwa ba tɛ mbwa tuka hio kpasa *zuife, ma, mbwa bo nê zuife na, mbwa nê giliwi pɛ *Satan.

Gbasamɔ 3:18

Mɛgi, mi ngoya mbo ɛnɛ nde, ɛnɛ atɛ tɛ hɛ ha kɔ mi gbɛbolo ka ɛ wea ha we, tuka nde, ɛnɛ adung nê hio kpasa wan-kpamɔ. Ɛnɛ ahɛ fin bu la mɛ yol tuka nde, foy sɔngɛrɛ tɛ ɛnɛ agbasi tɛ na. Ɛnɛ ahɛ fin yina mɛ a ha gbali ɛnɛ tuka nde, ɛnɛ azɔk mɔ.