Marc 10:24 - Takarata pɛ Sɔ Mbombe Mbon

²⁴ Nɛ hio wan-yambimɔ yaksa ha wen ndɔng. Nɛ Jésus tɔa fin ha mbwa: «Hio dan mi, yo nɛ ngaya pentɛ mɛ le ha Kongakandɔ pɛ Sɔ.

Marc 10:24 Iomraidhean Croise

Matthieu 19:25

Ka hio wan-yambimɔ zea mɛgi, mbwa yaksa pentɛ nɛ mbwa tɔa: «Ka bo mɛgi, o bekpasi o nde?»

Marc 1:27

Wi fɛt yaksa nɛkpasa nɛ mbwa angara ana may: «Ɛngɛ nê nge tili mɔ ge? Wi ɛngɛ ha osa mbombe mɔ ha ɔ nɛ ziomɔ. Wɛnɛ ha nu ha hio gdanga sɔtɛ nɛ mbwa ze nu wa.»

Marc 10:23

Jésus gɛramɔ hɛrr zikiri pɛtɛ wa, nɛ a tɔa ha hio *wan-yambimɔ pɛa: «Yo nɛ ngaya hazu wan-kpamɔ, mɛ tɛ gbakɔ *Kongakandɔ pɛ Sɔ.»

Dede Wen hazu Jésus-Christ ka Luc ngɛraka 16:14

Hio *Farizien zea wen ndɔng fɛt, nɛ mbwa mama Jésus hazu mbwa ngoya mbɔli gdang.

Jean 13:33

Hio dan mi, mi lɛm dung hinɛ ɛnɛ pata yɛ fin na. Ɛnɛ beki mi. Ma, mi tɔ ha ɛnɛ ndangtɛ mɔ ka mi tɔa ha hio wan-le *zuife nde, ɛnɛ lɛm nɛ ha bhandi ka mi nɛ ang na.

Jean 21:5

Jésus ana mbwa: «Hio dan mi, ɛnɛ tɛ gbɛ ka ma kɔyɔ na nde?» Nɛ mbwa kiforo wen ha wɛnɛ: «Way! Ɔ tɛ gbɛ ka ma kɔyɔ ndang na.»

Jean 6:60

Hio *wan-yambimɔ nɛdɔka ka zea wen ndɔng, tɔa: «Wen ndɔng ngaya pɛ mbwa pentɛ, o ka bemɛkiri yo, o?»

Galasi 4:19

Hio bem pɔm, mi ha kpaa yimtɛ hazu ɛnɛ fin nɛ mbinga tuka bhoko ka bi bhɛ. Mi bebhɔn nɛ yimtɛ ɛngɛ tee hɔ ha ngimɔ ka ɛnɛ bedung nê hio kpasa wi pɛ Christ.

1 Timothée 6:17

Mɛ ha nu ha hio wan-kpamɔ ha zang nzan ɛngɛ nde, ka mbwa asutɛ na, nɛ ka mbwa agde tazu mbwa ha kpaamɔ ɛngɛ ka bepen na. Ma, lɛma nde, mbwa agde tazu mbwa ha tɛ Sɔ ka ha ɔ yɛbhɛ-yɛbhɛ mɔ fɛt nde, ka ɔ adung nɛ totɛ.

1 Jean 2:1

Hio bem pɔm, mi ngɛriki takarata ɛngɛ ha ɛnɛ yu nde, ɛnɛ betɛ de gdangamɔ. Ma, ka ma wi dea gdangamɔ, ma wan-le gdong wen hazu ɔ ang ha li Sɔ, Bafa ɔ. Wia nê Jésus-Christ, *nzeng wi.

1 Jean 4:4

Hio bem pɔm, ɛnɛ nê pɛ Sɔ. Ɛnɛ gana zu hio wan-tɔkuliwen dalo fɛt kari. Hazu Nzɔy-Sɔtɛ ka dung ha tɛ ɛnɛ, wɛnɛ nɛ ngaya pen sɔtɛ ka dung ha tɛ hio wi mɔ nzan.

1 Jean 5:21

Hio bem pɔm, ka ɛnɛ andari hio gbele sɔ na!

Gbasamɔ 3:17

Ɛnɛ ha tɔa nde, ɛnɛ nê hio wan-kpamɔ, ɛnɛ kpaa yɛbhɛ-yɛbhɛ mɔ, ma mɔ ndang kɔpi ɛnɛ na. Ma, kpasawen, ɛnɛ nê hio wan-ngɔtɛ, wan-kɔsa, wan-keri mɔ, wan-gdɔka li, wan-sɔngere, nɛ ɛnɛ tɛ ing yo na.