Marc 1:19 - Takarata pɛ Sɔ Mbombe Mbon

¹⁹ Ka wɛnɛ nɛa fin tikiring, a zɔka Jacques hinɛ bebe ya wa, Jean. Bafa mbwa nê Zebede. Mbwa dungɔ ha zang sɔngu bhɔngiri nɛ yɔk pɛ mbwa.

Marc 1:19 Iomraidhean Croise

Matthieu 4:21

Ka mbwa pena nɛyɛa tikiring, Jésus zɔka fin hio ma gdiya bwa. Yo nê hio bem pɛ Zebede, Jacques hinɛ Jean. Mbwa hinɛ bafa mbwa dungɔ ha bhɔngara yɔk ha zang sɔngu. Nɛ Jésus saa mbwa.

Marc 1:18

Hapata, mbwa laka yɔk pɛ mbwa gde nɛhasa, nɛ mbwa ndara wɛnɛ.

Marc 1:20

Nɛhasa, Jésus saa mbwa. Nɛ mbwa laka bafa mbwa Zebede nɛ hio wan-tom pɛa gde ha zang sɔngu, nɛ ndara Jésus.

Marc 10:35

Hio bewei pɛ Zebede, Jacques nɛ Jean, tiko nɛ hapɛtɛ Jésus. Nɛ mbwa tɔa ha wɛnɛ: «Wan-osimɔ, ɔ ngoya nde, mɛ ade mɔ ka ɔ beani ha kɔ mɛ.»

Marc 14:33

Nɛ wɛnɛ kuo Pierre, Jacques nɛ Jean pen nɛ. Ke nɛ ngɔtɛ angara baa wɛnɛ.

Marc 3:17

Jacques hinɛ ya wa, Jean. Mbwa nê hio bem pɛ Zebede. Jésus haa fin ma ling ha mbwa nde, Boanerges. Ling ɛngɛ tɔ nde, bem pɛ tubho kolo.

Marc 5:37

Nɛ Jésus tɛ ngoy nde, ma wi anɛ hinɛ wɛnɛ na, kanɛ Pierre, Jacques hinɛ ya wa Jean sɔna.

Marc 9:2

Hapata yala mɔrkɔ zanga ndang, Jésus kuo Pierre, Jacques nɛ Jean, nɛnɛ ha zu kuso ngari. Ka mbwa dungɔ gbatɛ, tɛ wa kiforo ha li mbwa.

Jean 21:2

Hio ma wan-yambimɔ wesara may haki. Yo dungɔ nê Simon-Pierre, Thomas ka ɛ sa fin nde bedan, Natanael wi mɔ le Kanaan mɔ kandɔnu Galile, hio bewei pɛ Zebede bwa, tɛ ba nɛ hio ma wan-yambimɔ pɛ Jésus bwa.

Deamɔ 1:13

Nɛ ka mbwa hɔa haki, mbwa danga nɛ ha pimbi ha ngɔn mɔ twa ka mbwa dungɔ mɛ wesiri may ang. Wi ndɔng nê: Pierre, Jean, Jacques, André, Philippe, Thomas, Barthélemy, Matthieu, Jacques bewei pɛ Alfe, Simon ka ɛ sa nde «Wan-yin gɛnɛ kongawan», hinɛ Jude bewei pɛ Jacques.

Deamɔ 12:2

A haa nu mɛ gdɛngiri gɛl Jacques, ya mɛ Jean, nɛ gbapa.