Filipe 3:2 - Takarata pɛ Sɔ Mbombe Mbon

² Ɛnɛ pangay nɛ hio gdanga wan-tom ndɔng, ka dung tuka hio tolo. Mbwa ha nɔsasa hio wi mɛ gɔn sɔru.

Filipe 3:2 Iomraidhean Croise

Matthieu 24:10

Nɛ dɔka wi belak mɛkara Sɔ gde. Mbwa begde may ha kita, nɛ mbwa besɛn may.

Matthieu 7:15

«Pangay nɛ hio wan-tɔkuliwen dalo. Hazu mbwa yol nɛ kotu sami tɛnɛ ha pɛ ɛnɛ. Ma, ha zanga, mbwa nê hio ngɔnzu.

Matthieu 7:6

«Ka ɛnɛ aha nzɔy mɔ ha hio tolo na. Yu nde, mbwa bekifiri tɛ yɔng ɛnɛ. Nɛ ka ɛnɛ aha hio mɛtɛtɛ pɛ ɛnɛ ha hio nguru na. Yu nde, mbwa be-um yo nɛ nanga mbwa.»

Rome 2:28

Mɛgi, kpasa zuife bo ha peali na. Nɛ kpasa gɔna sɔru bo nê sali dalɛ ha tɛ wi na.

2 Korente 11:13

Kpal hio wi ndɔng nê hio gdanga wan-nɛtom. Mbwa nê hio yambalazu wan-tom, ka osili wi nde, mbwa nê hio wan-nɛtom pɛ Christ.

Galasi 5:13

Ka bo nê pɛ ɛnɛ, hio ya mi, Sɔ saa ɛnɛ mɛ dung nê bele. Mɔ ndang sɔna, ɛnɛ ka dung nê bele sising, ka ɛnɛ atakiri nde, ɛnɛ lɛma de mɔ fɛt tuka sila ɛnɛ ngoya na. Ma, lɛma nde, ɛnɛ angoy may, nɛ ɛnɛ agbakiri may.

Galasi 5:15

Nɛ ka ɛnɛ de mɔ ha soko may tuka hio ngɔnzu ka yɔng may vak-vak, nɛ ka kɔmbiri may zɛgbɛk, ɛnɛ pangay yu nde, ɛnɛ betɛ gdari may mburr.

Galasi 5:6

Kpasawen, wi ka de sɔy hinɛ Jésus-Christ, mana wɛnɛ nê wan-gɔn sɔru, mana wɛnɛ nê wan-sɔru, yo de mɔ na. Gasa mɔ sɔna nde, wɛnɛ amɛkiri Christ nɛ gbasi yo nɛ wal ngoy ka wɛnɛ ngoya nɛ hio wi.

Filipe 3:19

Sɔ bebhondisi mbwa ha kpogio ngimɔ. Zang mbwa tɛ bo nê sɔ pɛ mbwa, mbwa ha suotɛ hazu deamɔ foy pɛ mbwa, nɛ mbwa takiri mɔ sɔna ha zu hio mɔ nzan.

Filipe 3:3

Ma, yo nê ɔ ka dung hio kpasa wan-gɔn sɔru, hazu ɔ ha dea tom Sɔ nɛ wal ngatɛ pɛ *Nzɔy-Sɔtɛ. Ɔ takiri nde, deamɔ pɛ ɔ lɛm gde ɔ nzeng ha li Sɔ na, ma, ɔ sutɛ hazu mɔ ka Jésus-Christ dea ha tɛ ɔ.

1 Timothée 1:19

Mɛ bhɔn ka ha mɛkara Christ, nɛ mɛ pam ingɔmɔ sila pɛ mɛ nɛ saa. Hio ma wi kafa mɛ de mɛgi, nɛ mɛkaramɔ pɛ mbwa bhonda.

Tite 1:16

Mbwa ha tɔa nde, mbwa ingɔ Sɔ. Ma, deamɔ pɛ mbwa osi nde, mbwa kafa Sɔ kari. Mbwa dung tuka mɔ nyɛl, mbwa nê wan-nga zala, nɛ mbwa lɛm de ma dedemɔ ndang na.

2 Pierre 2:22

Hio zɛngwen tɔ nde: «Tolo kiforo fin tɛ, tɛ yɔng ɔya pɛa.» Nɛ fin nde: «Nguru ka ɛ zosa, kiforo fin tɛ, tɛ bɛng tɛ wa ha zang mbɔlbhɔtɔ.» Mɔ ka hɔa ha tɛ hio wi ndɔng, yo osi nde, zɛngwen ndɔng nê tɛwen.

Jude 1:4

Mi tɔ mɛgi hazu hio ma wi ka tɛ mɛkiri Sɔ na, lea ha soko ɛnɛ nɛ wuso. Mbwa ha kio wal mɛ tukili wen *dede sila ka Sɔ ha dea ha tɛ ɔ. Mbwa tɔ nde, ka ɔ de mɔ nɛ tum, yo de ma mɔ ndang na, hazu Sɔ ha dea dede sila ha tɛ ɔ swe fɛt. Nɛ wal deamɔ mɛgi, mbwa kafa Jésus-Christ ka dung nê ndanga wan-osimɔ nɛ ndanga *Kongawan pɛ ɔ. Sɔ weka wal ka wɛnɛ begɔn kita ba nɛ hio wi ndɔng sɔngsi bhee kari.

Gbasamɔ 2:9

Mi ingɔ yeksamɔ nɛ fabha pɛ ɛnɛ. Ma, kpasawen, ɛnɛ nɛ kpaamɔ. Mi ingɔ gdanga lingtɛ ka hio ma wi tɔ ha tɛ ɛnɛ. Mbwa ba tɛ mbwa tuka hio kpasa *zuife, ma, mbwa bo nê zuife na, mbwa nê giliwi pɛ *Satan.

Gbasamɔ 21:8

Ma, ka bo nê pɛ hio wan-ke, hio wan-yambala zu, hio wan-nyalɔ, hio nagbɛwi, hio wan-de wanza, hio wan-nganga, hio wan-lukisi gbele sɔ, nɛ hio wan-tɔ dalo fɛt, mbwa bekpa bhandi ha tɔ we ka ba we nɛ piti. Tɔ we ɛngɛ, yo nê zebwa fio.»

Gbasamɔ 22:15

Ma, hio wan-nyalɔ, hio wan-nganga, hio wan-de wanza, hio nagbɛwi, hio wan-lukisi gbele sɔ, nɛ hio wi ka ngoy tɔa dalo nɛ ka de mɔ lɛm nɛ yo, bhandi pɛ mbwa fɛt ha gdong kin lea.

Gbasamɔ 3:9

Ɛnɛ zɔk, hio ma wi ha tɔa dalo nde, mbwa nê *zuife. Ma, mbwa bo nê zuife na, mbwa nê giliwi pɛ *Satan. Mi benɔsisi mbwa nde, mbwa atɛ tɛ ngbi zigolo ha si ɛnɛ. Mɛgi, mbwa being nde, mi ngoya ɛnɛ.