Deamɔ 1:3 - Takarata pɛ Sɔ Mbombe Mbon

³ Hapata fio pɛa, a dungɔ ha gbasa tɛ ha mbwa ha zang yala bhukɔa nar. A osa ha mbwa nɛ dɔka wal nɛtɛ-nɛtɛ nde, wɛnɛ nɛ zutunɔ. Nɛ wɛnɛ tɔa wen *Kongakandɔ pɛ Sɔ ha mbwa.

Deamɔ 1:3 Iomraidhean Croise

Matthieu 21:43

«Hazu ɛngi, mi tɔ ha ɛnɛ nde, ɛnɛ lɛm dung wi mɔ *Kongakandɔ pɛ Sɔ fin na. Ma, Sɔ beweki ma mbing kandɔ, ka bede dedemɔ ka lɛma nɛ Kongakandɔ pɛa. [

Matthieu 28:9

Nɛhasa, Jésus kpaa may hinɛ mbwa nɛ a tɔa: «Wolmɔe!» Mbwa tiko tɛ, tɛ ba nanga wa, nɛ mbwa lukoso wɛnɛ.

Matthieu 3:2

nɛ tɔa: «Ɛnɛ akifiri sila ɛnɛ, hazu *Kongakandɔ Ngɔn tɛ bo sanga nɛ ɛnɛ.»

Matthieu 4:2

Ka Jésus zimɔ yɔngamɔ swe bhukɔa nar nɛ zɛ bhukɔa nar kari, wɔ dea wɛnɛ.

Marc 16:19

Nɛ ka *Kongawan Jésus tɔa wen ndɔng ha hio *wan-yambimɔ pɛa fɛt kari, Sɔ guo wɛnɛ si nɛ ha ngɔn. Nɛ a dungɔnu ha wekɔ Sɔ.

Jean 20:26

Hapata dimasi ndang, hio wan-yambimɔ pɛ Jésus wesara may fin nɛ mbinga ha zang twa, nɛ Thomas dungɔ hinɛ mbwa. Mbwa gɔma nutwa, ma, Jésus hɔa tɛ yol ha binsila mbwa, nɛ a tɔa ha mbwa: «Gaamɔ adung hinɛ ɛnɛ!»

Jean 21:1

Hapata ma yala fin, Jésus gbasa tɛ ha hio *wan-yambimɔ pɛa ha nukolo tɔ Tiberiade. A gbasa tɛ mɛgɛ:

Jean 21:14

Ɛngɛ nê mɔ zetara, ka Jésus gbasa tɛ ha hio wan-yambimɔ pɛa, hapata ka wɛnɛ guotɛ ha soko hio fiowi.

Deamɔ 13:31

Ha zang dɔka yala, Jésus gbasa tɛ ha hio wi ndɔng, ka banɛ hinɛ wɛnɛ angiri ha Galile hɔ ha Jérusalem. Yo nê mbwa ka tɛ bo nê hio wan-bul wen tɛ wa ha hio wi mɛ kandɔ Israel.

Deamɔ 19:8

Paul nɛa ha *twa gɔ Sɔ, nɛ ha zang kilize tar fɛt, a dungɔ ha bulo wen nɛ da hazu wen *Kongakandɔ pɛ Sɔ. A kio wal mɛ gan zu hio wi nde, mbwa amɛkiri wen pɛa.

Deamɔ 28:23

Nɛ ka yala ka mbwa baweki ha Paul lɛma kari, mbwa tɛa ha twa pɛa nɛdɔka pen mɔ sɔngsi. A bulo wen *Kongakandɔ pɛ Sɔ ha mbwa, nɛ a kio wal mɛ gan zu mbwa nde, mbwa amɛkiri Jésus. A osa mɔ nɛ sutole kanɛ zɛ nɛ wal tɔla hio ma ngɛrakamɔ ha zang *mbonga pɛ Moïse nɛ ha zang takarata pɛ hio *wan-tɔkuliwen.

Deamɔ 28:31

A dungɔ ha bulo wen Kongakandɔ pɛ Sɔ, nɛ ha osa mɔ nɛ da hazu *Kongawan Jésus-Christ. Nɛ ma wi ndang dol wɛnɛ na.

Deamɔ 8:12

Ma, sising mbwa mɛkara Dede Wen ka Philippe bulo hazu *Kongakandɔ pɛ Sɔ nɛ hazu ling Jésus-Christ. Mɛgi, wɛnɛ gdumso mbwa ha li, wei nɛ bhoko.

Rome 14:17

Hazu, *Kongakandɔ pɛ Sɔ, yo zɔk wen yɔngamɔ nɛ nɔa mɔ na. Ma, yo zɔk wen dea nzengmɔ, gaamɔ, nɛ totɛ ka tɛ nɛ wal *Nzɔy-Sɔtɛ.

Kolose 1:13

Sɔ gbosasa ɔ ha si ziomɔ tutum yunɛ, nɛ a lesasa ɔ ha Kongakandɔ pɛ Bewei pɛa ka wɛnɛ ngoya gdang.

1 Tesalonike 2:12

Ɔ dungɔ mɛ mbo ɛnɛ, mɛ ha da ha ɛnɛ, nɛ mɛ alnu ha ɛnɛ nde, ɛnɛ ade mɔ ka lɛma nɛ mɔ ka Sɔ ngoya. Wɛnɛ saa ɛnɛ mɛ le ha Kongakandɔ pɛa nɛ ha *lɛkɛ-lɛkɛmɔ pɛa.

1 Jean 1:1

Ɔ ngɛriki takarata ɛngɛ ha ɛnɛ hazu wi ɛngɛ ka ɛ sa nde, Wen ka ha tunɔ. Wɛnɛ ang nisi ha ngimɔ ka Sɔ dea nzan. Ɔ zea wen nu wa nɛ zala ɔ. Ɔ zɔka wɛnɛ nɛ li ɔ. Ɔ mbara wɛnɛ. Nɛ ɔ ndɔa tɛ wa nɛ kɔ ɔ.