Yohannes 8:44 - MKPAMAṄ AMVOE Nouveau Testament en langue Ewondo 2012

⁴⁴ Mina, miasò abë esya waan, Satan, ndò miadiṅ na miabò ṅyian waan. Ṅnyè anë hm ṅwoe bod atarigi a mëtari, ndò atëlë ki a bëbëla, amu bëbëla asëki abë nyè. Eyòṅ akòbò minnal, akòbò mam moe, amu anë mod minnal, atoa fë esya minnal.

Yohannes 8:44 Iomraidhean Croise

Mt 12:34

A ayòṅ nyò di, eyë minë dzam kòbò mbëṅ, mibòò abe ya? Amu anyu lafala e di lasò a nnëm ete.

Mt 13:15

Amu ayòṅ di anë nnëm alèd, bëdibi mëlò, bëbudigi mis asu yë na bëza yen ai mis, ngë awog ai mëlò, ngë asoṅ a nnëm, asu yë na bëvëṅan, mëzu bò bò mvoè.

Mt 13:38

Afub anë si ndon; mbëmbë mvòṅ anë bòn bë edzoe. Mbë elòg anë bòn bë mbë nsisim.

Yohannes 6:70

Yesus nyè ai bò na: Së ma mëngatòb mina awom ai bëbè a? Tò a hm nala, mbòg ya abë mina anë mbë nsisim.

Yohannes 7:17

Ngë mod ayi na abò ṅyian woe, ayi yëm ngë ṅyëgëlan wasò abë Zamba, ngë ki na makòbò ai ngul dzama mamen.

Yohannes 8:38

Makòbò e mam mëngayen abë tara. Mina fë, boan e mam mingawog abë tara.

Yohannes 8:41

Mina, miabò mimboan mi esya waan. Bò ai nyè na: Biandzëki byali a ngòbinda. Bibëlë esya mbòg, Zamba.

Yohannes 8:55

dzam da, miayëm ki nyè. Ngë madzo ana na, mayëm ki nyè, mëntoa mod minnal anë mina. Ndò hm, mayëm nyè, ndò fë mabaala ebug dzie.

Bisye bi Apostel 13:10

nyè na: A wa ya onë ndzalan ai mfugu osë, ai mvol esë, wa mòn Satan, wa nziziṅ sosoo, wayiyi ki tele adzo di na waandaman bëtëtëlë mëzen më Nti nga?

Bisye bi Apostel 24:9

Ndò fò Yuden bëngabaman kiṅ, bò na e mam mësë ma mënë ete.

Bisye bi Apostel 5:3

Petrus nyè na: «A Ananias, dze fò Satan adzie wa a nnëm ha, ongazu dug Mfufub Nsisim, osòli etun mòni ya nkuan si?

2Kor 11:3

Mambara na, anë nyò engadug Eva ai mëkëṅ moe, mintsogan mian miza ndaman tègè fë ai miè mfuban ngë ki na anë e mi mi mòngò, abë Kristus.

Petrus osu 5:8

Banan nnëm, mitòbò evie. Nziziṅ waan, Satan, avuṅ hë anë ayòg emgbëm, adzëṅë e mod amana nyab.

Petrus bèè 2:4

Amu ngë Zamba andzëki kaman ai benglès eyòṅ bëngasëm, dzam da ndò angawoa bò a ndoan kòm, avëë bò na bëbi bò a ebe ndoan akëlë kui a nkat,

1Yoh 1:8

Ngë biadzo na bibëlë ki nsëm, biadug bia bëben, ndò fë bëbëla asëki abë bia.

1Yoh 2:21

Mandzëki mina til etòm yë na miayëm ki bëbëla, dzam da mbol miayëm nyè ai mbol yë na minnal miziṅ miatye ki a bëbëla.

1Yoh 2:4

E nyò adzo na: 'mëngayëm nyè', dzam da të baala mëmvende moe, anë mod-minnal, ndò fë bëbëla asëki abë e nyòlò te.

1Yoh 3:12

së ki anë Kain angabë asòò abë Mbe, ndò angawoe manyaṅ. Ndò hm ki, asu dze angawoe nyè? Mbol mimboan mie mingabë abe, e mi mi manyaṅ mitoa sosoo.

1Yoh 3:15

E mod osë adiṅ ki manyaṅ anë ṅwoe bod, ndò fë miayëm na ṅwoe bod ziṅ abëlë ki enyiṅ kòm abë nyè.

Yudas 1:6

E benglès ya bandzëki baala e hom edzoe waban, bëkodo a etòbògò dzaban, anganyie bò a ebe ndoan a si, asu nkat ya amos nen, bëtii a mësuṅ më kole.

Ekuli-mam 12:9

Ndò bëngawoe e ngaṅ-mëdzaa nyò, mod nnomo nyò, ṅnyè baloe na Satan, ṅnyè adug si-ndon esë, ndò bëngawoa nyè a si, ndò fë bëngawoa benglès boe fufulu ai nyè a si.

Ekuli-mam 13:14

ndò adug e bod bëtoa a si ai mëndëm ya bëngavë nyè ngul na abò a mis më tsit afan, akada e bod bëtoa a si na bëkom bivëgëlë asu e tsit afan bëngabali ai nyamëla okëṅ, enyiṅ ifë.

Ekuli-mam 2:10

Të hm wambara e mam wayi dzugi. Satan ayi woa bod bëvòg ya abë mina a mbog, asu yë na mibi mëbobëla, ndò miayi bi ndzug mëlu awom. Bòò mod-afidi, akëlë kui a awu, mëvë wa ekadi-duma enyiṅ.

Ekuli-mam 21:8

Mfag miṅwowòṅ a i e ba bayëbë ki, e ba babò bëbe bë mam, bëwoe bë bod, bod bë ebamba, bod mëbiaṅ ai e ba balugu bëzamba ai e ba bësë babò minnal, ngab dzaban enë etëtag yadig ndoan ai sulfur; awu bèè dili.

Ekuli-mam 22:15

Bayi ligi a nsëṅ na: mvu, bod mëbiaṅ, bod bë ebamba, bëwoe bë bod, e ba balugu bëzamba, e nyò osë adiṅ minnal, abòò fë minnal.

Ekuli-mam 9:11

bëbëlë ndzoe waban, englès ya tolendoṅ, dzoe die anë a nkòbò ebrea na Abaddon, abëlë dzoe a nkòbò grek na Apolluon.