Yohannes 8:34 - MKPAMAṄ AMVOE Nouveau Testament en langue Ewondo 2012

³⁴ Yesus nyè ai bò na: Amen, amen, makad mina na: E mod osë asëm, anë olò nsëm.

Yohannes 8:34 Iomraidhean Croise

Mt 5:18

Bëbëla emen, makad mina na, osusua yë na yob ai si bialod, tò ekanga dzia ziṅ, tò man atòn ziṅ ya ekanga ayi ki lod, së na mam mësë mëmana dzalëban.

Yohannes 3:3

Yesus nyè ai nyè na: Amen, amen, makad wa na, e nyò andzëki byali a yob, asëki dzam yen edzoe Zamba.

Bisye bi Apostel 8:23

amu mayen na onë a etòg nsëm, otii a mësuṅ më mbë nnëm.

Roma 6:12

Të hm fë nsëm wabada dzoe a nyòl awu dzaan, na mivogolo miṅyian mie,

Roma 6:16

Nga miayëm na, eyòṅ miavëṅan mod ziṅ olò na miawog nyè, mintoa fë olò e mod miawog, ngë olò nsëm, mikëlë a awu, ngë olò mëwog, mikëlë a mëkyëbë?

Roma 6:6

Biayëm fò na nnomo modo waan ongabomban a klos ai nyè, asu yë na asole nyòl nsëm, na të biadugan bò olò nsëm.

Roma 7:14

Amu biayëm na mvende enë dzam ya nsisim, ma mënë hm mod minson ya mëngakaban a ewoge nsëm.

Roma 7:25

Maa ai Zamba a dzoe Yesus Kristus Nti waan. Antoa hm na, hë ma ma, masye mvende Zamba a nsisim, ma fë mësye mvende nsëm a nyòl.

Roma 8:21

bikokoma bite biayi kodeban a esye olò ya ndon, bikë a fili duma bòn bë Zamba.

Ef 2:2

a mingabë nyiṅi etere okoba, akyaè ya enyiṅ ya e si nyi, akyaè ndzoe ngul ya evundu, nsisim ya ongënë bò esye dzie a bod mëlò etoa dzi.

Titus 3:3

Amu bia bëben fë bingabë mëkud, mëlò, bitoa a ndimi, bisye miṅyian mian ai kan ngoṅ esë, binyiṅi a abe, a mëkomëṅa, bibòò mam më ziṅ, bisiṅan fë bia bia.

Petrus bèè 2:19

Bakag bò fili, bò bëben bëtoa bëlò bë eboe. E dzom esë yabad mod, mod avëṅan olò dzom te.