Yohannes 8:11 - MKPAMAṄ AMVOE Nouveau Testament en langue Ewondo 2012

¹¹ Nyè na: Kokoa, a Nti. Yesus nyè ai nyè na: Tò ma, makpè ki wa a nkat. Këlëg, ndò hm, atarigi ana, të fë wabad sëm.

Yohannes 8:11 Iomraidhean Croise

Lk 13:3

Tègè hm fò, ma makad mina; dzam da, ngë mina bësë mibò të vëṅan, miayi dzaṅ nala.

Lk 13:5

Tègè hm fò, ma makad mina; hë da ngë mibò të vëṅan, mina bësë, miayi fë dzaṅ kan te.

Lk 15:10

Makad mina, nala ngò mintag minë a zaṅ benglès bë Zamba asu nsëmë mbòg ya avëṅan.

Lk 15:32

Bihë yean bò abog, biwog mintag, amu e manyòṅ nyò ahë bë ṅwuan, ndò adugan ya nyiṅ, angabë ndzaṅan, ndò asòmban ya.

Lk 15:7

Makad mina na nala ngò mintag miayi bò a yob asu nsëmë mbòg ya avëṅan, alodo anë asu bësosoo mëwom ebul ai ebul ya bayaṅan ki ai avëṅan.

Lk 5:32

Mandzëki sòṅ na maloe bësosoo, mëngazu loe bësëm na bëvëṅan.

Lk 9:56

Ndò bëngakë dzal afë.

Yohannes 18:36

Yesus nyè na: Edzoe dzama yasëki e si-ndon nyi; ngë edzoe dzama esòò a si-ndon, ngë bëlò bama bëṅyidan ana asu yë na të maku a mò më Yuden. Ndò hm, edzoe dzama yasò ki a si.

Yohannes 3:17

Amu Zamba andzëki lom mòn a si na atsig ntol ya si, dzam da asu yë na si-ndon ekodeban abë nyè.

Yohannes 5:14

A mvus hala, ndò Yesus atoban ai nyè a tempel, nyè ai nyè na: Wa nyòlò obò ya mvoè, të hm fë wabad sëm, mbë dzam alodo nala aza toban ai wa.

Yohannes 8:15

Mina miadzòs ai ntsogan nyòl, ma madzòs ki tò mod.

Roma 2:4

Yë mbol ki wabyandi abui abëṅ-nnëm die, ai fin dzie, ai mvam dzie, wa tègè yëm na abën-nnëm Zamba lakë ai wa a avëṅan enyiṅ?

1Kor 5:12

A dze miayi kë tsig e bod ya nsëṅ ntol? Së bod ya nda ete mbò miatsig ntol a?

Petrus bèè 3:15

Yënan fë na fin Nti waan enë akode, akyaè ndindiṅ madzaṅ Paulus angatil mina ai e fëg bëngavë nyè,