Yohannes 7:39 - MKPAMAṄ AMVOE Nouveau Testament en langue Ewondo 2012

³⁹ Angabë adzoo ai nsisim ya e bod bëngayëbë nyè bëyiigi bi. Amu hala nsisim wabë ki sò, tègè ai na Yesus abëlë ya duma.

Yohannes 7:39 Iomraidhean Croise

Mt 16:14

Bò na: Bëvòg badzo na Yohannes Ndu-Bodo, bëvòg bò na Elias, bëfë ki bò na Yeremias ngë ki na profet mbòg ziṅ.

Mt 21:11

Nkunda bod bò na: kë Yesus a, e profet asò a Galilea!

Lk 24:49

Ndò hm malom mina ekaa Tara. Mfa waan, tòbògan a tisòn ha ntye miabë ki bi ngul ya yob.

Lk 3:16

Yohannes nyè ai bò bësë na: Ma, madu mina a mëndim. E nyò anë ngul alodo ma azu; masëki nyè dzam suli nkòl ngob. E nyòlò te ayi mina du a Mfufub Nsisim ai a ndoan.

Lk 7:16

Wòṅ oku fò bod bësë a nyòl, bëngalugu Zamba, bò na: Profèt nen akui abë bia, ai na: Nti asò yen ayòṅ die.

Yohannes 1:21

Ndò basili nyè na: Dze hm, yë wa onë Elias? nyè na: Kokoa. Yë wa onë profèt? nyè na: Kokoa.

Yohannes 1:25

Ndò basili nyè, bò na: A dze hm wadu bod, ngë osëki tò Kristus, tò Elias, tò ki profèt?

Yohannes 1:33

Mfa wama, mambë yëmë ki nyè, dzam da e nyò angalom ma na mëdu bod a mëndim ṅnyè angadzo ai ma na: 'E mod oṅyënë nsisim osusu, ozaa tòbò abë nyè, ṅnyè ayi du abë Mfufub Nsisim!'

Yohannes 12:16

Bëyègè boe bandzëki wog dzam te etye etye, dzam da, eyòṅ Yesus angabëlë duma, ndò bazu tsog na dzam te angabë ntilan atyan ai nyè, ai na bëngabò nyè dò.

Yohannes 12:23

Yesus nyè ai bò na: Awola asò ya na mòn mod abëlë olugu.

Yohannes 14:13

Ndò e dzi miayi dzaè a dzoe dama, mayi dò bò, asu yë na Tara avëëban olugu abë mòn.

Yohannes 14:26

Mfag nkè, Mfufub Nsisim, e nyò Tara ayi lom a dzoe dama, ayi mina yëgëlë bisë, adugan mina baala e ma mësë mëngakad mina.

Yohannes 16:14

E nyòlò te ayi ma vë olugu, amu ayi nòṅ a endzama, abende mina;

Yohannes 16:7

Ma makad mina bëbëla; anë mbëṅ asu daan na mëkë. Amu, ngë mëbò të kë, nkè ayi ki sòṅ a bë mina. Eyòṅ hm ki mayi kë, mayi mina nyè lom.

Yohannes 17:1

Amana angamana kòbò e mam ma, ndò Yesus angabede mis a yob, nyè na: A Tara, awola asò ya. Vaa nyò mòn duma, asu yë na nyò mòn avë wa duma,

Yohannes 17:5

Ndò hm, etoa dzi, wamen, a Tara, vaa ma duma, e kan mëngabë mëbëlë a mgbag dzoe osusua yë na si yazu bò.

Yohannes 20:22

Adzoo nala, ndò avundu bò, nyè na: Nòṅan mfufub ṅhëbë.

Yohannes 6:14

Ayen bod bëngayen e ndëm angabò nyi, bò na: E mod nyò ṅnyè fò anë e profèt ayean sòṅ a si-ndon bëbëla.

Yohannes 7:12

Enyënyam entoa a minkunda hë etòm dzie. Bëvòg bëdzoo na: anë mbëmbë mod, bëfë bëdzoo na: Kokoa, adug bod.

Yohannes 8:54

Yesus nyè na: Ngë mavë mamen duma, duma dama lasëki dzom. Esya wama ṅnyè avë ma duma, ṅnyè miadzo na anë Zamba waan,

Bisye bi Apostel 19:2

nyè ai bò na: Yë mingabi Mfufub Nsisim eyòṅ mingasò a ṅyëbë? Bò ai nyè na: Biabëbë ya ki wog na Mfufub Nsisim anë.

Bisye bi Apostel 2:17

Layi bò na, a mëmos më mvua, Zamba ṅnyè akòbò nala, mayi soe Mfufub Nsisim wama abë mod osë, abog te bëndoman baan ai bëngòn baan bayi kèè na bakòbò anë bëprofet, binanga bian biayi yen mam a nlo, minnom mingayen biyëyëm a nlo;

Bisye bi Apostel 2:33

Mbol mbo-nnomo Zamba angabede nyè, ndò anganòṅ ekaa Mfufub Nsisim abë esya, asoe nyè, akyaè ya miayen, miwogo fë di.

Bisye bi Apostel 2:38

Petrus nyè ai bò na: «Tsendëgan, mod osë ya abë mina aduuban a dzoe Yesus Kristus asu evaè minsëm dzaan, abog te miayi bëlë efaè Mfufub Nsisim.

Bisye bi Apostel 2:4

ndò bò bësë bëngadzie ai Mfufub Nsisim, bëtari hm na bakòbò a minkòbò mifë, e kan nsisim ongabë obò na bëfala nkòbò.

Bisye bi Apostel 3:13

Zamba Abraham ai Zamba Isaak ai Zamba Yakob, Zamba bëtara, avë mòn woe Yesus duma, e nyò ya mina mingakuan ai nyè, misie fë nyè a mis më Pilatus, eyòṅ nyè angatsig na asoe nyè.

Bisye bi Apostel 4:31

Bëkogëlan ha, ndò e hom bëngabë nkoan ongatigëdan, bò bësë bëdzie ai Mfufub Nsisim, bëngakòbò ebug Zamba ai azombo.

Roma 8:9

Mina, miasëki bod bë nyòl, minë bod ya nsisim ngë nsisim Zamba otoa abë mina. Ngë mod ziṅ abëlë ki nsisim Kristus, e nyòlò te awoge ki ai nyè.

2Kor 3:8

biyòṅ taṅ ya esye Nsisim yayi bò a duma ete?

Ef 4:30

Ndò fë të miabò na Mfufub Nsisim Zamba owog olun, abë nyè ngò bëngalig mina ndëm a nyòl asu amos akode.