Yohannes 6:47 - MKPAMAṄ AMVOE Nouveau Testament en langue Ewondo 2012

⁴⁷ Amen, amen, makad mina na: e nyò ayëbë, abëlë enyiṅ kòm.

Yohannes 6:47 Iomraidhean Croise

Yohannes 11:26

Ndò fë, e nyò anyiṅ, ayëbëgë fë ma, ayi ki wu tò eyòṅ. Yë wayëbë nala?

Yohannes 14:19

Hë man eban, si-ndon tègè ma bad yen; mfag waan, miayi ma yen, amu manyiṅ, ndò fë miayi nyiṅ.

Yohannes 3:16

Amu yë na, Zamba angadiṅ si-ndon e kan yë na avëë mbaṅ mòn woe, asu yë na e nyò osë ayebë nyè, abë kë a ndzaṅ, hë da abëlë enyiṅ kòm.

Yohannes 3:18

E nyò ayëbë nyè, atëbë ki a nkat. E nyò ayëbë ki nyè, atëbë ya a nkat, amu andzëki ṅyëbë dzoe mbaṅ mòn Zamba.

Yohannes 3:36

E nyò ayëbë mòn, abëlë enyiṅ kòm. E nyò ki abyandi mòn, ayi ki yen enyiṅ, dzam da, olun Zamba obaa nyè a nyòl.

Yohannes 5:24

Amen, amen, makad mina na e mod awog ebug dzama, ayëbë fë e nyò angalom ma, abëlë enyiṅ kòm, ndò fë akë ki a nkat, dzam da, alod ya a enyiṅ, asòò a awu.

Yohannes 6:27

Syean e mbaṅëla andaman kig, hë atòbògò fò akui a enyiṅ kòm, a mòn mod ayi mina vë. Amu yë na, ṅnyè esya angakomodo.

Yohannes 6:40

Amu ṅyian Tara onë na: e nyò osë ayen mòn, ayëbë fë nyè, abëlë enyiṅ kòm, ma mëkuli fë nyè a sòṅ a amos mvua.

Yohannes 6:50

E nyò anë mbaṅëla ya asò a yob, asu yë na e mod osë adi nyè abë wu.

Yohannes 6:51

Ma mënë mbaṅëla avëë ya asò a yob. Ngë mod adi mbaṅëla te, ayi nyiṅ kole, ndò fë mbaṅëla mayi vë anë nyòl dzama asu enyiṅ si-ndon.

Yohannes 6:54

E mod adi nyòl dzama, anyuu fë mëki mama, abëlë enyiṅ kòm, ndò fë mayi nyè kuli a sòṅ, a amos mvua.

Yohannes 6:58

E nyò ṅnyè anë mbaṅëla ya angasò a yob, së ki e kan bëtara bëngadi, bëwuu. E nyò adi mbaṅëla nyò, ayi nyiṅ a kòm ya kòm.