Yohannes 6:40 - MKPAMAṄ AMVOE Nouveau Testament en langue Ewondo 2012

⁴⁰ Amu ṅyian Tara onë na: e nyò osë ayen mòn, ayëbë fë nyè, abëlë enyiṅ kòm, ma mëkuli fë nyè a sòṅ a amos mvua.

Yohannes 6:40 Iomraidhean Croise

Mt 10:15

Makad mina bëbëla na, a amos nkat, si Sodoma ai Gomorra yayi yen mbëṅ alodo tisòn te.

Mt 25:46

Nala ngò hm bayi kë a endëgëlë kòm, bësosoo bëkëlë a enyiṅ kòm.

Mk 16:16

E mod ayi yëbë, aduban fë, ayi kodeban; e nyò ayi ki yëbë, ayi ku a nkad.

Lk 2:30

amu mis mama mayen akode doe

Yohannes 1:14

Ndò ebugu anganòṅ nyòl, aloṅo abëmba die abë bia, ndò biayen duma die, duma anë e di mbaṅ mòn obëlë abë esya; anë ndzian ai maa, ai sosoo.

Yohannes 10:28

ndò fë mavë miè enyiṅ kòm; miayi ki dzaṅ a ekòg tò eyòṅ, ndò fë mod ziṅan gâfadi ki ma miè a mò.

Yohannes 11:24

Marta nyè ai nyè na: Mayëm na ayi womo a akui-lë-sòṅ a mos mvua.

Yohannes 11:25

Yesus nyè ai nyè na: Ma mënë akui-lë-sòṅ ai enyiṅ. E nyò ayëbë ma, tò afyaṅan wu, ayi nyiṅ.

Yohannes 12:45

ndò fë e nyò ayen ma, ayen e nyò angalom ma.

Yohannes 12:50

Ndò mayëm na mvende dzie enë enyiṅ kòm. E mam makòbò, akyaè ya Tara angakad ma, nala ngò makòbò.

Yohannes 14:17

nsisim bëbëla, a si-ndon yasëki dzam nòṅ, amu yayen ki nyè, të nyè yëm. Mina miayëm nyè, amu alaṅan abë mina, ndò fë ayi tòbò ai mina.

Yohannes 14:19

Hë man eban, si-ndon tègè ma bad yen; mfag waan, miayi ma yen, amu manyiṅ, ndò fë miayi nyiṅ.

Yohannes 17:2

akyaè ya ongavë nyè ngul a ekokoma esë, asu yë na, e dzi esë ongavë nyè, avë dzò enyiṅ kòm.

Yohannes 3:36

E nyò ayëbë mòn, abëlë enyiṅ kòm. E nyò ki abyandi mòn, ayi ki yen enyiṅ, dzam da, olun Zamba obaa nyè a nyòl.

Yohannes 4:14

E mod ki ayi nyu e mëndim ya mamen mayi nyè vë, ayi ki bad wog ekode tò eyòṅ, dzam da, e mëndim mayi nyè vë mayi vëṅan etam e mëndim masoe asu enyiṅ kòm.

Yohannes 5:24

Amen, amen, makad mina na e mod awog ebug dzama, ayëbë fë e nyò angalom ma, abëlë enyiṅ kòm, ndò fë akë ki a nkat, dzam da, alod ya a enyiṅ, asòò a awu.

Yohannes 6:27

Syean e mbaṅëla andaman kig, hë atòbògò fò akui a enyiṅ kòm, a mòn mod ayi mina vë. Amu yë na, ṅnyè esya angakomodo.

Yohannes 6:39

Ṅyian e nyò angalom ma onë hm na, e dzi esë angavë ma, të madzèè dzò, dzam da, mëkuli dzò a sòṅ a amos mvua.

Yohannes 6:44

Mod ziṅ asëki dzam sòṅ a bë ma, ngë e Tara angalom ma andzëki nyè dudu; ma mayi nyè kuli a sòṅ a amos mvua.

Yohannes 6:54

E mod adi nyòl dzama, anyuu fë mëki mama, abëlë enyiṅ kòm, ndò fë mayi nyè kuli a sòṅ, a amos mvua.

Yohannes 8:56

Esya waan Abraham angabë ataag na ayen amos wama, ndò angayen, afono fë.

Roma 5:21

asu yë na, e kan ya nsëm ongadzoe a awu, nala ngò fë maa adzoe ai mëkyëbë asu enyiṅ kòm a zaṅ Yesus Kristus Nti waan.

Roma 6:23

Amu maan më nsëm mënë nsëm, efaè-akab Zamba etoa enyiṅ kòm abë Yesus Kristus Nti waan.

2Kor 4:6

Amu e Zamba angadzo na: Mfyè ofyèg a dibi, ṅnyè angafyè a minnëm mian asu mfyè ṅyëman duma Zamba a mvòm asu Yesus Kristus.

Ebrea 11:1

Ṅyëbë onë eban e mam biafidi, ndëm e byem ya biayen ki.

Ebrea 11:27

A ṅyëbë ngò angakodo a Egipten, tègè mbara ayòg nkukuma. Amu angabò fin hë anë ayen e nyò asëki ai ayene.

Petrus osu 1:8

Yesus Kristus te ṅnyè miadiṅ, tò anë miandzëki nyè yen; tò anë mbol miayen ki etoa dzi, miayëbë, ndò fë miasan ai abui mintag ya mod asëki dzam lèè.

1Yoh 2:25

Ekaa angakag bia dzi: Enyiṅ kòm.

Yudas 1:21

Baalan mina bëben a ediṅ Zamba ete. Yangan ngòl Nti waan Yesus Kristus asu enyiṅ kòm.