Yohannes 5:19 - MKPAMAṄ AMVOE Nouveau Testament en langue Ewondo 2012

¹⁹ Yesus nyè ai bò na: Amen, amen, makad mina na: Mòn asëki dzam bò dzom ziṅ ai emen, ngë andzëki yen esya abò dzò. E mam esya abò, nala ngò fë mòn abò mò.

Yohannes 5:19 Iomraidhean Croise

Mt 26:39

Ndò angakë man ntye, alaban ai asu a si, angakogëlan, nyè na: A Tara, ngë anë ebugbu, e kòb nyi elodo të ma oyab, hë da, të labòban anë mayi, abòban anë wayi.

Lk 21:15

Amu mamen mayi mina vë anyu ai fëg a tò mod ziṅ ayi ki bi ngul ya afèd, ngë ki na mod atoe mina biboṅ.

Yohannes 10:18

Mod afadi ki ma dzò, dzam da, mamen makab dzò, mëbëlë fë ngul ya adugan dzò nòṅ. Mënganòṅ e mvende nyili abë Tara.

Yohannes 12:49

Amu makòbò ki ai mamen, dzam da, e Tara angalom ma ṅnyè angavë ma mvende e dzom makòbò ai e dzi mayi dzo.

Yohannes 12:50

Ndò mayëm na mvende dzie enë enyiṅ kòm. E mam makòbò, akyaè ya Tara angakad ma, nala ngò makòbò.

Yohannes 14:10

Dze yë wayëbë ki na mënë abë Tara, Tara atoa abë ma? E bibug makad mina, makòbò ki biè ai mamen; e Tara atoa abë ma abò esye dzie.

Yohannes 2:19

Yesus nyè ai bò na: Bugan e nda-ngogëlan nyi, mëdugan dzò loṅ a taṅ mëlu mëlè.

Yohannes 3:3

Yesus nyè ai nyè na: Amen, amen, makad wa na, e nyò andzëki byali a yob, asëki dzam yen edzoe Zamba.

Yohannes 5:21

Amu, e kan ya esya ahëlë mimbim, avaa enyiṅ, nala ngò fë mòn avë e nyò osë ayi na avë enyiṅ.

Yohannes 6:38

amu mëngasò a yob, së ki asu yë na mabò ṅyian wama, hë ṅyian e nyò angalom ma.

Yohannes 8:28

Yesus nyè ai bò na: Eyòṅ miayi yen mòn mod, eyòṅ te miayi yëm na ma mënë, ndò fë mabò ki dzom ziṅ ai ngul dzama, dzam da makòbò e kan ya Tara angayëgëlë ma.

Yohannes 9:4

Biayean bò esye enyò angalom ma ntye amos ongënë. Alu angazu ya, tègè ai e mod anë dzam bò esye ete.

Bisye bi Apostel 2:24

ṅnyè hm Zamba angakuli a sòṅ, atii angatii mësuṅ më awu, mbol awu angabë ki nyè dzam bi nkom.

Roma 6:4

Bingadzëban abë nyè ai ṅduan asu awu, asu yë na, akyaè ya duma esya angakuli Kristus a bëkon, nala ngò fë bia biwulu a mkpamaṅ enyiṅ.

Roma 8:11

Ngë nsisim e mod angakuli Yesus a bëkon otoa abë mina, e mod angahëlë Kristus a bëkon nyè fë ayi vë biwuwu bi nyòl bian enyiṅ mbol nsisim woe otoa abë bia.

1Kor 15:12

Ngë biabende na Kristus angakui a sòṅ bëwu, eyë bod bëvòg ya abë mina badzo ya na akui-lë sòṅ bëwu lasëki?

2Kor 4:14

biyëmë na e nyò angahëlë Nti Yesus ayi bia hëlë ai Yesus, atogan fë bia ai mina fufulu.

2Kor 5:10

Amu bia bësë biayi yean kë tëbë a etoa nkat Kristus osu, asu yë na mod osë abëlë maan ya e mam angabò a nyòl, tò mbëṅ, tò abe.

Ef 2:5

ai mbol fë bingabë ṅwuan a bivus, ndò angadugan bia vë enyiṅ ai Kristus, -minë nkodan a akab a yob-

Ef 3:16

asu yë na avë mina akuma die ai ngul ya abò nkanga ai nsisim woe asu enyiṅ ya nnëm ete,

Filipi 3:21

ṅnyè ayi tsende obobòd nyòl vi na ofulan ai nyòl duma dzie, ai e ngul abëlë na atëgë byem bisë.

Filipi 4:13

Mënë dzam bò mësë abë e nyò avë ma ngul.

Kolosi 1:11

avë mina ngul kan esë, anë ngul duma die asu kan fin esë ai afu-nnëm. Ai mintag a nnëm

Kolosi 1:16

Amu abë nyè, byem bisë ya yob ai e bi ya si bingakomban, Ebi bayen ai e bi bayen ki, tò mintomba, ai bati, ai bidzoe, ai mingungul; Byem bisë bingakomban ai nyè asu die.

1Tes 4:14

Amu ngë biayëbë na Yesus angawu, ndò fë angakui a sòṅ, nala ngò fë Zamba ayi kë ai e ba bëngakë oyò abë Kristus ai nyè emen.

Petrus osu 3:18

Amu Kristus emen angabi mintye asu minsëm hë eyòṅ dzia, sosoo mod asu bod bë nkòt, asu yë na akë ai bia abë Zamba; bëngawoe nyè a nyòl, adugan bëlë enyiṅ a nsisim.

Ekuli-mam 2:23

mayi fë woe bòn boe mfaṅ a wu. Abog te mënda më Zamba mësë mayi yëm na mamen matsas miṅyian ai minnëm, ndò fë mayi vë mina bësë, anë mod akyaè mimboan mie.