Yohannes 3:26 - MKPAMAṄ AMVOE Nouveau Testament en langue Ewondo 2012

²⁶ Ndò bakë abë Yohannes, bò ai nyè na: A Rabbi, e mod angabë ai wa a Yordan ayat, a ongabòòlò, ṅnyè nyò angadu ya bod, ndò bod bësë bakë abë nyè.

Yohannes 3:26 Iomraidhean Croise

Mt 23:7

Badiṅ na bod bësug bò a minsëṅ mi angara, ai na bod bëloe bò na «Rabbi».

Mt 23:8

Mfa waan, të baloe mina na Rabbi, amu ṅyëgëlë waan anë hë mbòg, mina bësë mitoa babënyaṅ.

Yohannes 1:15

Yohannes abòòlò nyè, ndò adzo na: E nyò ṅnyè mëdzoo na: E mod azu ma a mvus alod ya ma osu, amu angabë ma osu.

Yohannes 1:7

Angasò asu mbòòlan, na azu bòòlò mfyè, asu yë na bod bësë bëyëbë etòm dzie.

Yohannes 1:9

Angabë mfaṅ mfyè ya wafyè mod osë, a ongasò a si ndon.

Yohannes 11:48

Ngë biadzoge nyè nala, bod bësë bayi nyè yëbë, edzoe ya Roma esòò, bëmana bia ai si, ai e hom hi ai ayòṅ asë.

Yohannes 12:19

Bëfarisea bëngadzo a zaṅ bò bò na: Nga miayen na miasëki ai mfi? Bod bësë batoṅ nyè!

Yohannes 3:2

angasò abë nyè ai alu, ndò adzo ai nyè na: A Rabbi, biayëm na wasò abë Zamba a etye ṅyëgëlë, amu mod ziṅ asëki dzam bò e kan ndëm wabò nyi ngë Zamba asëki ai nyè.

Yohannes 4:1

Ayëm Yesus angayëm na bëfarisea bëyëm ya na Yesus adudu abui bëyègè, aduu fë bod alodo Yohannes

Yohannes 4:2

-hë da Yesus emen angabë ki aduu, bëyègè boe mbò bëngabë bëduu-

Yohannes 4:31

A zaṅ ha, bëyègè bò ai nyè na: A Rabbi, dzaag.

Yohannes 5:33

Mina bëben mingalom bod abë Yohannes, ndò angabòòlò sosoo.