Yohannes 3:15 - MKPAMAṄ AMVOE Nouveau Testament en langue Ewondo 2012

¹⁵ asu yë na e nyò osë abëlë afidi abë nyè, abëlë enyiṅ kòm.

Yohannes 3:15 Iomraidhean Croise

Mt 18:10

Boan okala, të byandi tò mbòg ya abobod di.

Mt 25:46

Nala ngò hm bayi kë a endëgëlë kòm, bësosoo bëkëlë a enyiṅ kòm.

Mk 16:16

E mod ayi yëbë, aduban fë, ayi kodeban; e nyò ayi ki yëbë, ayi ku a nkad.

Lk 19:10

Amu mòn mod angasò na azu dzëṅ, akode fë e ba bënë a zen ndzaṅ.

Yohannes 1:12

Eba bësë ya bëngasoan ai nyè, a bëngayëbë a dzoe die, angavë bò ngul ya avëṅan bòn bë Zamba,

Yohannes 16:33

Mëngakad mina e mam ma asu yë na mibi mvoè abë ma. Mibëlë mintye a si-ndon. Dzam da, vaan koa, mëngatègè ya si-ndon.

Yohannes 20:31

E ma mëngatilban asu yë na miyëbë na Yesus anë Kristus, mòn Zamba; miyëbë, mibëlë enyiṅ a dzoe die.

Yohannes 3:16

Amu yë na, Zamba angadiṅ si-ndon e kan yë na avëë mbaṅ mòn woe, asu yë na e nyò osë ayebë nyè, abë kë a ndzaṅ, hë da abëlë enyiṅ kòm.

Yohannes 3:36

E nyò ayëbë mòn, abëlë enyiṅ kòm. E nyò ki abyandi mòn, ayi ki yen enyiṅ, dzam da, olun Zamba obaa nyè a nyòl.

Yohannes 5:24

Amen, amen, makad mina na e mod awog ebug dzama, ayëbë fë e nyò angalom ma, abëlë enyiṅ kòm, ndò fë akë ki a nkat, dzam da, alod ya a enyiṅ, asòò a awu.

Yohannes 6:27

Syean e mbaṅëla andaman kig, hë atòbògò fò akui a enyiṅ kòm, a mòn mod ayi mina vë. Amu yë na, ṅnyè esya angakomodo.

Yohannes 6:40

Amu ṅyian Tara onë na: e nyò osë ayen mòn, ayëbë fë nyè, abëlë enyiṅ kòm, ma mëkuli fë nyè a sòṅ a amos mvua.

Yohannes 6:47

Amen, amen, makad mina na: e nyò ayëbë, abëlë enyiṅ kòm.

Bisye bi Apostel 13:41

Yenan, mina bod bë ebyandi, kaman dò, midimëzan fë, amu e dzam mayi bò a mëlu maan, dzam ya miasëki dzam ṅyëbë ngë bëhë lèè mina dò.

Bisye bi Apostel 8:36

Bëkëlë a zen ha, ndò bakui a osoe, e miag mod hi wò na: 'Mëndim ma, dze yakaman na mëbë duuban?' [

Roma 5:21

asu yë na, e kan ya nsëm ongadzoe a awu, nala ngò fë maa adzoe ai mëkyëbë asu enyiṅ kòm a zaṅ Yesus Kristus Nti waan.

1Kor 1:18

Amu anë hm na, asu bod ya ndzaṅ, ebug klos enë nkòbò akud, etoa hm ngul Zamba asu bia ya binë nkodan.

2Kor 4:3

Ngë eyie ebudu mbëmbë foe waan a asu, ebudu nala asu e bod bakë a ndzaṅ.

Galati 2:16

Biayëm na mod abëlë mëkyëbë asu mimboan ya mvende, hë asu ṅyëbë Yesus Kristus, ndò bia bingayëbë Yesus Kristus asu yë na bibëlë mëkyëbë a ṅyëbë biayëbë Kristus, së ki a mimboan mi mvende.

Galati 2:20

Së ki fë ma manyiṅ, Kristus ṅnyè anyiṅ a bë ma. Enyiṅ manyiṅ a nyòl, manyiṅ dzò a ṅyëbë mayëbë mòn Zamba ya angadiṅ ma, akaba fë emen asu dama.

Ebrea 10:39

Bia biasëki hm e bod badugan ai mvus asu amala, binë hë bod bë ṅyëbë asu yë na bibëlë enyiṅ.

Ebrea 7:25

Antoa hm na anë dzam kode e bod bakë abë Zamba bëlodo abë nyè nguma nguma, amu anyiṅ kòm esë na akogëlan asu daban.

1Yoh 2:25

Ekaa angakag bia dzi: Enyiṅ kòm.

1Yoh 5:1

E mod ose ayëbë na Yesus anë Kristus anë mbyalan abë Zamba, ndò fë e mod osë adiṅ mbonde adiṅ fë e nyò angabyali abë nyè.

1Yoh 5:20

Ndò fë biayëm na mòn Zamba angasò, avëë bia fëg yë na biyëm bëbëla, ndò binë a bëbëla, abë mòn woe Yesus Kristus. Ṅnyè anë bëbëla Zamba ai enyiṅ kòm.