Yohannes 3:13 - MKPAMAṄ AMVOE Nouveau Testament en langue Ewondo 2012

¹³ Ndò fë, mod ziṅ abë ya ki bed a yob sësala hë e nyò angasus, asòò a yob, mòn mod.

Yohannes 3:13 Iomraidhean Croise

Mt 28:20

miyëgëlë bò na bëbaala e mam mësë mëngabende mina. Ndò fë, mamen mënë ai mina mëmos mësë, akëlë kui a amana si.

Mt 8:20

Ndò Yesus adzo ai nyè na: Mvu afan ebëlë biboga, anòn ya yob abëlë mumba, dzam da mòn mod abëlë ki e hom anë dzam bede nlo.

Yohannes 1:18

Mod ziṅ abë ya ki yen Zamba. Mbaṅ Mòn ya anë Zamba, a anë a nnëm esya, ṅnyè angayaè zen.

Yohannes 13:3

mbol ayëmë na esya angavë nyè dzom esë a mò, ai na angasò abë Zamba, ndò fë adugan abë Zamba,

Yohannes 17:5

Ndò hm, etoa dzi, wamen, a Tara, vaa ma duma, e kan mëngabë mëbëlë a mgbag dzoe osusua yë na si yazu bò.

Yohannes 3:12

Ngë mam më si mmò mëhë kad mina ana ma, mina të yëbë, eyë miayi ṅyëbë eyòṅ mënkad mina mam më yob ya?

Yohannes 3:31

E nyò asò a yob, alod bod bësë. E nyò anë mod ya si-ndon, asò a si-ndon, ndò fë akòbò mam ya si. E nyò asò a yob, alod bod bësë.

Yohannes 6:33

Amu yë na, mbaṅëla Zamba anë e mod asò a yob, avaa fë si-ndon enyiṅ.

Yohannes 6:38

amu mëngasò a yob, së ki asu yë na mabò ṅyian wama, hë ṅyian e nyò angalom ma.

Yohannes 6:42

bëngadzo na: Së Yesus, man Yosèf nyò a? Biayëm esya ai nyia a? Eyë angazu ya dzo ya na: Mëngasò a yob?

Yohannes 6:46

Asëki hala na mod ziṅan gayen ya Tara, ngë së ki e nyò asò abë Zamba, e nyòlò te angayen ya Tara.

Yohannes 6:51

Ma mënë mbaṅëla avëë ya asò a yob. Ngë mod adi mbaṅëla te, ayi nyiṅ kole, ndò fë mbaṅëla mayi vë anë nyòl dzama asu enyiṅ si-ndon.

Yohannes 6:62

Ngamëna ki eyòṅ miayi yen mòn mod abëdë mfa angabë osusua?

Yohannes 8:42

Yesus nyè ai bò na: Ngë Zamba atoa esya waan, ngë miadiṅ ma, amu mëngasò abë Zamba, ndò fë madugan we. Amu, mandzëki sòṅ ai mamen, ṅnyè angalom ma.

Bisye bi Apostel 2:34

Amu, tò anë David andzëki bed a yob, adzo na: Nti angadzo ai Nti wama na: Tòbògò ma a mbo-nnomo

Bisye bi Apostel 20:28

Kalëgan mina bëben, ai nkunda osë ya Mfufub Nsisim ongatele mina bë asu zoa na mikala nda-Zamba ya angakus a mëki moe.

Roma 10:6

E mëkyëbë masò a ṅyëbë madzo na: Obë dzo a nnëm woe na, za ayi bed a yob? nala watyan na akë bò na Yesus asus a si.

1Kor 15:47

E mod osu atye a mbòdòg ya si, e mod bèè asò a yob.

Ef 1:23

endzò enë nyòl dzie, ntud e mod abò mam mësë ntud kan esë.