Yohannes 20:15 - MKPAMAṄ AMVOE Nouveau Testament en langue Ewondo 2012

¹⁵ Yesus nyè ai nyè na: A mininga, dze wayon? Za wadzëṅ? Mbol atsogo na e mod nyò ṅnyè asye afub te, nyè ai nyè na: A nti, ngë wa obëgë nyè, kada ma mfag ofudi nyè, ma mayi nyè kë nòṅ.

Yohannes 20:15 Iomraidhean Croise

Mt 12:34

A ayòṅ nyò di, eyë minë dzam kòbò mbëṅ, mibòò abe ya? Amu anyu lafala e di lasò a nnëm ete.

Mt 28:5

Ndò englès azu dzo ai bininga na: Të doe miambara, amu mayëm na miadzëṅ e Yesus angaboman a klos.

Mk 16:6

Ndò adzo ai bò na: Mibë mbara: Yesus man Nazaret ya angabomban a klos ṅnyè miadzëṅ, së nala a? Atëbë a sòṅ, asëki ha. E hom bëngaboe nyè hi.

Lk 2:44

Bëngabë tsogo na anë a esamba; ndò bawulu ntye amos, bëkèè hm na badzëṅ nyè a bivuvuman biaban ai mëyëman maban;

Lk 24:5

Bëngakòn wòṅ, ndò baluu mësu a si, e bod ba bò ai bò na: Dze miadzëṅ vëvëë mod a zaṅ mimbim?

Yohannes 1:38

Ndò Yesus ahëṅan, antala anë bazu batoṅ nyè, nyè ai bò na: Dze miadzëṅ? Bò ai nyè na: Rabbi (nala watyan na: a ṅyëgële), eye otoa he?

Yohannes 18:4

Mbol Yesus ayëmë e mam mësë mëyigi yënan ai nyè, ndò akui a nsëṅ, nyè ai bò na: Za miadzëṅ?

Yohannes 18:7

Ndò adugan bò sili na: Za miadzëṅ? Bò na: Yesus, man Nazaret.

Yohannes 20:13

Ndò badzo ai nyè na: A mininga, dze wayon? Nyè ai bò na: Bëvaè Nti wama, ndò mayëm ki e hom bëfudi nyè.