Yohannes 19:11 - MKPAMAṄ AMVOE Nouveau Testament en langue Ewondo 2012

¹¹ Yesus nyè na: Ngë ngul te ebò të wa vëëban a yob, ngë wabëlë ki ngul ziṅ a nyòl dzama. Asu te, e mod akuan ai ma abë wa abëlë mod nsëm abui.

Yohannes 19:11 Iomraidhean Croise

Mt 26:65

Ndò fada nen angatonde biwòman bie, nyè na: Abèan Zamba! Biabad bò dze ai bëbòòlò? Miandzë wog anë abèan Zamba a?

Mt 27:2

Ndò bëngafaṅ nyè ngadag, bëkë vë Pilatus, asu-zoa.

Mt 6:13

Të wakë ai bia a mëbobëla, okodëge bia a mbë dzam.

Mk 14:44

E mod akuan ai nyè angakui ai bò kiṅ na: E mod mayi wuban ai nyè, ṅnyè nyòlò, bian nyè, mitoan kë ai nyè.

Lk 22:53

Mëngabë ai mina a tempel amos osë: miandzëki ma fudi mò a nyòl; dzam da, awola dan ai ngul dibi hm bi.

Yohannes 18:13

Ndò batari kë ai nyè abë Annas. Ṅnyè angabë nkiè e Kaifas angabë fada-nen a mbu te.

Yohannes 18:3

Ndò hm Yudas anganòṅ nkunda bëzimbi ya a bëfada bënen, ai bëbò bisye bëfarisea, asò ete ai ngoe, ai mëlamba, ai mëkòṅ.

Yohannes 19:10

Ndò hm Pilatus adzo ai nyè na: Wakalan ki ai ma nkòbò nga? Wayëm fò na mëbëlë ngul ya asoe wa ai ngul ya abomë wa a klos?

Yohannes 3:27

Yohannes nyè na: Mod asëki dzam nòṅ tò dzom ziṅ dzidzia, ngë andzëki dzò vëëban a yob.

Yohannes 7:30

Bëngadzëṅ hm na babi nyè, hë tègè ai e mod afudi nyè wò a nyòl, amu hala awola die abë ki sò.

Yohannes 9:41

Yesus nyè ai bò na: Ngë mitoa ndim, ngë miabëlë ki nsëm ziṅ. Ndò hm miadzo na: Biayen. Nsëm waan wakanga.

Bisye bi Apostel 2:23

Yesus te ṅnyè mingawoe, mibomë nyè a klos a mò më e bod bayëm ki mvende, abog ya angatilban, Zamba ayëmë fë nala, ndò angavë mina nyè,

Bisye bi Apostel 3:13

Zamba Abraham ai Zamba Isaak ai Zamba Yakob, Zamba bëtara, avë mòn woe Yesus duma, e nyò ya mina mingakuan ai nyè, misie fë nyè a mis më Pilatus, eyòṅ nyè angatsig na asoe nyè.

Bisye bi Apostel 4:28

na babò e mam mësë ya wò woe ai ṅyian woe bingatele na biayi bòban.

Roma 11:36

Amu byem bisë biatye abë nyè, bitoa ai ngul dzie, ndò fë biakë abë nyè. Duma ai nyè a bisëb bisëb, amen.

Roma 13:1

Mod osë abòò edzoe nen mëwog. Amu edzoe yasò hë abë Zamba, ndò Zamba ṅnyè atele bidzoe bisë.

Yakobus 1:17

Efaè esë enë mbëṅ, ekaè esë enë ntud, yasò a yob abë esya mfyè ya atsende ki, ndò fë dzom ziṅ yafòlan ki nyè a nyòl.

Yakobus 4:17

Asu e mod ayëm e dzi enë mbëṅ ai e dzi enë abe, nala onë nsëm asu die.