Yohannes 17:8 - MKPAMAṄ AMVOE Nouveau Testament en langue Ewondo 2012

⁸ Amu e mëbende ongavë ma, mëngavë bò, ndò bò bëngayëbë, bëyëmë fë bëbëla na, bingasò abë wa, bëyëbë fë na wa ongalom ma.

Yohannes 17:8 Iomraidhean Croise

Mt 13:11

Ndò angafèd, nyè na: Amu mingavëëban ndimba mam ya yob. E bali, bandzëki dzò vëëban.

Yohannes 12:49

Amu makòbò ki ai mamen, dzam da, e Tara angalom ma ṅnyè angavë ma mvende e dzom makòbò ai e dzi mayi dzo.

Yohannes 14:10

Dze yë wayëbë ki na mënë abë Tara, Tara atoa abë ma? E bibug makad mina, makòbò ki biè ai mamen; e Tara atoa abë ma abò esye dzie.

Yohannes 15:15

Maloe ki fë mina na bëlò, amu olò wayëgan e dzi nti woe abò. Maloe mina na bëmvoe amu mabò na miyëm e dzi esë ya mëngawog abë tara.

Yohannes 16:27

Amu Tara emen adiṅ mina, amu mingadiṅ ma ndò fë mingayëbë na mëngasò abë Tara.

Yohannes 16:30

Eyòṅ dzi, biayëm na wayëm mësë ai na wayaṅan ki ai na mod asili wa. Asu te biayëbë na ongasò abë Zamba.

Yohannes 17:14

Ma mëngavë bò ebug dzoe, ndò emò minlaṅ yafëm bò, amu basëki bod ya si-ndon, akyaè fë masëki mod ya si-ndon.

Yohannes 17:18

E kan ongalom ma a si-ndon, ma mëngalom bò a si-ndon,

Yohannes 17:21

asu yë na bësë bëbò dzom dzia, anë wa, a Tara, onë abë ma, ma abë wa; asu yë na bëtòbò abë bia, si-ndon eyëbë na wa ongalom ma.

Yohannes 17:23

ma abë bò, wa ki abë ma, asu yë na bëtoan fò bò dzom dzia, si-ndon ezu hm yëm na wa ongalom ma, ai na ongadiṅ bò anë ongadiṅ ma.

Yohannes 17:3

Enyiṅ kòm dzò enë na bëyëm wa, Zamba mbòg ai bëbëla, ai e nyò ongalom, Yesus Kristus.

Yohannes 3:17

Amu Zamba andzëki lom mòn a si na atsig ntol ya si, dzam da asu yë na si-ndon ekodeban abë nyè.

Yohannes 3:33

E nyò ayëbë mbòòlan woe, amëm na Zamba anë sosoo.

Yohannes 6:68

Simun Petrus nyè ai nyè na: A Nti, biayi kë abë za? Obëlë bibug bi enyiṅ,

Yohannes 8:42

Yesus nyè ai bò na: Ngë Zamba atoa esya waan, ngë miadiṅ ma, amu mëngasò abë Zamba, ndò fë madugan we. Amu, mandzëki sòṅ ai mamen, ṅnyè angalom ma.

1Kor 11:23

Amu mamen mëngayègè e mam mëngakalan mina abë Nti na: Nti Yesus, alu ya bëngakuan ai nyè, ndò anganòṅ mbaṅëla,

1Kor 15:1

A babëdzaṅ, madugan mina tsog mbëmbë foe mëngayedan mina, a minganòṅ, a mitëlë ete,

1Tes 2:13

Ndò hm asu te biakaṅ Zamba abog asë, amu eyòṅ minganòṅ ebug mëwog Zamba abë bia, minganòṅ dzò, së ki anë ebug bod, minganòṅ dzò anë enë mfaṅ, anë ebug Zamba, endzò yasye abë mina bëyëbë.

1Tes 4:1

Mfag mbòg hm a babëdzaṅ, biadzaè mina, bikogëlan fë ai mina abë Nti Yesus na akyaè ya bingalëdë mina mbol miayean wulu abë Zamba, minyëbë fë nyè a nnëm, nala ngò fë miwulu, asu yë na midaṅa bò nala mbëṅ.

1Yoh 4:14

Bingayen, ndò biabòòlò na esya angalom mòn na akode si-ndon.

Ekuli-mam 1:1

Ekuli-mam Yesus Kristus ya Zamba angavë nyè na alëdë bësye boe: e mam mëngayi ya bòban, abò na mëyëmban ai nloman angalom englès woe abë etuga dzie Yesus.