Yohannes 17:6 - MKPAMAṄ AMVOE Nouveau Testament en langue Ewondo 2012

⁶ E bod ongavë ma a si-ndon, mëngakulan bò dzoe doe. Bëngabë emboe, ndò ongavë ma bò, ndò bëngabaala ebug dzoe.

Yohannes 17:6 Iomraidhean Croise

Yohannes 1:18

Mod ziṅ abë ya ki yen Zamba. Mbaṅ Mòn ya anë Zamba, a anë a nnëm esya, ṅnyè angayaè zen.

Yohannes 12:28

A Tara, vaa dzoe doe olugu. Ndò kiṅ engasò a yob na: Mëvë ya olugu, ndò fë mayi dugan vë.

Yohannes 15:19

Ngë miwoge ai si-ndon, ngë si-ndon yadiṅ endzie. Mbol hm miawoge ki ai si-ndon, ndò mëngatòb mina, asu te si-ndon yafëm mina.

Yohannes 15:3

Mintoa ya mfuban, etòm ebug mëngakad mina.

Yohannes 15:7

Ngë mitòbò abë ma, bibug biama bitòbò abë mina, dzagan e dzi miayaṅan ai dzò, eyòṅ te yayi yenan ai mina.

Yohannes 17:12

Eyòṅ mëngabë ai bò, mëbaala bò a dzoe doe ya ongavë ma, mëkalëga fë bò, ndò mod ziṅ ya abë bò andzëki dzaṅ, sësala hë mòn ndzaṅ-kòm, asu yë na Ntilan odzalëban.

Yohannes 17:14

Ma mëngavë bò ebug dzoe, ndò emò minlaṅ yafëm bò, amu basëki bod ya si-ndon, akyaè fë masëki mod ya si-ndon.

Yohannes 17:16

Basëki bod ya si-ndon e kan ma masëki mod ya si-ndon.

Yohannes 17:2

akyaè ya ongavë nyè ngul a ekokoma esë, asu yë na, e dzi esë ongavë nyè, avë dzò enyiṅ kòm.

Yohannes 17:24

A Tara, e dzi ongavë ma, mayi na, e hom mënë, bò fë bëtòbò ai ma, asu yë na bëyen e duma dama ya ongavë ma, amu ongadiṅ ma osusua akomo-lë-yob ai si.

Yohannes 17:26

Mëngabò na bëyëm dzoe doe ndò fë mayi kë ai nala osu, asu yë na ediṅ ya ongadiṅ ma ebò abë ma, ma fë abë bò.

Yohannes 17:7

Etoa dzi, bayëm na, e bi bisë ongavë ma, biasò abë wa.

Yohannes 18:9

Asu yë na ebug angakòbò edzalëban na: E ba ya ongavë ma, mandzëki dzèè tò mbòg ya ete.

Yohannes 6:37

E dzi esë Tara avë ma yayi sò abë ma, ndò fë mayi ki tsidan e nyò azu abë ma a nsëṅ,

Yohannes 6:39

Ṅyian e nyò angalom ma onë hm na, e dzi esë angavë ma, të madzèè dzò, dzam da, mëkuli dzò a sòṅ a amos mvua.

Yohannes 8:51

Amen, amen, makad mina, ngë mod abaala ebug dzama, ayi ki yen awu tò eyòṅ.

Yohannes 8:52

Yuden bò ai nyè na: Bingayëm ya fò na obëlë mbë nsisim. Abraham angawu, bëprofet bëwuu fë, wa na: Ngë mod abaala ebug dzama, ayi ki wodan awu tò eyòṅ.

Bisye bi Apostel 13:48

Bëhaiden bëngayi wog nala, bëngatag, bëluugu Nti, bëyëbëgë, e ba bësë ya bëngatele asu enyiṅ kòm.

Roma 11:2

Zamba andzëki ben ayòṅ die ya angatari yëm. Ndò ki, dze yë miayëgan e dzam ntilan wadzo abë Elias, eyòṅ angasòman Israel abë Zamba?

2Kor 4:6

Amu e Zamba angadzo na: Mfyè ofyèg a dibi, ṅnyè angafyè a minnëm mian asu mfyè ṅyëman duma Zamba a mvòm asu Yesus Kristus.

Kolosi 3:16

Ebug Kristus etòbògò abë mina abui, miyëgëlë, milëban fë mina mina ai fëg esë, a minnëm mian ai gratsia, miyiègè Zamba bia bi ongëmë, bia bi olugu, bia ya nsisim.

2Tim 1:13

Nòṅò mvulna a mimbëmbë minkòbò ongawog abë ma a ṅyëbë ai ediṅ ya enë abë Kristus Yesus.

Ebrea 2:12

nyè na: Mayi kad babëdzaṅ dzoe doe, mayi yia olugu woe a zaṅ ekoan,

Ebrea 3:6

Kristus nyè angabë hm mod afidi a nda dzie a etye mòn. Bia hm binë nda dzie, ngë bibëlë azombo ai enguṅ a fidi daan.

Petrus osu 1:1

Petrus, man apostel Yesus Kristus, matil bëlodo bë zen ya bënë ntòban, a bënë a Efulu Mëyòṅ a Pontus a Kapadosia, a Azia ai a Bitinia;

1Yoh 5:20

Ndò fë biayëm na mòn Zamba angasò, avëë bia fëg yë na biyëm bëbëla, ndò binë a bëbëla, abë mòn woe Yesus Kristus. Ṅnyè anë bëbëla Zamba ai enyiṅ kòm.

Ekuli-mam 2:13

Mayëm e hom otoa, awe ngò etoa-ati Satan enë, dzam da ndò walad ai dzoe dama, ndò fë waandzëki sie na wayëbë ma, tò ben a mëlu më Antipas, mbòòlò wama, mod-afidi wama, a bëngawoe a tisòn dzaan, e hom Satan anyiṅ.

Ekuli-mam 3:10

Amu ongabaala ebug fin dzama ndò fë ma mayi wa kala a awola mëbobëla layi sò a si esë, na babobolo e bod bëtoa a si.

Ekuli-mam 3:8

Mayëm mimboan mie, yënë, mëngavë wa mbè ya oyoo, a mod asëki dzam fèd, amu onë ngul abòd ndò ongabaala ebug dzama, waandzëki sie dzoe dama.