Yohannes 17:3 - MKPAMAṄ AMVOE Nouveau Testament en langue Ewondo 2012

³ Enyiṅ kòm dzò enë na bëyëm wa, Zamba mbòg ai bëbëla, ai e nyò ongalom, Yesus Kristus.

Yohannes 17:3 Iomraidhean Croise

Mk 9:37

E mod ayi soan ai mbòg ya e ban bòngò ba a dzoe dama, ma asoan ai nyè. E mod ki asoan ai ma, sëki ma asoan ai nyè, asoan ai e nyò angalom ma.

Lk 9:48

nyè ai bò na: E mod osë asoan ai e man mòngò nyò a dzoe dama, ma asoan ai nyè. E mod ki asoan ai ma, asoan ai e nyò angalom ma. Amu e nyò anë mëligi-mvua a mina bësë, ṅnyè anë mfaṅ a bui.

Yohannes 10:36

e nyò ya Tara angafubu, alomo a si, mina miadzo na: «Onë ebyandi», mbol mëdzo na: «Mënë mòn Zamba» nga?

Yohannes 11:42

Mayëm fò na wawog ma kòm esë, dzam da asu nkunda otëlë hi ngò makòbò, asu yë na bëyëbë na ongalom ma.

Yohannes 14:26

Mfag nkè, Mfufub Nsisim, e nyò Tara ayi lom a dzoe dama, ayi mina yëgëlë bisë, adugan mina baala e ma mësë mëngakad mina.

Yohannes 17:18

E kan ongalom ma a si-ndon, ma mëngalom bò a si-ndon,

Yohannes 17:21

asu yë na bësë bëbò dzom dzia, anë wa, a Tara, onë abë ma, ma abë wa; asu yë na bëtòbò abë bia, si-ndon eyëbë na wa ongalom ma.

Yohannes 17:23

ma abë bò, wa ki abë ma, asu yë na bëtoan fò bò dzom dzia, si-ndon ezu hm yëm na wa ongalom ma, ai na ongadiṅ bò anë ongadiṅ ma.

Yohannes 17:25

A Tara ya onë sosoo, si-ndon endzëki wa yëm, hë da ma mëngayëm wa, ndò bëngayëm na wa ongalom ma.

Yohannes 17:8

Amu e mëbende ongavë ma, mëngavë bò, ndò bò bëngayëbë, bëyëmë fë bëbëla na, bingasò abë wa, bëyëbë fë na wa ongalom ma.

Yohannes 3:17

Amu Zamba andzëki lom mòn a si na atsig ntol ya si, dzam da asu yë na si-ndon ekodeban abë nyè.

Yohannes 3:34

E nyò ya Zamba angalom, akòbò mam më Zamba, amu avë ki nsisim a mëlanga.

Yohannes 5:44

Eyë minë dzam ṅyëbë ya, eyòṅ mianòṅan duma a mina mina, dzam da të dzëṅ duma mbaṅ mòn Zamba?

Yohannes 6:57

E kan e Tara ya avëë angalom ma, ma mënyiṅi fë hë etòm Tara, e mod adi ma, ṅnyè ayi nyiṅ etòm dzama.

Yohannes 7:29

Ma mayëm nyè, amu masò abë nyè, ndò fë, ṅnyè angalom ma.

Yohannes 8:19

Ndò bakad nyè na: Esoa anë ve? Yesus nyè na: Tò ma, tò Tara, miayëm ki. Ngë miyëmë ma, ngë miayëm fë Tara.

1Kor 15:34

Zaan a tëtëlë zen, të miabada sëm. Amu bod bëvòg bayëm ki Zamba; makòbò na mëkub mina osòn a nlo.

1Kor 8:4

Adzo yë na mod adi e tsit bëtsig bëzamba, biayëm na bëzamba basëki a si-ndon, ai na Zamba anë hë mbòg mbòg.

2Kor 4:6

Amu e Zamba angadzo na: Mfyè ofyèg a dibi, ṅnyè angafyè a minnëm mian asu mfyè ṅyëman duma Zamba a mvòm asu Yesus Kristus.

Filipi 3:10

na mëyëm nyè, mëyëm fë ngul akui-lë sòṅ die ai anòṅ ngab a mintye mie, na mëfulan fë ai nyè a awu die,

Filipi 3:8

Ndò mëngayen yen na mam mësë mënë ma edzèè abog etòm ayëmë-lë Kristus Yesus Nti wama, ya anë mbëṅ ya walod bisë, asu die ngò dzom esë yavëṅan zëzë, mëyënë na enë hë akun, asu yë na mëdò ai Kristus,

1Tes 1:9

Amu bò bëben balèè akyaè ya mingabëlan ai bia, ai mbol mingalum bëzamba mvus, misòò abë Zamba na miasye e Zamba avëë, atoa fë bëbëla,

2Tes 1:8

a nkabag ndoan, avaa e bod bayëm ki Zamba endëgëlë, ai e ba fë bandzëki bò mbëmbë foe Nti waan Yesus mëwog,

Ebrea 3:1

Mbol hm anë nala, a mimfufub mi babëdzaṅa mianòṅ ngab a nloe ya yob, toan bindi Yesus, apostel ai fada-nen emëm-ṅyëbë dzaan,

Petrus bèè 1:2

Mvoè ai maa bibòò abë mina etitib na miyëm Zamba ai Yesus Nti waan.

Petrus bèè 1:3

Akyaè ya ngul Zamba dzie engavë bia e mam mësë ya manèè enyiṅ ai olugu Zamba asu ṅyëman e nyò angaloe bia ai duma die aben, ai ṅlëdan ngul dzie,

Petrus bèè 1:8

Amu ngë mibëlë e mam ma, mëtoa fë abui, mabò na të miabò tègè ai mfi ngë ki na tègè ai bibuma asu ṅyëman Nti waan Yesus Kristus.

1Yoh 1:2

-ndò enyiṅ engakulëban, ndò bingayen dzò; ndò hm biabòòlò bibendëge fë mina enyiṅ kòm ya engabë abë esya ndò engakulëban bia-

1Yoh 1:3

e dzi bingayen, biwogo fë, mina biayedan dzò asu yë na mina fë mibi ngab ai bia. Ngab dzaan enë hm ai esya ban mòn woe Yesus Kristus.

1Yoh 2:23

E nyò asie mòn abëlë ki tò esya. E nyò amëm mòn abëlë fë esya.

1Yoh 4:6

Bia biawoge ai Zamba; e nyò ayëm Zamba awog bia. E nyò awoge ki ai Zamba awog ki bia. Nala ngò biayëm Nsisim bëbëla ai nsisim mëdugan.

1Yoh 5:20

Ndò fë biayëm na mòn Zamba angasò, avëë bia fëg yë na biyëm bëbëla, ndò binë a bëbëla, abë mòn woe Yesus Kristus. Ṅnyè anë bëbëla Zamba ai enyiṅ kòm.