Yohannes 17:25 - MKPAMAṄ AMVOE Nouveau Testament en langue Ewondo 2012

²⁵ A Tara ya onë sosoo, si-ndon endzëki wa yëm, hë da ma mëngayëm wa, ndò bëngayëm na wa ongalom ma.

Yohannes 17:25 Iomraidhean Croise

Mt 11:27

«Tara angavë ma dzom esë; mod ziṅ ayëyëm mòn, ngë së Tara, mod ziṅ ayëyëm Tara ngë së mòn, ai e nyò mòn ayi na akulan dò.

Mt 16:16

Ndò Simun Petrus angayalan nyè na: Onë Kristus, mòn e Zamba avëë.

Lk 10:22

Tara angavë ma dzom esë, ndò fë mod ziṅ ayëm ki mòn, ngë së ki esya; mod ziṅ ayëm ki tara, ngë së ki mòn ai e mod mòn ayi na akulan dò.

Yohannes 1:18

Mod ziṅ abë ya ki yen Zamba. Mbaṅ Mòn ya anë Zamba, a anë a nnëm esya, ṅnyè angayaè zen.

Yohannes 10:15

anë tara ayëm ma, ma mëyëmë fë Tara, ndò makab enyiṅ dzama asu mintomba.

Yohannes 15:21

Ndò bayi mina bò e mam mësë mala etòm dzoe dama, amu bayëm ki e nyò angalom ma.

Yohannes 16:27

Amu Tara emen adiṅ mina, amu mingadiṅ ma ndò fë mingayëbë na mëngasò abë Tara.

Yohannes 16:3

Ndò bayi bò mam mëtë amu bandzëki yëm tò Tara, tò ma.

Yohannes 16:30

Eyòṅ dzi, biayëm na wayëm mësë ai na wayaṅan ki ai na mod asili wa. Asu te biayëbë na ongasò abë Zamba.

Yohannes 17:11

Ndò hm, masëki fë a si-ndon; mfa waban, bënë a si-ndon; ma, mazu abë wa. A Tara ya onë mfufub, baala bò a dzoe doe ya ongavë ma, asu yë na bëbò dzom dzidzia anë bia.

Yohannes 17:18

E kan ongalom ma a si-ndon, ma mëngalom bò a si-ndon,

Yohannes 17:21

asu yë na bësë bëbò dzom dzia, anë wa, a Tara, onë abë ma, ma abë wa; asu yë na bëtòbò abë bia, si-ndon eyëbë na wa ongalom ma.

Yohannes 17:23

ma abë bò, wa ki abë ma, asu yë na bëtoan fò bò dzom dzia, si-ndon ezu hm yëm na wa ongalom ma, ai na ongadiṅ bò anë ongadiṅ ma.

Yohannes 17:3

Enyiṅ kòm dzò enë na bëyëm wa, Zamba mbòg ai bëbëla, ai e nyò ongalom, Yesus Kristus.

Yohannes 17:8

Amu e mëbende ongavë ma, mëngavë bò, ndò bò bëngayëbë, bëyëmë fë bëbëla na, bingasò abë wa, bëyëbë fë na wa ongalom ma.

Yohannes 3:17

Amu Zamba andzëki lom mòn a si na atsig ntol ya si, dzam da asu yë na si-ndon ekodeban abë nyè.

Yohannes 6:19

Hala bësubu ya ai mal dzam bò kilomera etan, bëntala Yesus awulugu a maṅ, asubugu a mal mëngabë, bëngakòn wòṅ.

Yohannes 7:29

Ma mayëm nyè, amu masò abë nyè, ndò fë, ṅnyè angalom ma.

Yohannes 8:19

Ndò bakad nyè na: Esoa anë ve? Yesus nyè na: Tò ma, tò Tara, miayëm ki. Ngë miyëmë ma, ngë miayëm fë Tara.

Yohannes 8:55

dzam da, miayëm ki nyè. Ngë madzo ana na, mayëm ki nyè, mëntoa mod minnal anë mina. Ndò hm, mayëm nyè, ndò fë mabaala ebug dzie.

Bisye bi Apostel 17:23

Amu, a mëhë kë mawulu, makë mayen byem bi olugu bian, ndò mëyen alatar ai ntilan vi na: Asu «e zamba ya biayëm ki». E dzi ya miazu ya mialugu, të dzò yem, ndzò hm mabende mina.

Bisye bi Apostel 26:18

na mëyaè bò mis, na bëkodo a dibi, bëdugan a mfyè, bëkodo a ngul Satan, bëdugan abë Zamba, na bëbi evaa-minsëm ai ngab elig ai e bod bëfububan ai ṅyëbë bayëbë ma.

Roma 1:28

Mbol bandzëki yi na bayëm Zamba, ndò Zamba nyè angadzoge bò a nsisim ndim waban, bëngabò e mam mayean ki.

Roma 3:11

mod ziṅ awog ki Zamba, tò mod ziṅ adzëṅ ki Zamba.

Roma 3:26

ai odzibi Zamba. Asu mbòòlan afu-nnëm sosoo die abog binë di, na anë sosoo ndò fë abò na e mod ayëbë Yesus akyëbë a nkat.

1Kor 1:21

Amu, mbol ya si-ndon, ai fëg dzaban, bandzëki yëm Zamba a fëg dzie, ndò Zamba angayen dò mbëṅ na akode e bod bayëbë ai akud foe bayedan di.

1Kor 15:34

Zaan a tëtëlë zen, të miabada sëm. Amu bod bëvòg bayëm ki Zamba; makòbò na mëkub mina osòn a nlo.

2Kor 4:4

Asu daban, Zamba e si-ndon nyi angakpè mintsogan bëhaiden ndim a mis, asu yë na të bayen mfyè mbëmbë foe duma Kristus ya anë evëgëlë Zamba.

2Tes 1:8

a nkabag ndoan, avaa e bod bayëm ki Zamba endëgëlë, ai e ba fë bandzëki bò mbëmbë foe Nti waan Yesus mëwog,

Ebrea 8:11

Abog te layi ki bad bò na anë mod angayëgëlë mvoe, anë mod angayëgëlë manyaṅ, nyè na: Yëmë Nti. Amu bod bësë bayi ma yëm, atarigi a bòngò, akëlë kui a bënyia-bodo ya abë bò.

1Yoh 1:9

Ngë biamëm minsëm mian, nyè anë sosoo, atoa fë ayëman, ayi bia vaè minsëm, afubu fë bia a nkòt osë.

Ekuli-mam 13:8

Ndò e bod bësë bëtoa a si bayi nyè lugu, e ba ya dzoe daban asëki ntilan osusua akomo-lë yob ai si a kalara enyiṅ man ntomba ya angatsigëban.

Ekuli-mam 16:5

Ndò mëngawog englès mëndim adzo na: Onë sosoo, wa ya onë, ndò fë ongabë, mfufubu, amu ongatsig e mintol mi,