Yohannes 17:21 - MKPAMAṄ AMVOE Nouveau Testament en langue Ewondo 2012

²¹ asu yë na bësë bëbò dzom dzia, anë wa, a Tara, onë abë ma, ma abë wa; asu yë na bëtòbò abë bia, si-ndon eyëbë na wa ongalom ma.

Yohannes 17:21 Iomraidhean Croise

Mk 3:24

Ngë edzoe nkukuma ziṅ ebò fë ngam ngam ai eben, edzoe te esëki dzam tòbò kòm.

Yohannes 10:16

Ndò fë mëbëlë mintomba mifë ya miasëki a efòg dzi. Mayean wulu ai e mili mite, miayi wog kiṅ dzama, ndò miayi bò esamba dzia, ṅnòni mbòg.

Yohannes 10:30

Bia Tara binë dzom dzia.

Yohannes 10:38

Ngë mabò hm miè, tò mibò ma të yëbë, yëbëgan mimboan, asu yë na miyen, miyëm fë na Tara anë abë ma, ma fë abë Tara.

Yohannes 11:42

Mayëm fò na wawog ma kòm esë, dzam da asu nkunda otëlë hi ngò makòbò, asu yë na bëyëbë na ongalom ma.

Yohannes 13:32

Ngë Zamba avëëban ya olugu abë nyè, Zamba ayi nyè vë olugu abë nyè emen, avë fë nyè olugu etye etye.

Yohannes 13:35

Eyë bësë bayi yëm na minë bëyègè bama ete, ngë mibëlë ediṅ asu mina mina.

Yohannes 17:11

Ndò hm, masëki fë a si-ndon; mfa waban, bënë a si-ndon; ma, mazu abë wa. A Tara ya onë mfufub, baala bò a dzoe doe ya ongavë ma, asu yë na bëbò dzom dzidzia anë bia.

Yohannes 17:18

E kan ongalom ma a si-ndon, ma mëngalom bò a si-ndon,

Yohannes 17:20

Së hm ki asu daban etam ngò makogëlan, makogëlan fë asu e ba bayëbë ma a ebug dzaban a yob,

Yohannes 17:25

A Tara ya onë sosoo, si-ndon endzëki wa yëm, hë da ma mëngayëm wa, ndò bëngayëm na wa ongalom ma.

Yohannes 17:3

Enyiṅ kòm dzò enë na bëyëm wa, Zamba mbòg ai bëbëla, ai e nyò ongalom, Yesus Kristus.

Yohannes 17:8

Amu e mëbende ongavë ma, mëngavë bò, ndò bò bëngayëbë, bëyëmë fë bëbëla na, bingasò abë wa, bëyëbë fë na wa ongalom ma.

Yohannes 3:17

Amu Zamba andzëki lom mòn a si na atsig ntol ya si, dzam da asu yë na si-ndon ekodeban abë nyè.

Yohannes 5:23

asu yë na bod bësë bëkam mòn anë bakam esya. E mod akam ki mòn, akam ki tò esya ya angalom nyè.

Bisye bi Apostel 2:46

Amos osë, bò bësë, nnëm mbòg mbòg, bëkëlë a tempel, bëbëgë mbaṅëla a mënda maban, bëkaban bidi ai mintag, ai dzin a nnëm,

Bisye bi Apostel 4:32

Nkunda e bod bënganyian a ṅyëbë ongabë hë nnëm mbòg mbòg, ai nsisim mbòg mbòg, tò mod të dzo na dzom dzie yawoge ai nyè, byem biaban bingabë bò hë fufulu.

Roma 12:5

nala ngò fë bia abui binë nyòl dzia abë Kristus, anë mod atoa edzo asu e ba bëvòg.

1Kor 1:10

Ndò hm makogëlan ai mina a dzoe Nti waan Yesus Kristus, a babëdzaṅ, na mina bësë mibò kiṅ dzidzia, tègè ai ngam ngam abë mina, na milad nnëm mbòg mbòg.

1Kor 12:12

Akyaè ya nyòl enë dzidzia, ebëlë abui bidzo, bidzo bisë ya nyòl bitoa abui, nyòl etoa dzidzia, nala ngò fë Kristus anë.

1Kor 6:17

E mod alad ai Nti anë ai nyè nyòl dzia.

Galati 3:28

Man Yuden asëki fë, tò man Grek, tègè ai olò, tègè ai fili mod, tègè ai fam, tègè ai mininga. Amu mina bësë minë dzom dzia abë Kristus Yesus.

Filipi 1:27

Nyiṅan hë mbol wayean ai mbëmbë foe Kristus asu yë na tò mësò, mëyënë mina, tò masëki we, mëwodan minlaṅ mian, na mitëlë a kpiim ai nsisim mbòg, nnëm mbòg, mikëan a ṅyëbë mbëmbë foe,

1Yoh 1:3

e dzi bingayen, biwogo fë, mina biayedan dzò asu yë na mina fë mibi ngab ai bia. Ngab dzaan enë hm ai esya ban mòn woe Yesus Kristus.

1Yoh 5:7

Bëbòòlò bënë bëlè: