Yohannes 17:11 - MKPAMAṄ AMVOE Nouveau Testament en langue Ewondo 2012

¹¹ Ndò hm, masëki fë a si-ndon; mfa waban, bënë a si-ndon; ma, mazu abë wa. A Tara ya onë mfufub, baala bò a dzoe doe ya ongavë ma, asu yë na bëbò dzom dzidzia anë bia.

Yohannes 17:11 Iomraidhean Croise

Mt 10:16

Yënë sik, malom mina anë mintomba a zaṅ mvu afan. Mitòbògò ntsë anë nyò ai evovoe anë abëṅ.

Mt 5:48

Tòbëgan a saaṅ anë mbol Tara waan ya yob anë a saaṅ.

Mt 6:9

Na ngò hm mikogëlan: A Tara waan y'onë a yob, dzoe doe afubëgan,

Yohannes 13:1

Osusua abog Paska, mbol Yesus ayëmë na awola die asò ya na akodo e si nyi, adugan abë esya, mbol angadiṅ emboe ya bëngabë a si-ndon, ndò angadiṅ fò bò akui a mëmana.

Yohannes 13:3

mbol ayëmë na esya angavë nyè dzom esë a mò, ai na angasò abë Zamba, ndò fë adugan abë Zamba,

Yohannes 14:20

Amos te, miayi yëm na mënë abë Tara, mina abë ma, ma fë abë mina.

Yohannes 16:28

Mëngasò abë tara, ndò mëngazu a si-ndon. Ndò madugan kodo a si-ndon, mëkëlë abë Tara.

Yohannes 16:33

Mëngakad mina e mam ma asu yë na mibi mvoè abë ma. Mibëlë mintye a si-ndon. Dzam da, vaan koa, mëngatègè ya si-ndon.

Yohannes 17:23

ma abë bò, wa ki abë ma, asu yë na bëtoan fò bò dzom dzia, si-ndon ezu hm yëm na wa ongalom ma, ai na ongadiṅ bò anë ongadiṅ ma.

Yohannes 17:25

A Tara ya onë sosoo, si-ndon endzëki wa yëm, hë da ma mëngayëm wa, ndò bëngayëm na wa ongalom ma.

Yohannes 17:6

E bod ongavë ma a si-ndon, mëngakulan bò dzoe doe. Bëngabë emboe, ndò ongavë ma bò, ndò bëngabaala ebug dzoe.

Yohannes 7:33

Yesus nyè na: Mëngënë ai mina etun abog, abog te mëdugan abë e nyò angalom ma.

Bisye bi Apostel 3:21

ṅnyè yob layean soan ai nyè, akui abog e mam mësë Zamba angakòbò a kòm ya kòm a anyu mimfufub bëprofet boe matoban.

Roma 12:5

nala ngò fë bia abui binë nyòl dzia abë Kristus, anë mod atoa edzo asu e ba bëvòg.

Roma 9:17

Amu ntilan wadzo ai Farao na: Asu te matele wa, asu yë na mëtoan kuli ngul dzama a ngëëṅ a bë wa, ai na bëyëdan dzoe dama a si esë.

1Kor 1:10

Ndò hm makogëlan ai mina a dzoe Nti waan Yesus Kristus, a babëdzaṅ, na mina bësë mibò kiṅ dzidzia, tègè ai ngam ngam abë mina, na milad nnëm mbòg mbòg.

Galati 3:28

Man Yuden asëki fë, tò man Grek, tègè ai olò, tègè ai fili mod, tègè ai fam, tègè ai mininga. Amu mina bësë minë dzom dzia abë Kristus Yesus.

Ef 4:4

Nyòl dzia, Nsisim mbòg, akyaè ya mingaloeban a mbaṅ afidi ya nloe waan.

Filipi 2:9

Asu te ndò Zamba nyè angabede nyè, avëë nyè e dzoe lalod dzoe asë,

Ebrea 1:3

Ṅnyè anë mfyè ya duma die, atoa fë ndëm nsi woe, abëgë dzom esë ai ngungul ebug woe, avëṅan esob-minsëm, atòbò a mbo-nnomo ati a yob ete,

Ebrea 9:24

Amu Kristus andzëki nyian a mfufub etòbògò ya onë nkoman ai mò më bod, a wafulan ai e hi onë mfaṅ; anganyian a yob ben, asu yë na akui Zamba a mis etoa dzi asu daan.

Yakobus 4:4

A e bod miasëki bod bë afidi ba, nga miayëm na amvoe ai si-ndon latyan na wasiṅ Zamba?

Petrus osu 1:5

mina ya babaala a ngul Zamba ai ṅyëbë asu akode ya anë a ngomëzan na lakulëban a abog mvua.

1Yoh 3:12

së ki anë Kain angabë asòò abë Mbe, ndò angawoe manyaṅ. Ndò hm ki, asu dze angawoe nyè? Mbol mimboan mie mingabë abe, e mi mi manyaṅ mitoa sosoo.

1Yoh 5:19

Biayëm na biasò abë Zamba, ndò si-ndon esë enara a nsëm.

Yudas 1:1

Ma Yudas, mbò-esye Yesus Kristus, manyaṅ Yakobus, matil e ba bëngaloeban, mindindiṅ abë Zamba esya; a bënë na bëngaloe bò asu Yesus Kristus.

Yudas 1:24

E nyò anë ngul ya akala mina na të miaku, ai alëdë mina a mis më duma die tègè ai atòn, ai mintag,

Ekuli-mam 15:4

Za ayi wa bò të mbara, alugu fë dzoe doe? Amu wa etam onë mfufub, amu mëyòṅ mësë mayi sò, mëngalugu a mis moe, amu mimboan mi sosoo mie miayi kui a ngëëṅ.

Ekuli-mam 19:12

Mis moe mënë anë nkabag ndoan, abui mintom mi edzoe minë nyè a nlo, abëlë dzoe ya anë ntilan, a mod mfë ayëyëm, hë emen:

Ekuli-mam 4:8

E tsit enyii nyi, anë e nyili ebëlë mëfab mësaman, mis mënë bò hom osë edinga a nyòl ai a nnëm ete ha, ndò bakòbò tègè waè, ai alu, ai amos na: Mfufub, mfufub, mfufub, Nti Zamba ngul mësë, ṅnyè angabë, ṅnyè anë, ṅnyè azu.