Yohannes 15:4 - MKPAMAṄ AMVOE Nouveau Testament en langue Ewondo 2012

⁴ Laṅan abë ma, ma fë abë mina. Akyaè ya ntëm wasëki dzam wum ebuma ai oben ngë walaṅan ki ai ele wayn, nala fë ai mina, ngë miandzëki tòbò abë ma.

Yohannes 15:4 Iomraidhean Croise

Mt 12:33

Ngë ele enë mbëṅ, bibuma bie binë mbëṅ; ngë enë abe, bibuma bie binë fë abe. Amu bayëm ele a bibuma bie.

Lk 8:15

E mvòṅ ya mbëmbë si: e ba ya bawog ebug ai mbëmbë nnëm, bëbaala dzò, bëngawum bibuma ai mban.

Yohannes 14:20

Amos te, miayi yëm na mënë abë Tara, mina abë ma, ma fë abë mina.

Yohannes 17:23

ma abë bò, wa ki abë ma, asu yë na bëtoan fò bò dzom dzia, si-ndon ezu hm yëm na wa ongalom ma, ai na ongadiṅ bò anë ongadiṅ ma.

Yohannes 6:56

E nyò adi nyòl dzama, anyaag fë mëki mama, atoa abë ma, ma fë abë nyè.

Yohannes 8:31

Ndò Yesus adzo ai e Yuden bëngayëbë nyè na: Ngë mialaṅan ai ebug dzama, minë bëyègè bama mfaṅ.

Bisye bi Apostel 11:23

Ṅnyie anë angakui, ayënë ntotomamaa Zamba, ndò angatag, angayin fë bò bësë na bëyëm minnëm, bëlad ai Nti,

Bisye bi Apostel 14:22

bëwonëṅe minnëm bëyègè, bëlëbë fë bò na bëbò mban a ṅyëbë ai na biayean bi abui mindzug, abog te bizu kë nyian a edzoe Zamba.

2Kor 13:5

Fòmbëgan mina bëben, ngë minë a ṅyëbë, bindigan. Yë miandzeki yëm na Yesus Kristus anë abë mina? Kamëna miasëki a nkoṅ te.

Galati 2:20

Së ki fë ma manyiṅ, Kristus ṅnyè anyiṅ a bë ma. Enyiṅ manyiṅ a nyòl, manyiṅ dzò a ṅyëbë mayëbë mòn Zamba ya angadiṅ ma, akaba fë emen asu dama.

Ef 3:17

na, asu ṅyëbë, Kristus atòbò a minnëm mian, milada minkaṅ, miyëmë fë a ediṅ,

Filipi 1:11

Mitoa hë ndzalan ai bibuma mëkyëbë a nyòl Kristus Yesus asu duma ai olugu Zamba.

Kolosi 1:23

ngë milaṅan a kpiim a ṅyëbë tègè tigibi, tègè fëṅëlan a afidi mbëmbë foe mingawog, a bëngakad a ekokoma esë ya enë a si, mbëmbë foe te hm ma Paulus masye.

Kolosi 1:27

mmiè Zamba angayi na miyëm akyaè akuma duma ya e ndimba nyi a zaṅ bëhaiden, endzò enë Kristus abë mina, afidi duma.

Kolosi 2:6

Mbol hm minganòṅ Kristus Yesus Nti, nyiṅan fë abë nyè,

1Tes 3:5

Asu te, mbol tègè fë ai abana-lë nnëm, ndò mëngalom na bëzu yëm mbol ṅyëbë waan onë, ma na yë mod mëbobëla abobolo ya mina ana o, ai na esye ndzug dzaan ezaa bò a zëzë.

Ebrea 10:39

Bia biasëki hm e bod badugan ai mvus asu amala, binë hë bod bë ṅyëbë asu yë na bibëlë enyiṅ.

1Yoh 2:6

E nyò adzo na atòbò abë nyè, ayean wulu anë nyè fë angawulu.

2Yoh 1:9

E mod osë ya akë osu, të tòbò a ayëgëlë Kristus, abëlë ki Zamba. E nyò atòbò abë Zamba, abëlë esya ai mòn.