Yohannes 15:15 - MKPAMAṄ AMVOE Nouveau Testament en langue Ewondo 2012

¹⁵ Maloe ki fë mina na bëlò, amu olò wayëgan e dzi nti woe abò. Maloe mina na bëmvoe amu mabò na miyëm e dzi esë ya mëngawog abë tara.

Yohannes 15:15 Iomraidhean Croise

Mt 13:11

Ndò angafèd, nyè na: Amu mingavëëban ndimba mam ya yob. E bali, bandzëki dzò vëëban.

Lk 10:23

Ndò avëṅan mfa bëyègè bëngabë, nyè ai bò mbombòg na: Mvòm ai e mis mayen e mam miayen ma.

Yohannes 12:26

Ngë mod ziṅ asye ma, ayi ma toṅ, ndò fë, e hom osë mayi tòbò, nsye wama nyè ayi fë tòbò ete. Ngë mod ziṅ asye ma, Tara ayi nyè vë olugu.

Yohannes 13:16

Makad mina bëbëla na: Olò walod ki nti woe, ndò fë mod minloman alod ki e nyò alom nyè.

Yohannes 15:20

Tsogan ebug mëngakad mina: olò walod ki nti woe. Ngë bëngasiṅ ma, ba bayi mina siṅ. Ngë bëbaala ebug dzama bayi baala endzaan.

Yohannes 16:12

Mëngëlë bëlë abui mam ya akad mina, dzam da miasëki mò dzam wog etoa dzi.

Yohannes 17:26

Mëngabò na bëyëm dzoe doe ndò fë mayi kë ai nala osu, asu yë na ediṅ ya ongadiṅ ma ebò abë ma, ma fë abë bò.

Yohannes 20:17

Yesus nyè ai nyè na: Obë ma namba, amu mabë ki bed abë tara. Këlëg a babëdzaṅ bënë, okad bò na: Mabed abë Tara ai esya waan, abë Zamba wam ai Zamba waan.

Yohannes 4:19

Mininga nyè ai nyè na: A Nti, mayen na onë profèt.

Yohannes 8:26

Mëbëlë abui mam ya mayean kòbò asu daan, mëtsigi ntol, dzam da, e mod angalom ma anë bëbëla, ndò e mam mëngawog abë nyè, mmò makad si-ndon.

Bisye bi Apostel 20:27

Amu mandzëki mina dimi akad ṅyian Zamba osë.

Roma 7:15

Amu mayëm yëm ki e dzam mabò. Amu së ki e dzom mahan ndzò mabò; hë da, e dzi mafëm, ndzò mabò.

1Kor 2:16

Amu za angayëm ya ntsogan Nti, na avë nyè mëlëbëga? Mfag waan, bibëlë ntsogan Kristus.

Galati 4:6

Asu te minë bòn; Zamba angalom Nsisim mòn woe a minnëm mian, a wadzo na Abba, a Tara.

Ef 1:9

abò na biyëm ndimba ṅyian woe, akyaè emen angadiṅ, mbol angatele abë nyè,

Ef 3:5

Ndimba ya bandzëki bò na e ngongo bod fòg, bòn bë bod, bëyëm dzò, akyaè engakulëban mimfufub mi apostel mie ai bëprofèt a Nsisim,

Kolosi 1:26

e ndimba engabë esòlò atarigi a bisëb bisëb, atarigi fë anë miè bod minë, etoa dzi, yakulan asu mimfufub mie,

Filemon 1:16

së hm ki fë anë man olò, dzam da alodo man olò, onòṅ nyè anë ndindiṅ manyòṅ. Anë hm fò madzaṅ ben, anë fë nala abui asu doe, a etye mod ai abë Nti.

Yakobus 1:1

Ma Yakobus, mbò-esye Zamba ai Nti waan Yesus Kristus, matil mënda më bod awom ai mebè ya mëngamana tsaman. Miavuma a !

Yakobus 2:23

ndò ntilan ongatoban mbol ongadzo na: Abraham angayëbë Zamba, ndò bëngalaṅ nyè dò na akyëbë, ndò angaloeban na: Mvoe Zamba.

Petrus osu 1:11

Bëngabë bësiligi za modo, za abogo nsisim Kristus ya ongabë abë bò ongatari kad mintye mi Kristus ai e duma ya mvus hala.

Petrus bèè 1:1

Ma Simun Petrus, mbò-esye ai man apostel Yesus Kristus, matil e bod bëngabi ṅyëbë ya onë fë anë engoan a mëkyebe më Zamba waan ai nkode waan Yesus Kristus;

Yudas 1:1

Ma Yudas, mbò-esye Yesus Kristus, manyaṅ Yakobus, matil e ba bëngaloeban, mindindiṅ abë Zamba esya; a bënë na bëngaloe bò asu Yesus Kristus.

Ekuli-mam 1:1

Ekuli-mam Yesus Kristus ya Zamba angavë nyè na alëdë bësye boe: e mam mëngayi ya bòban, abò na mëyëmban ai nloman angalom englès woe abë etuga dzie Yesus.