Yohannes 14:26 - MKPAMAṄ AMVOE Nouveau Testament en langue Ewondo 2012

²⁶ Mfag nkè, Mfufub Nsisim, e nyò Tara ayi lom a dzoe dama, ayi mina yëgëlë bisë, adugan mina baala e ma mësë mëngakad mina.

Yohannes 14:26 Iomraidhean Croise

Mt 1:18

Eyë a hm fò abyali Yesus Kristus angabò na: Maria nyia woe angabë bëlë mëtiṅ më alug ai Yosef; Osusua yë na batòbò fufulu, lëntoa na anë abum abë Mfufub Nsisim.

Mt 1:20

Hala angëlë atsogo nala a nnëm, ndò englès Nti angayene nyè a nlo, nyè na: A Yosef, man David, obë mbara nòṅ Maria nyò ngal; E dzi yabyali abë nyè dzili, yasò abë Mfufub Nsisim.

Mt 28:19

Kaṅan hm, mikë miayëgëlë mëyòṅ mësë, miduu bò a dzoe Esya, ai Mòn, ai Mfufub Nsisim,

Mt 3:11

Ma madu mina a mëndim asu avëṅan, e nyò azu ma a mvus anë ngul alodo ma; masëki nyè dzam tii bësilfas a mëkol. Ṅnyè ayi mina du a Mfufub Nsisim ai ndoan.

Mk 12:36

David emen angadzo ai ngul Mfufub Nsisim na: Nti adzo ai Nti wama na: tòbògò ma a mbo-nnomo, akëlë kui anë mafudi wa minziziṅ mie a mëkol a si.

Mk 13:11

Eyòṅ ki bayi kuan ai mina nala, të miasaṅan na miayi kòbò ya? Hë mbol osë Zamba ayi bò na mikòbò, eyë kòbògan nala. Amu, sëki mina miayi kòbò, Mfufub Nsisim ṅnyè ayi kòbò.

Lk 1:15

Ayi bò mfaṅ a mis më Nti, ndò fë ayi ki nyu mëyòg tò bilam, ndò fë ayi dzie ai Mfufub Nsisim atarigi a abum nyia,

Lk 1:35

Ndò englès adzo ai nyè na, Mfufub Nsisim ayi sus abë wa, ngul mëdaṅa-yobo ekubu wa a nyòl. Asu te, e dzi yayi byali mfufub yayi loeban na mòn Zamba.

Lk 1:41

Ndò hm, ṅnyie anë Elisabet angawog mësugan më Maria, mòn angafoṅan nyè a abum, ndò Elisabet adzie ai Mfufub Nsisim,

Lk 1:67

Ndò esya woe Zakarias angadzie ai Mfufub Nsisim, ndò akòbò anë profèt, nyè na:

Lk 11:13

Ndò hm, ngë e mina ya minë bëbe, miayëm vë bòn ban mimbëmbë bifaè, biyòṅ biam e tara ya yob ayi vë e ba basili nyè Mfufub Nsisim?

Lk 2:25

Ndò hm, mod ziṅan gabë a Yerusalem dzoe na Simeon, mod te atoa sosoo, atoa fë mod ngogëlan, ayanga evòli Israel, Mfufub Nsisim atoa abë nyè.

Lk 24:49

Ndò hm malom mina ekaa Tara. Mfa waan, tòbògan a tisòn ha ntye miabë ki bi ngul ya yob.

Lk 3:22

Mfufub Nsisim angasus nyè a nyòl, atoa ha anë obëṅ, kiṅ esò fë a yob na: Wa onë ndindiṅ mòn wama, wa mafuu nnëm.

Yohannes 1:33

Mfa wama, mambë yëmë ki nyè, dzam da e nyò angalom ma na mëdu bod a mëndim ṅnyè angadzo ai ma na: 'E mod oṅyënë nsisim osusu, ozaa tòbò abë nyè, ṅnyè ayi du abë Mfufub Nsisim!'

Yohannes 12:16

Bëyègè boe bandzëki wog dzam te etye etye, dzam da, eyòṅ Yesus angabëlë duma, ndò bazu tsog na dzam te angabë ntilan atyan ai nyè, ai na bëngabò nyè dò.

Yohannes 14:16

Mayi hm dzaè Tara, alomo mina nkè mfë, asu yë na atòbò ai mina kole,

Yohannes 14:25

Mëngakad mina e mam ma mëtoa abë mina.

Yohannes 15:26

Eyòṅ nkè ya mayi mina lom abë tara ayi sò, nsisim bëbëla ya wayi sò abë tara, e nyòlò te ayi ma bòòlò.

Yohannes 16:7

Ma makad mina bëbëla; anë mbëṅ asu daan na mëkë. Amu, ngë mëbò të kë, nkè ayi ki sòṅ a bë mina. Eyòṅ hm ki mayi kë, mayi mina nyè lom.

Yohannes 2:22

Eyòṅ hm angakui a sòṅ, ndò bëyègè boe badugan tsog na angakad nala, ndò bëngayëbë ntilan ai ebug Yesus angakòbò.

Yohannes 20:22

Adzoo nala, ndò avundu bò, nyè na: Nòṅan mfufub ṅhëbë.

Yohannes 6:45

Anë ntilan abë profèt na: Zamba ayi bò yëgëlë bò bësë. E mod osë awog e dzam lasò abë Tara, ayègè fë, azu abë ma.

Yohannes 7:39

Angabë adzoo ai nsisim ya e bod bëngayëbë nyè bëyiigi bi. Amu hala nsisim wabë ki sò, tègè ai na Yesus abëlë ya duma.

Bisye bi Apostel 1:2

azaag kui amos angatëbëlë apostel ya angatòb, ai Mfufub Nsisim, ndò anganòṅëban a yob.

Bisye bi Apostel 1:4

Ndò hm, adzaag ai bò bidi ha, ndò abende bò na të bakodo a Yerusalem, bëyanga hë mëtiṅ më esya, akyaè ya mingawog mëdzoo na,

Bisye bi Apostel 1:8

dzam da, miayi bi ngul eyòṅ Mfufub Nsisim ayi mina sòṅ a nyòl, abog te miayi ma bò bëbòòlò a Yerusalem ai a Yudea asë, ai Samaria, akëlë kui a mëbug më si».

Bisye bi Apostel 11:16

Ndò hm mazu tsog ebug ya Nti angakòbò na Yohannes nyè angadu ai mëndim, mina miayi duuban ai Mfufub Nsisim.

Bisye bi Apostel 13:2

Bëluugu Nti, bëkii fë bidi, ndò nsisim wadzo na: Telegan ma Barnabas ai Saulus a mgbag asu esye ya mëngaloe ya bò na bëbò.

Bisye bi Apostel 13:4

Mbol Mfufub Nsisim angalom bò nala, ndò bakë a Silisia, bëtye hala, bëngakë mfag ya Siprus.

Bisye bi Apostel 15:28

Amu tò bia, tò Mfufub Nsisim, biayen na biayean ki mina dugan bag mbëgë mfë olodo abim layean, na:

Bisye bi Apostel 15:8

Ndò hm, Zamba ya ayëm minnëm, angabòòlò dò, avë bò Mfufub Nsisim anë angavë bia,

Bisye bi Apostel 16:6

Ndò balod a Frizia ai nnam Galatika; Mfufub Nsisim angatele bò mvende na të kòbò ebug a Azia.

Bisye bi Apostel 2:33

Mbol mbo-nnomo Zamba angabede nyè, ndò anganòṅ ekaa Mfufub Nsisim abë esya, asoe nyè, akyaè ya miayen, miwogo fë di.

Bisye bi Apostel 2:4

ndò bò bësë bëngadzie ai Mfufub Nsisim, bëtari hm na bakòbò a minkòbò mifë, e kan nsisim ongabë obò na bëfala nkòbò.

Bisye bi Apostel 20:28

Kalëgan mina bëben, ai nkunda osë ya Mfufub Nsisim ongatele mina bë asu zoa na mikala nda-Zamba ya angakus a mëki moe.

Bisye bi Apostel 20:35

Mëngalëdë mina mvulna a dzom esë na eyòṅ mod wasye nala, wavòli mintèd, bitsogo hm fë bibug ya Nti Yesus angakòbò na: Anë maa abui, eyòṅ wavë alodo anë eyòṅ waanòṅ.

Bisye bi Apostel 28:25

Bëngatsaman hm nala kiṅ kiṅ, ndò Paulus akòbò ebug dzia, na, Mfufub Nsisim akòbò fò mbëṅ ai bëtara a anyu profèt Isaias na:

Bisye bi Apostel 5:3

Petrus nyè na: «A Ananias, dze fò Satan adzie wa a nnëm ha, ongazu dug Mfufub Nsisim, osòli etun mòni ya nkuan si?

Bisye bi Apostel 7:51

«A e bod minë nlo alèd ba, ai minnëm ai mëlò tègè ai nkëlan, mina fë miayi kanga Mfufub Nsisim kòm esë anë bë esoa.

Bisye bi Apostel 7:55

Atoa hm ndzalan ai Mfufub Nsisim ha, ndò abëbë a yob, ayënë duma Zamba, Yesus atëlë a mbo-nnomo Zamba,

Roma 14:17

Amu edzoe Zamba esëki bidi ai mënyu, enë mëkyëbë, ai mvoè, ai mintag abë Mfufub Nsisim.

Roma 15:13

Zamba afidi adzalëga mina ai mintag misë, ai mvoè a ṅyëbë, asu yë na mifuguzu a afidi, ai ngul Mfufub Nsisim.

Roma 15:16

asu yë na mëbò mbò-esye Yesus Kristus asu bëhaiden, mëbò esye mbëmbë foe Zamba asu yë na mëtunëṅa bëhaiden mëbò akyaè layean, mëfuban fë abë Mfufub Nsisim.

Roma 5:5

Afidi dò lakub ki mod osama, amu ediṅ Zamba enë bia nkuban a minnëm ai Mfufub Nsisim bëngavë bia.

1Kor 12:3

Ndò hm makad mina na, mod ziṅ asë dzam bò na, akòbò ai ngul Nsisim Zamba nyè na: Amala ai Yesus! Ndò fë mod ziṅ asëki dzam dzo na: Yesus anë Nti, ngë tègè ai ngul Mfufub Nsisim.

1Kor 6:19

Nga miayëm na nyòl dzaan enë tempel Mfufub Nsisim ya atoa abë mina, a Zamba angavë mina, ndò miawoge ki ai mina bëben?

2Kor 6:6

A fulu mfuban ai ṅyëman, a fin, a abëṅ nnëm, a Mfufub Nsisim, a mfaṅ ediṅ,

Ef 1:13

Abë nyè ngò fë mina mingawog ebug bëbëla, mbëmbë foe akode waan, abë nyè ngò bëngalig mina ndëm a nyòl mbol mingayëbë asu Mfufub Nsisim ya angakagban,

Ef 1:17

asu yë na Zamba Nti waan Yesus Kristus, esya duma, avë mina Nsisim fëg ai Nsisim wakuli ayëmë die,

Ef 4:30

Ndò fë të miabò na Mfufub Nsisim Zamba owog olun, abë nyè ngò bëngalig mina ndëm a nyòl asu amos akode.

1Tes 4:8

Asu te, e mod abyandi dò, së ki mod ṅnyè abyandi, abyandi e Zamba ya avë bia Mfufub Nsisim woe.

2Tim 1:14

Obaala mbëmbë dòkten asu Mfufub Nsisim ya atoa abë bia.

Titus 3:5

së ki asu mimboan ya mëkyëbë ya bingabò, dzam da hë asu ngòl dzie, ndò angakode bia ai mëwòbò më abyali bèè, ai ntsendan ya abë Mfufub Nsisim

Ebrea 10:15

Tò Mfufub Nsisim emen abòòlò bia dò. Amu a mvus yë na akad ya na:

Ebrea 2:4

Zamba nyè fë angabòòlò dò ai mëndëm ai biyëṅ bi mam, ai abui mam më ngul, akaba bifaè bi Mfufub Nsisim a ṅyian woe!

Ebrea 3:7

Asu te, akyaè ya Mfufub Nsisim akòbò: Eyòṅ hm miayi wog kiṅ dzie ana,

Ebrea 9:8

Nala ngò Mfufub Nsisim alëdë na zen ya nda olugu yabë ki kui a ngëëṅ, ntye ya ebëm osu engënë etëlë,

Petrus osu 1:12

Ndò hm bëngakulan bò na bëngabë ki bësye e mam ma asu bò bëben, asu daan ngò bëngabë bësye mò, mam mëte mmò e bod bëngakad mina mbëmbë foe bëndëm mina kad abë Mfufub Nsisim ya angalomban a yob, mam mëte mmò benglès bayi na bayen.

Petrus bèè 1:21

Amu së ki a ṅyian mod ngò nkòbò profèt ongasò okoba, dzam da, bod bëkòbògò, lësòò abë Zamba, akyaè Mfufub Nsisim atindigi bò.

1Yoh 2:20

Mfag waan, mine ṅwòban mbòn abë Mfufubu, ndò miayëm nala mina bësë.

1Yoh 2:27

Ndò mfuban mbòn mingabi abë nyè watòbò abë mina, ndò miayaṅan ki ai na mod ziṅ ayëgële mina. E kan mfuban mbòn woe wayëgëlë mina mësë, wa onë hm bëbëla, wasëki mfugu, ndò e kan ongayëgëlë mina, tòbëgan ete.

1Yoh 5:7

Bëbòòlò bënë bëlè:

Yudas 1:20

A mindindiṅ miama, mfag waan, loṅan enyiṅ dzaan mina bëben a mod mfufub ṅyëbë waan, mikogëlan abë Mfufub Nsisim.

Ekuli-mam 2:11

E mod abële mëlò awogo e dzam nsisim wadzo ai mënda më Zamba. E mod anë zingi aangabi ki nkat ya awu bèè.