Yohannes 14:12 - MKPAMAṄ AMVOE Nouveau Testament en langue Ewondo 2012

¹² Bëbëla emen, makad mina: e mod ayëbë ma, ayi bò e mimboan mabò mi, abò fë alodo nala, amu makë abë Tara.

Yohannes 14:12 Iomraidhean Croise

Mt 21:21

Yesus nyè ai bò na: Makad mina bëbëla na, ngë mibëlë ṅyëbë, tègè soo, miayi bò mam alodo anë e di ele dzi, mitoa dzam dzo ai nkol hi na: Kodogo, owoaban a maṅ, hë abòban nala.

Mk 11:13

Ndò ayen ele bibuma ebëlë abui kye etëlë man ntye, angakë, adzo na ayi të kòb ebuma ete. Ndò akë, tègè kòb tò dzom, hë kye. Abog te dò lëngabë ki abog bibuma.

Mk 16:17

E ba bayi ṅyëbë bayi bò e mësimba ma: Bayi tsidan bëbë minsisim a dzoe dama, bayi kòbò minkòbò mifë,

Yohannes 14:28

Miawog anë makad mina na: Makë, ndò fë mazu abë mina. Ngë midiṅi ma, ngë miafon na makë abë tara, amu Tara alod ma.

Yohannes 16:7

Ma makad mina bëbëla; anë mbëṅ asu daan na mëkë. Amu, ngë mëbò të kë, nkè ayi ki sòṅ a bë mina. Eyòṅ hm ki mayi kë, mayi mina nyè lom.

Yohannes 4:37

Amu ebug dzi yatoban bëbëla na: E mod amiè mvòṅ anë etam, e nyò akoe atoa etam.

Yohannes 5:20

Amu yë na, esya adiṅ mòn, ndò angalëdë nyè e mam abò, ndò fë ayi nyè lëdë mëfë alodo nala, asu yë na mikam.

Yohannes 7:33

Yesus nyè na: Mëngënë ai mina etun abog, abog te mëdugan abë e nyò angalom ma.

Yohannes 7:39

Angabë adzoo ai nsisim ya e bod bëngayëbë nyè bëyiigi bi. Amu hala nsisim wabë ki sò, tègè ai na Yesus abëlë ya duma.

Bisye bi Apostel 10:46

Amu bëngabë bëwogo bò bëkòbògò minkòbò minkòbò, bëtaman fë Zamba. Ndò hm Petrus azu sili na:

Bisye bi Apostel 16:18

Angabò e dzam di ha mëlu mëlu. Mbol Paulus angatëg ai adzo te, ndò akilan, akòbò ai ngul nsisim na: Madzo ai wa a dzoe Yesus Kristus na okodo nyè a nyòl. Ndò fë akodo awola te aben.

Bisye bi Apostel 19:12

e kan yë na bënòṅò bënapken ai biyie ya bihë namba nyè, bëkëlë biè bede minkokòn, akòn daban angamana lèd, bëbe minsisim bëtubu.

Bisye bi Apostel 2:33

Mbol mbo-nnomo Zamba angabede nyè, ndò anganòṅ ekaa Mfufub Nsisim abë esya, asoe nyè, akyaè ya miayen, miwogo fë di.

Bisye bi Apostel 2:41

E bod ba bëyëbë fò ebug dzie, bëduuban, ndò bod bëngabagëban bò a yob amos te dzam bò bakuda bëlè.

Bisye bi Apostel 4:16

bò na: «Bibò ya ai e bod ba? Amu adzo ndëm te ayëmban ya a ngëëṅ a zaṅ e bod bësë bëtoa a Yerusalem, ndò biasë ki dò dzam sie.

Bisye bi Apostel 4:33

Ndò apostel bëngabë bòòlò akui-lë sòṅ Nti Yesus ai abui fim, abui maa atoa ai bò bësë.

Bisye bi Apostel 4:4

Abui bod ya bëvogolo ebug bëngayëbë, ndò bod bëngakui dzam bò tò bakuda bëtan.

Bisye bi Apostel 5:15

e kan yë na bëngazu ai minkokòn, bëboege bò a bëmatela ai binòṅ a ndzòṅ a yob, asu yë na, eyòṅ Petrus ayi sò, tò të hë nsisim woe onamba mbòg ya ete.

Bisye bi Apostel 6:7

Ebug Zamba enganaṅ, taṅ bëyègè engabui a Yerusalem eyëgan, abui dzam ya bëfada bëngayebë fë.

Bisye bi Apostel 8:7

Amu mvid minsisim mingakui abui bod a nyòl, miakë miabam a yob ete, abui mintèd ai mimbombog mingasyeban.

Bisye bi Apostel 9:34

Ndò Petrus adzo ai nyè na: A Aineas, Yesus Kristus abò wa mvoè. Kodogo a si, wamen okom enòṅ dzoe. Etye etye te, ndò angatëbë.

Bisye bi Apostel 9:40

Ndò Petrus angakuli bësë a nsëṅ, ndò akud mëbòṅ, angakogëlan, ndò akilan mfag mbim ongabë, nyè na: A Tabita, tëbëgë. Ndò Tabita ayaè mis, ayënë Petrus, akomo etoa.

Roma 15:19

ai ngul mësimba ai biyëṅ bi mam, ai ngul Nsisim Zamba. Nala ngò mamana bò esye mbëmbë foe Kristus, atarigi a Yerusalem, mëkilan a ngòdò esë akëlë kui a Iliria,