Yohannes 14:11 - MKPAMAṄ AMVOE Nouveau Testament en langue Ewondo 2012

¹¹ Yëbëgan ma na mënë abë Tara, Tara atoa abë ma. Ngë miayëbë ki nala, yëbëgan hm të hë asu e mimboan mi.

Yohannes 14:11 Iomraidhean Croise

Yohannes 10:25

Yesus nyè ai bò na: Mëkad ya mina, mina të yëbë. E mimboan mabò a dzoe Tara mmiè miabòòlò ma.

Yohannes 10:32

Yesus nyè ai bò na: Maalëdë mina abui mimbëmbë mimboan ya abë Tara. Mialum ma ngòg asu mboan mbe ya ete?

Yohannes 10:38

Ngë mabò hm miè, tò mibò ma të yëbë, yëbëgan mimboan, asu yë na miyen, miyëm fë na Tara anë abë ma, ma fë abë Tara.

Yohannes 14:10

Dze yë wayëbë ki na mënë abë Tara, Tara atoa abë ma? E bibug makad mina, makòbò ki biè ai mamen; e Tara atoa abë ma abò esye dzie.

Yohannes 14:20

Amos te, miayi yëm na mënë abë Tara, mina abë ma, ma fë abë mina.

Yohannes 5:36

Mfa wama, mëbëlë mbòòlan walod Yohannes: E mimboan Tara angavë ma na mëdzala miè, mimboan mite ya mabò, miabòòlò ma na Tara angalom ma.

Bisye bi Apostel 2:22

A bod ya Israel, vogolan e bibug bi; E Yesus man Nazaret ya Zamba angatele mina a zaṅ ai mimboan mi ngul, ai biyëṅ bi mam, ai e mëndëm Zamba angabò a mò moe a zaṅ dzaan, akyaè ya mina bëben miayëm,

Ebrea 2:4

Zamba nyè fë angabòòlò dò ai mëndëm ai biyëṅ bi mam, ai abui mam më ngul, akaba bifaè bi Mfufub Nsisim a ṅyian woe!