Yohannes 13:5 - MKPAMAṄ AMVOE Nouveau Testament en langue Ewondo 2012

⁵ Ndò asoe mëndim a basin, akaè na asob bëyègè mëkol, angafimi mò ai etun eyie engabë etii nyè a angëdëg.

Yohannes 13:5 Iomraidhean Croise

Lk 7:38

ndò atëbë babi a mvus mëkol moe, angayon, angasoe Yesus bibëga bie a mëkol, angafimi ai esil ya nlo woe, awòbògò nyè mëkol ai mò ai mbòn hi.

Lk 7:44

Ndò avëṅan mfa mininga angabë, nyè ai Simun na: Wayen e mininga nyò a? Mënyian wa a nda, wa tègè ma soe mëndim a mëkol. Nyè awòbò hm ma mëkol ai bibëga, ndò afimi mò ai esil.

Yohannes 13:10

Yesus nyè ai nyè na: E mod awòbò ya ayaṅan ki ai mëwòbò, ayaṅan hë ai nsoban mëkol, amu anë mfuban mfuban. Ndò fë mina minë mfuban; së hm ki mina bësë.

Yohannes 13:6

Ndò azu abë Simun Petrus. Petrus nyè ai nyè na: A Nti, dze yë wayi ma sob mëkol?

Yohannes 13:8

Petrus nyè ai nyè na: waangâsob ki ma mëkol tò eyòṅ. Yesus nyè ai nyè na: Ngë mandzëki wa sob mëkol, wabëlë ki ngab ai ma.

Yohannes 19:34

dzam da, ndò man bëzimbi mbòg angadzii nyè akòṅ a mviè; etye etye, mëki ai mëndim bingakui.

Bisye bi Apostel 22:16

Ndò hm, etoa dzi, asu dze wayanga? Kodogo a si, oduuban, minsëm mie mivaaban eyòṅ waloe dzoe die.

1Kor 6:11

Nala ngò bëvòg ya abë mina bëngabë. Ndò mingawòbòban ya, mintoa mimfufub, mikyëbë a nkat a dzoe Nti Yesus Kristus ai abë Nsisim Zamba waan.

Ef 5:26

asu yë na afubu dzò, amana dzò bò mfuban a ṅwòban mëndim a nkòbò,

1Tim 5:10

awumu ai mimbëmbë mimboan: ngë anganèè bòn, ngë angabëlan ai bëyëṅ mbëṅ, ngë angasob mimfufub mëkol, ngë angavòli e bod bëbëlë mindzug, ngë angamvaman ai abëṅ dzam asë.

Ebrea 10:22

nkaṅan hm osu ai mfaṅ nnëm, ai mfaṅ ṅyëbë, bimana vaè mbë sosoo a minnëm, bimana fë sob nyòl a mimfuban mëndim.

1Yoh 1:7

Ngë biawulu a mfyè akyaè ya anë a mfyè, bibëlë ngab bia bia, ndò fë mëki më mòn woe Yesus mavaè bia mvit ya nsëm osë a nyòl.

1Yoh 5:6

Anë e nyò azu a mëndim ai mëki, Yesus Kristus; azu hm ki hë a mëndim etam, azu a mëndim ai a mëki. Ndò Nsisim wabòòlò, amu Nsisim onë bëbëla.

Ekuli-mam 1:5

ai abë Yesus Kristus, wusnèt, mod-afidi, ntol bëwu ai ndzoe minkukuma ya si. E mod angadiṅ mina, atii mina a minsëm mian ai mëki moe,

Ekuli-mam 7:14

Ma ai nyè na: A Nti wama, wa wayëm dò. Nyè ai ma na: Mbò basò a mod ndzug eyëgan, ndò bëngamana sob biwòman biaban, bëmana bò na bifum a mëki më ntomba.