Yohannes 12:42 - MKPAMAṄ AMVOE Nouveau Testament en langue Ewondo 2012

⁴² Tò hm të nala, abui bëvòg ya bëdzoe bëngayëbë nyè, dzam da, asu bëfarisea, bò të nyè mëm asu yë na bëzaa kuli bò a nda-bikoan a nsëṅ.

Yohannes 12:42 Iomraidhean Croise

Mt 10:32

E nyò osë angâmëm ma a mis më bod, ma mëngâmëm nyè a mis më Tara ya anë a yob.

Lk 12:8

Makad mina, e mod osë angamëm ma a mis më bod, mòn mod nyè fë ayi nyè mëm a mis benglès bë Zamba.

Lk 23:13

Ndò Pilatus akoan bëfada bënen ai bëdzoe bë nnam, ai nnam osë.

Lk 6:22

Mina bësòmbòg, eyòṅ bod basiṅ mina, bëtimiṅi mina, bëkòṅan ai mina, bëkiligi dzoe dan etòm mòn mod hë anë anë mbë dzam.

Yohannes 11:45

Abui dzam ya e Yuden bëngasò abë Maria, bëyënë e mam angabò, bëyëbë nyè.

Yohannes 12:11

amu abui dzam bëngabë kodogo a Yuden, bëngayëbë Yesus hë etòm dzie.

Yohannes 16:2

Bayi mina tsidan a mënda-bikoan. Ndò fë awola lazu, a e mod osë awoe mina ayi tsog na avë Zamba mëtunëṅa.

Yohannes 19:38

A mvus hala, ndò Yosef ya Arimatea, ya angabë ṅyègè Yesus a asoe, ai e wòṅ a mbarëga Yuden, akë dzaè Pilatus na afami mbim Yesus a klos. Ndò azu kë vaè mbim woe.

Yohannes 3:2

angasò abë nyè ai alu, ndò adzo ai nyè na: A Rabbi, biayëm na wasò abë Zamba a etye ṅyëgëlë, amu mod ziṅ asëki dzam bò e kan ndëm wabò nyi ngë Zamba asëki ai nyè.

Yohannes 7:13

Tò hm nala, tègè ai e mod akòbò adzo die a yob, ai e wòṅ bëmbarëga Yuden.

Yohannes 7:31

Abui dzam ya nkunda ha bëngayëbë nyè bëngadzo na: Yë Kristus ayi fò bò mam alodo e mod nyò eyòṅ ayi sò nga?

Yohannes 9:22

Bëbonde boe bëngakòbò nala mbol bëmbarëga Yuden. Amu hala Yuden bëvë ya abende na ngë mod ziṅ amëm Kristus, bëkuligi nyè a nda-bikoan a nsëṅ.

Yohannes 9:34

Bò ai nyè na: Hë wa, wa, obyali a nsëm ete, ndò ongazu ya bia yëgëlë nga? Ndò bëngakuli nyè a nsëṅ.

Bisye bi Apostel 5:41

Ndò të apostel bakodo a ekoan-nnam ha, bakë batag, mbol bëngayen na bakyëbë ai ebyandi etòm dzoe,

Roma 10:10

Amu mod ayëbë ai nnëm asu mëkyëbe, amëmë ai anyu asu akode.

1Yoh 4:15

E nyò amëm na Yesus anë mon Zamba, Zamba atoa abë mod te, nyè fë abë Zamba.

1Yoh 4:2

Na ngò miayëm Nsisim Zamba: Nsisim osë wamëm na Yesus Kristus angasò a minson wasò abë Zamba,