Yohannes 12:26 - MKPAMAṄ AMVOE Nouveau Testament en langue Ewondo 2012

²⁶ Ngë mod ziṅ asye ma, ayi ma toṅ, ndò fë, e hom osë mayi tòbò, nsye wama nyè ayi fë tòbò ete. Ngë mod ziṅ asye ma, Tara ayi nyè vë olugu.

Yohannes 12:26 Iomraidhean Croise

Mt 16:24

Eyòṅ te Yesus azu dzo ai bëyègè boe na: Ngë mod ayi na azu abie ma, asiege nyè emen, anòṅ klos dzie, azu abie ma.

Mt 25:21

Esya nti woe nyè na: Abëṅ adzo, a mbëmbë ewolo mbò esye, mbol oyëm bëlan ai ban mam, mayi wa tele e mam mënë ai mfi abui. Zaa tag ai esya nti woe.

Mk 8:34

Ndò aloe bëyègè boe ai nkunda bod, nyè ai bò na: Ngë mod ayi na azu abye ma, asyege emen, anòṅò klos dzie, azu atoṅ ma.

Lk 12:37

Mvòm ai bëbò bisye bëte a Nti ayi kòb bëtoa ehie eyòṅ ayi sò. Makad mina bëbëla na ayi tindi eyie a angëdëg, amana bò toa a si, angakë asye bò.

Lk 6:46

Dze ben mialòṅ ma na a Nti, a Nti, dzam da mina të bò e mam madzo?

Lk 9:23

Ndò adzo ai bò bësë na: Ngë mod ziṅ ayi na azu abie ma, asiege nyè emen, abëgë klos dzie amos osë, azu atoṅ ma.

Yohannes 10:27

Mintomba miama miawog kiṅ dzama; mayëm miè, ndò fë miabie ma,

Yohannes 13:16

Makad mina bëbëla na: Olò walod ki nti woe, ndò fë mod minloman alod ki e nyò alom nyè.

Yohannes 14:15

Ngë miadiṅ ma, miayi baala mëmvende mama.

Yohannes 14:3

Layi bò na: eyòṅ mëkë ya nala, mëkomëzan mina etoa, mayi dugan sò, mënòṅò mina abë ma, asu yë na, e hom ya mënë, mina mitobò fë ete.

Yohannes 15:20

Tsogan ebug mëngakad mina: olò walod ki nti woe. Ngë bëngasiṅ ma, ba bayi mina siṅ. Ngë bëbaala ebug dzama bayi baala endzaan.

Yohannes 17:24

A Tara, e dzi ongavë ma, mayi na, e hom mënë, bò fë bëtòbò ai ma, asu yë na bëyen e duma dama ya ongavë ma, amu ongadiṅ ma osusua akomo-lë-yob ai si.

Yohannes 21:22

Yesus nyè ai nyè na: Ngë mayi na alaṅan akëlë kui anë madugan zu, dze yabëbë wa ete? Mfag woe, biege ma.

Roma 1:1

Ma , Paulus, olò Yesus Kristus, mëloeban na mëbò man apostel, mëtòbëban asu mbëmbë foe Zamba,

Roma 14:18

Amu e mod asye Kristus hala, anyëb Zamba a nnëm, bod bëkama fë nyè.

2Kor 4:5

Amu biayedan ki bia bëben, biayedan Yesus Kristus Nti, bia binë bëlò ban asu ediṅ Yesus.

2Kor 5:8

Ngul enë bia a nyòl, bingayiyi hë na ngë biakodo a nyòl, bitòbò abë Nti.

Galati 1:10

Ma na: yë amvoe bod, yë e di Zamba, dze madzëṅ? Yë madzëṅ na mënyëb bod a nnëm? Ngë mënyëbë bod a nnëm, ngë masëki mbò-esye Kristus.

Filipi 1:23

Mëyëmë a zaṅ byem bite bibè, mëbëlë ṅyian na mëkë, mëtòbò ai Kristus amu ndò fò ladaṅ mbëṅ abui.

Kolosi 3:24

miyëmë na miayi bi maan më ngab elig abë Nti. Syean Kristus Nti.

Kolosi 4:12

Epafras, mod ya abë mina, asug mina; anë mbò esye Kristus Yesus, aluman fò asu dan kòm esë a ngogëlan asu yë na mitëbë a kpiim, mitòbò fë tègè ai bisoo a ṅyian Zamba osë.

Petrus bèè 1:1

Ma Simun Petrus, mbò-esye ai man apostel Yesus Kristus, matil e bod bëngabi ṅyëbë ya onë fë anë engoan a mëkyebe më Zamba waan ai nkode waan Yesus Kristus;

1Yoh 5:3

Ediṅ Zamba dzi, na bibaala mëmvende moe, ndò hm mëmvende moe mësëki adid.

Yudas 1:1

Ma Yudas, mbò-esye Yesus Kristus, manyaṅ Yakobus, matil e ba bëngaloeban, mindindiṅ abë Zamba esya; a bënë na bëngaloe bò asu Yesus Kristus.

Ekuli-mam 14:4

Mbò bandzëki kalan mvit ai mininga, amu bënë mintud, mbò batoṅ ntomba e hom osë wakë. Mbò bëngakus a bod na bëbò mintol asu Zamba ai asu tsit afan,