Yohannes 11:4 - MKPAMAṄ AMVOE Nouveau Testament en langue Ewondo 2012

⁴ Ndò Yesus angawog, nyè na: Okòn hili osëki asu awu, onë asu duma Zamba, asu yë na mòn Zamba abi duma ete.

Yohannes 11:4 Iomraidhean Croise

Yohannes 10:38

Ngë mabò hm miè, tò mibò ma të yëbë, yëbëgan mimboan, asu yë na miyen, miyëm fë na Tara anë abë ma, ma fë abë Tara.

Yohannes 11:40

Yesus nyè ai nyè na: Mandzë wa kad na ngë wayëbë, wayi yen duma Zamba a?

Yohannes 12:28

A Tara, vaa dzoe doe olugu. Ndò kiṅ engasò a yob na: Mëvë ya olugu, ndò fë mayi dugan vë.

Yohannes 17:1

Amana angamana kòbò e mam ma, ndò Yesus angabede mis a yob, nyè na: A Tara, awola asò ya. Vaa nyò mòn duma, asu yë na nyò mòn avë wa duma,

Yohannes 17:10

ndò ebi bisë biawoge ai ma biawoge ai wa, embie bitoa embiama, ndò mëngavëëban olugu abë bò.

Yohannes 17:5

Ndò hm, etoa dzi, wamen, a Tara, vaa ma duma, e kan mëngabë mëbëlë a mgbag dzoe osusua yë na si yazu bò.

Yohannes 2:11

Yesus angabò mëtari më ndëm a Kana ya Galilea, ndò angakuli duma die, bëyègè boe bëyëbë nyè.

Yohannes 5:23

asu yë na bod bësë bëkam mòn anë bakam esya. E mod akam ki mòn, akam ki tò esya ya angalom nyè.

Yohannes 8:54

Yesus nyè na: Ngë mavë mamen duma, duma dama lasëki dzom. Esya wama ṅnyè avë ma duma, ṅnyè miadzo na anë Zamba waan,

Yohannes 9:24

Ndò hm badugan loe e mod angabë ndim nyò eyòṅ bèè, bò ai nyè na: Vaa Zamba olugu. Bia, biayëm na e mod nyòlò anë nsëmë minsëm.

Yohannes 9:3

Yesus nyè na: tò nyè, tò bëbonde boe, mod andzëki sëm; anë fò hë asu yë na mimboan mi Zamba mikulan a ngëëṅ a bë nyè.

Roma 11:11

Mëngasili hm na: Yë bëngafè mbëg asu yë na bëku? Tègè ai dzom! Dzam da, e zaṅ bëngaku, ndzò akode angasò bëhaiden asu yë na bëwu bò kombo.

Filipi 1:11

Mitoa hë ndzalan ai bibuma mëkyëbë a nyòl Kristus Yesus asu duma ai olugu Zamba.

Filipi 1:20

mbol mayanga abui, mëfidigi fë na mayi ki sama a dzom ziṅ, dzam da, na, ai fim esë, anë abog asë ai etoa dzi, Kristus ayi bi olugu a nyòl dzama, tò mëwu, tò ki mënyiṅ.

Petrus osu 1:21

Asu die ngò mibële afidi abë Zamba ya angavëlë nyè a bëkon, avëë nyè duma, antoa hm na ṅyëbë waan ai afidi daan binë abë Zamba.

Petrus osu 4:11

Ngë mod asye babënyaṅ, lëbòò hë anë e ngul ya Zamba avë, asu yë na Zamba abi olugu a mam mësë asu Yesus Kristus; duma ai ngul bibòò ai nyè a bisëb bisëb. Amen.

Petrus osu 4:14

Ngë batè mina etòm dzoe Yesus Kristus, minë mvòm, amu nsisim duma ai nsisim Zamba otoa abë mina.