Yohannes 10:28 - MKPAMAṄ AMVOE Nouveau Testament en langue Ewondo 2012

²⁸ ndò fë mavë miè enyiṅ kòm; miayi ki dzaṅ a ekòg tò eyòṅ, ndò fë mod ziṅan gâfadi ki ma miè a mò.

Yohannes 10:28 Iomraidhean Croise

Mk 13:22

Amu abui bëkristus ai bëprofet mëdugan bayi tëbë a nnam, bëbò mësimba ai biyëṅ bi mam asu yë na badug e ba bënë ntòban, ngë anë ebugbu.

Lk 23:46

Ndò Yesus adzo a yob ete na, a tara, mavë nsisim wama a mò moe. Adzo angadzo nala, ndò asuu ṅhëbë.

Yohannes 10:29

E Tara angavë ma, alod bësë, ndò mod ziṅ asëki dzam fadi a mò më Tara.

Yohannes 11:25

Yesus nyè ai nyè na: Ma mënë akui-lë-sòṅ ai enyiṅ. E nyò ayëbë ma, tò afyaṅan wu, ayi nyiṅ.

Yohannes 14:19

Hë man eban, si-ndon tègè ma bad yen; mfag waan, miayi ma yen, amu manyiṅ, ndò fë miayi nyiṅ.

Yohannes 17:2

akyaè ya ongavë nyè ngul a ekokoma esë, asu yë na, e dzi esë ongavë nyè, avë dzò enyiṅ kòm.

Yohannes 18:9

Asu yë na ebug angakòbò edzalëban na: E ba ya ongavë ma, mandzëki dzèè tò mbòg ya ete.

Yohannes 3:36

E nyò ayëbë mòn, abëlë enyiṅ kòm. E nyò ki abyandi mòn, ayi ki yen enyiṅ, dzam da, olun Zamba obaa nyè a nyòl.

Yohannes 4:14

E mod ki ayi nyu e mëndim ya mamen mayi nyè vë, ayi ki bad wog ekode tò eyòṅ, dzam da, e mëndim mayi nyè vë mayi vëṅan etam e mëndim masoe asu enyiṅ kòm.

Yohannes 5:24

Amen, amen, makad mina na e mod awog ebug dzama, ayëbë fë e nyò angalom ma, abëlë enyiṅ kòm, ndò fë akë ki a nkat, dzam da, alod ya a enyiṅ, asòò a awu.

Yohannes 6:27

Syean e mbaṅëla andaman kig, hë atòbògò fò akui a enyiṅ kòm, a mòn mod ayi mina vë. Amu yë na, ṅnyè esya angakomodo.

Yohannes 6:37

E dzi esë Tara avë ma yayi sò abë ma, ndò fë mayi ki tsidan e nyò azu abë ma a nsëṅ,

Yohannes 6:47

Amen, amen, makad mina na: e nyò ayëbë, abëlë enyiṅ kòm.

Yohannes 6:68

Simun Petrus nyè ai nyè na: A Nti, biayi kë abë za? Obëlë bibug bi enyiṅ,

Bisye bi Apostel 7:59

A bëwoe Stefanus ai ngòg ha, nyè avëë kiṅ, nyè na: A Nti Yesus, nòṅò nsisim wama.

Roma 5:17

Amu, ngë awu angadzoe etòm nsëm mod mbòg, e ba banòṅ ndzalan maa ai efaè afu-nnëm sosoo bayi dzoe a enyiṅ a zaṅ mod mbòg, Yesus Kristus fog fe?

Roma 5:2

A zaṅ dzie ngò fë binë dzam nyian a e maa binada ete nyi, bingabò enguṅ a afidi duma Zamba.

Roma 5:21

asu yë na, e kan ya nsëm ongadzoe a awu, nala ngò fë maa adzoe ai mëkyëbë asu enyiṅ kòm a zaṅ Yesus Kristus Nti waan.

Roma 5:9

Abadan afëdan na, bikyëbë a nkat ai mëki moe, ayi bia kode a olun woe.

Roma 6:23

Amu maan më nsëm mënë nsëm, efaè-akab Zamba etoa enyiṅ kòm abë Yesus Kristus Nti waan.

Roma 8:1

Antoa hm na, ntol mëku ziṅ wasëki asu e bod bënë abë Kristus Yesus.

Roma 8:29

Amu e ba angatari yëm osusua, atele fë bò na bëfulan ai mòn woe, asu yë na abò ntol mòn a zaṅa bui babënyaṅ.

Filipi 1:6

mëyëmë fò mbëṅ na e mod angatari abëṅ esye di abë mina ayi dzò dzala akui a amos Kristus Yesus.

2Tes 2:13

Bia biayean hm kaṅ Zamba kòm esë asu daan, a babëdzaṅ ya Nti adiṅ, amu Zamba angatòb mina na mibò mintol asu akode a mfuban ya Nsisim ai ṅyëbë bëbëla,

1Tim 1:16

Ndò hm angayen ma ngòl asu te, asu yë na, abë ma ngò Kristus Yesus atari lëdë fin dzie esë na ebò mvulna asu e bod bëyean nyè ṅyëbë asu enyiṅ kòm.

2Tim 1:12

etòm te endzò madzugi e mam ma. Dzam da mawog ki osòn, amu mayëm e mod mëngafudi afidi dama abë nyè, ndò fë mayëm mbëṅ mbëṅ na abëlë ngul ya akala e dzi ya angavë ma asu amos te.

Ebrea 7:25

Antoa hm na anë dzam kode e bod bakë abë Zamba bëlodo abë nyè nguma nguma, amu anyiṅ kòm esë na akogëlan asu daban.

Petrus osu 1:5

mina ya babaala a ngul Zamba ai ṅyëbë asu akode ya anë a ngomëzan na lakulëban a abog mvua.

1Yoh 1:2

-ndò enyiṅ engakulëban, ndò bingayen dzò; ndò hm biabòòlò bibendëge fë mina enyiṅ kòm ya engabë abë esya ndò engakulëban bia-

1Yoh 2:19

Bëngatye abë bia, dzam da bëngabë ki bëwoge ai bia. Amu ngë bëwoge ai bia, ngë bëngatòbò ai bia fufulu. Ndò hm bëngakodo abë bia asu yë na akulan na tò mbòg awoge ki ai bia.

1Yoh 2:25

Ekaa angakag bia dzi: Enyiṅ kòm.

1Yoh 5:11

Ndò mbòòlan onë na Zamba angavë bia enyiṅ kòm, ndò enyiṅ te enë abë mòn woe.

Yudas 1:1

Ma Yudas, mbò-esye Yesus Kristus, manyaṅ Yakobus, matil e ba bëngaloeban, mindindiṅ abë Zamba esya; a bënë na bëngaloe bò asu Yesus Kristus.

Yudas 1:21

Baalan mina bëben a ediṅ Zamba ete. Yangan ngòl Nti waan Yesus Kristus asu enyiṅ kòm.

Yudas 1:24

E nyò anë ngul ya akala mina na të miaku, ai alëdë mina a mis më duma die tègè ai atòn, ai mintag,