Yohannes 1:34 - MKPAMAṄ AMVOE Nouveau Testament en langue Ewondo 2012

³⁴ Mamen mëngayen, ndò fë mazu ya mabòòlò na ṅnyè anë mòn Zamba.

Yohannes 1:34 Iomraidhean Croise

Mt 11:27

«Tara angavë ma dzom esë; mod ziṅ ayëyëm mòn, ngë së Tara, mod ziṅ ayëyëm Tara ngë së mòn, ai e nyò mòn ayi na akulan dò.

Mt 16:16

Ndò Simun Petrus angayalan nyè na: Onë Kristus, mòn e Zamba avëë.

Mt 17:5

Angënë akobògò nala, ndò fò nkut mfyè ongayali bò a yob, kiṅ esòò a nkut ete na: Ndindiṅ mòn wama hili a mafuu nnëm. Mivogolo nyè.

Mt 26:63

Yesus atoa evol. Ndò fada nen adzo ai nyè na: A mavuu ki wa sòṅ a dzoe Zamba ya avëë, kada bia, yë onë Kristus, mòn Zamba?

Mt 27:40

bò na: A e mod onë dzam bug tempel, odugan nyè loṅ a taṅ mëlu mëlè, kodëge wamen. Ngë onë mòn Zamba, susu a klos.

Mt 27:43

Angafidi Zamba, akodëge nyè etoa dzi, ngë adiṅ. Amu angadzo na: Mënë mòn Zamba.

Mt 27:54

Ndzoe ntèd bëzimbi ai e bod bëngabë ai nyè, bënòniṅi Yesus, bëngayi yen anë si yatigëdan ai e mam mësë mëngabòban, bëngambara abui, bò na: E mod nyò ahë bë mòn Zamba mfaṅ.

Mt 3:17

Ndò kiṅ yasò a bibas bi yob edzoo na: E nyòlò anë mbaṅ mòn wama ya mafuu nnëm.

Mt 4:3

Ndò mbobëlo azu dzo ai nyè na: Ngë onë mòn Zamba, dzoo na e ngòg nyi evëṅan bëmbaṅëla.

Mt 4:6

nyè ai nyè na: Ngë onë man Zamba, suman a si. Amu anë ntilan na: Ayi vë benglès boe tëbëga asu doe; bayi wa bëgë a mò asu yë na të akol doe lakë tobe a ngòg.

Mt 8:29

Ndò bëngabon a yob bò na: Dze enë a zaṅ bia ai wa, a man Zamba? Yë wasò na wazu bia ndëgëlë, zul mëtiṅ engënë të kui?

Mk 1:1

Mëtari më mbëmbë Foe Yesus Kristus , (mòn Zamba),

Mk 1:11

Ndò kiṅ engasò a yob na: Onë mbòs ediṅ mòn wama, mëngafuu ya wa nnëm.

Lk 1:35

Ndò englès adzo ai nyè na, Mfufub Nsisim ayi sus abë wa, ngul mëdaṅa-yobo ekubu wa a nyòl. Asu te, e dzi yayi byali mfufub yayi loeban na mòn Zamba.

Lk 3:22

Mfufub Nsisim angasus nyè a nyòl, atoa ha anë obëṅ, kiṅ esò fë a yob na: Wa onë ndindiṅ mòn wama, wa mafuu nnëm.

Yohannes 1:18

Mod ziṅ abë ya ki yen Zamba. Mbaṅ Mòn ya anë Zamba, a anë a nnëm esya, ṅnyè angayaè zen.

Yohannes 1:49

Natanaèl nyè ai nyè na: A Rabbi, onë man Zamba, onë ndzoe Israel.

Yohannes 10:30

Bia Tara binë dzom dzia.

Yohannes 10:36

e nyò ya Tara angafubu, alomo a si, mina miadzo na: «Onë ebyandi», mbol mëdzo na: «Mënë mòn Zamba» nga?

Yohannes 11:27

Nyè ai nyè na: Owe, a Nti, mazuzu ya mayëbë na wa onë Kristus, mòn Zamba ya azu a si-ndon.

Yohannes 19:7

Yuden bò ai nyè na: Bibëlë mvende, ndò, a mvende te, ayean wu, amu atele emen a etye mòn Zamba.

Yohannes 20:28

Tomas nyè ai nyè na: A Nti wama ai Zamba wama.

Yohannes 20:31

E ma mëngatilban asu yë na miyëbë na Yesus anë Kristus, mòn Zamba; miyëbë, mibëlë enyiṅ a dzoe die.

Yohannes 6:69

ndò bingayëbë ya, biayëm fë na wa onë Mfufubu Zamba.

Roma 1:4

bëtele nyè na anë mòn Zamba ai ngul mfag ya Mfufub Nsisim, atarigi a akui-lë sòṅ bëwu, Yesus Kristus Nti waan;

2Kor 1:19

Amu Yesus Kristus mòn Zamba ya bingayedan mina, ai ma, ai Silvanus ai Timoteus, andzëki bò owe ai kokoa, hë owe ṅnyè angabë abë nyè.

Ebrea 7:3

nyè ha tègè ai esya, tègè ai nyia, tègè ai nlaṅ ya mëbonde moe, abëlë ki e hom mëlu moe matari tò ki e hom enyiṅ dzie yaman, afulan ai mòn Zamba ndò alaṅan fada a kòm ya kòm.

1Yoh 2:23

E nyò asie mòn abëlë ki tò esya. E nyò amëm mòn abëlë fë esya.

1Yoh 3:8

E nyò abò nsëm asò abë Satan, amu Satan azuzu ya asëm atarigi a mëtari. Asu te mòn Zamba angakulëban, na asole mimboan mi Satan.

1Yoh 4:9

Ediṅ Zamba engakulan abë bia na Zamba angalom mbaṅ mòn woe a si-ndon na bibi enyiṅ abë nyè.

1Yoh 5:20

Ndò fë biayëm na mòn Zamba angasò, avëë bia fëg yë na biyëm bëbëla, ndò binë a bëbëla, abë mòn woe Yesus Kristus. Ṅnyè anë bëbëla Zamba ai enyiṅ kòm.

2Yoh 1:9

E mod osë ya akë osu, të tòbò a ayëgëlë Kristus, abëlë ki Zamba. E nyò atòbò abë Zamba, abëlë esya ai mòn.

Ekuli-mam 2:18

Tili englès ya nda-Zamba ya Tiatira na: E mam ma mmò mòn Zamba akòbò; ṅnyè abëlë mis anë nkabag ndoan, ndò fë mëkol moe mënë anë ekye yasò a mbuṅ ndoan.