Yohannes 1:18 - MKPAMAṄ AMVOE Nouveau Testament en langue Ewondo 2012

¹⁸ Mod ziṅ abë ya ki yen Zamba. Mbaṅ Mòn ya anë Zamba, a anë a nnëm esya, ṅnyè angayaè zen.

Yohannes 1:18 Iomraidhean Croise

Mt 11:27

«Tara angavë ma dzom esë; mod ziṅ ayëyëm mòn, ngë së Tara, mod ziṅ ayëyëm Tara ngë së mòn, ai e nyò mòn ayi na akulan dò.

Lk 10:22

Tara angavë ma dzom esë, ndò fë mod ziṅ ayëm ki mòn, ngë së ki esya; mod ziṅ ayëm ki tara, ngë së ki mòn ai e mod mòn ayi na akulan dò.

Yohannes 1:14

Ndò ebugu anganòṅ nyòl, aloṅo abëmba die abë bia, ndò biayen duma die, duma anë e di mbaṅ mòn obëlë abë esya; anë ndzian ai maa, ai sosoo.

Yohannes 12:41

Isaias angadzo nala amu angayen duma die, ndò angakòbò atyan ai nyè.

Yohannes 13:23

Mbòg ya bëyègè angabë ayëgë Yesus a toe, ṅnyè Yesus adiṅi.

Yohannes 14:9

Yesus nyè ai nyè na: Dze yë mëtòbò ya ai mina abog asë di, wa tègè ma yëm nga, a Filip? E nyò ayen ya ma, ayen ya fë Tara; Asu dze wadzo na, lëdëgë bia esoa?

Yohannes 17:26

Mëngabò na bëyëm dzoe doe ndò fë mayi kë ai nala osu, asu yë na ediṅ ya ongadiṅ ma ebò abë ma, ma fë abë bò.

Yohannes 17:6

E bod ongavë ma a si-ndon, mëngakulan bò dzoe doe. Bëngabë emboe, ndò ongavë ma bò, ndò bëngabaala ebug dzoe.

Yohannes 3:11

Amen, amen, makad wa na: biakòbò e dzi biayëm, bibòòlò fë e dzi bingayen, hë da miayëbë ki mbòòlan waan.

Yohannes 6:46

Asëki hala na mod ziṅan gayen ya Tara, ngë së ki e nyò asò abë Zamba, e nyòlò te angayen ya Tara.

2Kor 4:4

Asu daban, Zamba e si-ndon nyi angakpè mintsogan bëhaiden ndim a mis, asu yë na të bayen mfyè mbëmbë foe duma Kristus ya anë evëgëlë Zamba.

Kolosi 1:15

Anë nsisim e Zamba ya bayen ki, Ntol bikokoma bisë,

1Tim 1:17

Olugu ai duma bibòò ai Zamba ya anë mbòg, a bayen ki, a atsende ki, nkukuma yob ai si a bisëb bisëb, amen.

1Tim 6:16

nyè etam ṅnyè anë tègè wu, atoa a mfyè onë tègè ai asubu-lë babi, a tò mod ziṅ ayëm ki, ndò fë mod ziṅ asëki nyè dzam yen. Olugu ai ngul kole bibòò ai nyè. Amen.

1Yoh 4:12

Mod ziṅ abë ya ki yen Zamba. Ngë biadiṅan bia bia, Zamba alaṅan abë bia, ndò fë ediṅ dzie enë fò abë bia mfaṅ.

1Yoh 4:20

Ngë mod ziṅ adzo na «Madiṅ Zamba», dzam da asiṅi manyaṅ, mod te anë mod-minnal. Amu e nyòb adiṅ ki e manyaṅ woe ya ayen asëki dzam diṅ e Zamba ya andzëki yen.

1Yoh 4:9

Ediṅ Zamba engakulan abë bia na Zamba angalom mbaṅ mòn woe a si-ndon na bibi enyiṅ abë nyè.

1Yoh 5:20

Ndò fë biayëm na mòn Zamba angasò, avëë bia fëg yë na biyëm bëbëla, ndò binë a bëbëla, abë mòn woe Yesus Kristus. Ṅnyè anë bëbëla Zamba ai enyiṅ kòm.