Yohannes 1:17 - MKPAMAṄ AMVOE Nouveau Testament en langue Ewondo 2012

¹⁷ amu a zaṅ Moses ngò mvende engavëëban, maa ki ai sosoo bintoa a zaṅ Yesus Kristus.

Yohannes 1:17 Iomraidhean Croise

Yohannes 1:14

Ndò ebugu anganòṅ nyòl, aloṅo abëmba die abë bia, ndò biayen duma die, duma anë e di mbaṅ mòn obëlë abë esya; anë ndzian ai maa, ai sosoo.

Yohannes 14:6

Yesus nyè ai nyè na: Ma mënë zen, mëtoa bëbëla, mëtoa enyiṅ. Mod ziṅ azu ki abë Tara së na alod abë ma.

Yohannes 18:37

Pilatus nyè ai nyè na: Ndë onë hm nkukuma a? Yesus nyè na: Ndò wadzo dili na mënë nkukuma. Mëngabyali etòm te, ndò fë mëngasò a si asu yë na mabòòlò bëbëla. Enyò osë asò a bëbëla awog kiṅ dzama.

Yohannes 5:45

Të miakë tsog na ma mayi mina sòman abë Tara. E mod ayi mina sòman, ṅnyè anë e Moses ya mingafidi.

Yohannes 7:19

Së Moses ṅnyè angavë mina mvende a? Hë da, tò mbòg ya abë mina abaala ki mvende. A dze miadzëṅ na miawoe ma?

Yohannes 8:32

Miayi yëm bëbëla, bëbëla abò fë mina fili.

Yohannes 9:29

Biayëm na Zamba angalèè ai Moses; enyò, biayëmyem ki mfag asò.

Bisye bi Apostel 28:23

Ndò bëngayili nguma amos, bësòò abui a nda dzie, angatimi bò, abòòlò edzoe Zamba, ayini bò mam më Yesus, atarigi a mvende Moses ai bëprofèt, akèè lë kidi, akëlë kui ngongogële.

Bisye bi Apostel 7:38

Ṅnyè angabë atëlë a etogan bod a zaṅa nkod-nnam, ai englès akòbògò ai nyè a nkol Sinai, ai bëtara baan; ṅnyè angabi bibug bi enyiṅ, avë bia,

Roma 6:14

Amu nsëm wayi ki fë mina dzoe. Amu miawoge ki fë ai mvende, miawoge ai maa.

2Kor 1:20

Amu ngaga Zamba esë enë 'Owe' abë nyè. Asu te biadzo ai Zamba na 'Amen' asu olugu Zamba a dzoe die.

Galati 3:17

Madzo dò na: E mvende engakë sòṅ a mvus mimbu mintèd minyii ngë mintèd milè yasole ki na yabò ngaga zëzë, a Zamba angasan a amvoe die.

Ebrea 9:22

Amu a etye mvende, dzam bò na dzom esë yavëṅan mfuban hë ai mëki, ndò fë ngë tègè ai na bësoe mëki, tègè ai bidzuga.