Yohannes 1:14 - MKPAMAṄ AMVOE Nouveau Testament en langue Ewondo 2012

¹⁴ Ndò ebugu anganòṅ nyòl, aloṅo abëmba die abë bia, ndò biayen duma die, duma anë e di mbaṅ mòn obëlë abë esya; anë ndzian ai maa, ai sosoo.

Yohannes 1:14 Iomraidhean Croise

Mt 1:16

Yakòb abye Yosef, nnom Maria; Eyë Yesus ya baloe na Kristus angabyali abë nyè.

Lk 2:11

na, ana hi, nkode ya anë Kristus Nti abyali mina a tisòn David.

Lk 2:7

ndò angabye ntol ndoman woe, amana nyè woge a biyie, aboe nyè a ebëg, amu afola angabë ki asu daban a nda-bëyëṅ.

Lk 9:32

Petrus ai e ba bëngabë ai nyè bëngaku oyò. Ahëbë angahëbë, ndò bayen duma die ai e bod bëbè bëngabë tëlë ai nyè.

Yohannes 1:1

A mëtari, ebugu angabë; ebugu angabë abë Zamba, ebugu atoa man Zamba.

Yohannes 11:40

Yesus nyè ai nyè na: Mandzë wa kad na ngë wayëbë, wayi yen duma Zamba a?

Yohannes 14:6

Yesus nyè ai nyè na: Ma mënë zen, mëtoa bëbëla, mëtoa enyiṅ. Mod ziṅ azu ki abë Tara së na alod abë ma.

Yohannes 14:9

Yesus nyè ai nyè na: Dze yë mëtòbò ya ai mina abog asë di, wa tègè ma yëm nga, a Filip? E nyò ayen ya ma, ayen ya fë Tara; Asu dze wadzo na, lëdëgë bia esoa?

Yohannes 17:22

Mfag wama, e duma ongavë ma, mëngavë bò dò, asu yë na bëbò dzom dzia anë binë dzom dzia:

Yohannes 17:24

A Tara, e dzi ongavë ma, mayi na, e hom mënë, bò fë bëtòbò ai ma, asu yë na bëyen e duma dama ya ongavë ma, amu ongadiṅ ma osusua akomo-lë-yob ai si.

Yohannes 18:37

Pilatus nyè ai nyè na: Ndë onë hm nkukuma a? Yesus nyè na: Ndò wadzo dili na mënë nkukuma. Mëngabyali etòm te, ndò fë mëngasò a si asu yë na mabòòlò bëbëla. Enyò osë asò a bëbëla awog kiṅ dzama.

Yohannes 2:11

Yesus angabò mëtari më ndëm a Kana ya Galilea, ndò angakuli duma die, bëyègè boe bëyëbë nyè.

Yohannes 3:16

Amu yë na, Zamba angadiṅ si-ndon e kan yë na avëë mbaṅ mòn woe, asu yë na e nyò osë ayebë nyè, abë kë a ndzaṅ, hë da abëlë enyiṅ kòm.

Yohannes 3:18

E nyò ayëbë nyè, atëbë ki a nkat. E nyò ayëbë ki nyè, atëbë ya a nkat, amu andzëki ṅyëbë dzoe mbaṅ mòn Zamba.

Yohannes 6:51

Ma mënë mbaṅëla avëë ya asò a yob. Ngë mod adi mbaṅëla te, ayi nyiṅ kole, ndò fë mbaṅëla mayi vë anë nyòl dzama asu enyiṅ si-ndon.

Yohannes 8:32

Miayi yëm bëbëla, bëbëla abò fë mina fili.

Bisye bi Apostel 13:33

na Zamba akpaèn dò abë bia, bòn baban, akuli Yesus a sòṅ, e kan enë ntilan a salmen bèè na: Wa onë mòn wama, ana ngò mëbye wa.

Roma 8:3

E dzam mvende engabë ki dzam bò mbol engamana tëg etòm nyòl, Zamba abò dò: Angalom mòn woe, anòṅò nyòl nsëm, na avaè nsëm, ndò angatègè nsëm a nyòl,

Roma 9:5

mbò bawoge ai bëtara; abë bò ngò Kristus atye mfag ya nyòl, ṅnyè alod byem bisë; Zamba ya aluguban a bisëb bisëb, amen.

1Kor 15:47

E mod osu atye a mbòdòg ya si, e mod bèè asò a yob.

2Kor 12:9

Ndò angadzo ai ma na: Maa wama ayean ai wa, amu ngul enë ntud a atëg. Mayi hm bulu bò enguṅ ai mintag a atëg dama, asu yë na ngul Kristus etòbò abë ma.

Galati 4:4

Eyòṅ hm abog angatoban atuud, ndò Zamba angalom mòn woe, abyali abë mininga, abyali a mvende,

Ef 3:8

E ma ya madaṅ obòbòd a zaṅ mimfufub misë, ma bëngavë e maa nyò, na mëyedan bëhaiden mbëmbë foe akuma Kristus ya anë tègè ai alèè,

Kolosi 1:19

Amu angadiṅ na ntud osë otòbò abë nyè,

Kolosi 2:3

abë nyè ngò akuma fëg ai ayëmë asë asòlò.

Kolosi 2:9

Amu abë nyè ngò Zamba anë ntud,

1Tim 3:16

Ndimba olugu Zamba enë hm fò anen bëbëla: Akulan a ngëëṅ a minson, abii mëkyëbë a nsisim, ayene benglès, bëyedan nyè a bëhaiden, bëyëbë nyè a si-ndon, akëlë a yob a duma ete.

Ebrea 1:3

Ṅnyè anë mfyè ya duma die, atoa fë ndëm nsi woe, abëgë dzom esë ai ngungul ebug woe, avëṅan esob-minsëm, atòbò a mbo-nnomo ati a yob ete,

Ebrea 1:5

Za ya a benglès Zamba angadzo ya ai nyè na: Wa, onë mòn wama, mamen mëhë bye wa ana? ai na: Mayi bò esya woe, wa obò fë mòn wama?

Ebrea 10:5

Asu te, eyòṅ anyian a si-ndon, nyè na: Wandzëki diṅ mëtunëṅa ai bifaè, dzam da, okomëzan ma nguma nyòl.

Ebrea 2:11

Amu e mod afubu ai e bod bafububan, bësë batye abë mod mbòg. Asu te awog ki osòn na aloe bò na babënyaṅ,

Ebrea 5:5

Nala ngò hm fë Kristus andzëki vë emen olugu eyòṅ avëṅan fada-nen, dzam da e nyò angadzo ai nyè na: Wa onë mòn wama, mamen mëhë bye wa amos ya ana.

1Yoh 4:14

Bingayen, ndò biabòòlò na esya angalom mòn na akode si-ndon.

1Yoh 4:9

Ediṅ Zamba engakulan abë bia na Zamba angalom mbaṅ mòn woe a si-ndon na bibi enyiṅ abë nyè.

2Yoh 1:7

Amu abui bod mëdugan bëngasò a si-ndon, e ba bamëm ki na Yesus Kristus angasò a minson. E nyòlò te anë mod-minnal, atoa fë nziziṅ-Kristus.

Ekuli-mam 19:13

abëgë ewòman ya bëngadu a mëki, e dzoe baloe nyè latyan na: Ebug Zamba.

Ekuli-mam 21:3

Ndò mawog kiṅ esòò a etoa-ati na: Ebëm Zamba ai bod dzi, ayi tòbò ai bò, bayi bò bod boe, ndò fë Zamba emen ayi bò ai bò.