Mt 9:2 - MKPAMAṄ AMVOE Nouveau Testament en langue Ewondo 2012

² Ndò bëngasò ai nyè mbombog oboo a okëkamba. Yesus ayënë fò ṅyëbë waban, nyè ai mbombog na: bana nnëm, a mòn wam, minsëm mie mivaaban wa.

Mt 9:2 Iomraidhean Croise

Mt 14:27

Ndò Yesus angadzo ai bò na: Të miambara, mamen! tòbëgan a miëṅ!

Mt 4:24

Mindum mie miyaman hm fò a nnam Siria osë. Bëngazu ai nyè e ba bësë bëngabë bëlë mintye mi okòn kan esë, ai e ba bëmbë bëlë bëbë bivu, e ba bëkònò a nlo, ai mimbobog, angasye bò.

Mt 6:12

Ovaaga bia bivus bian, anë biavaè e ba bavus abë bia

Mt 8:10

Awog Yesus angawog nala, ndò angakam, nyè ai e bod bëngabë biege nyè na: Bëbëla emen, makad mina, mabë ya ki yen e kan ṅyëbë nyi abë mod ziṅ a Israel.

Mt 8:16

Eyòṅ ngoge engabò, ndò bëngazu ai nyè abui bod ya bëbe minsisim bëngabë bëndëgëlë. Angatsidan minsisim ai ebug dzia, ndò e bod bësë bëngabë kònò bëngabò mvoè,

Mt 9:22

Ndò Yesus angakilan, ayënë nyè, nyè ai nyè na: Bò azombo, a ngò dzam. Ṅyëbë woe onyii wa. Mininga abòò fò mvoè etye etye te.

Mt 9:5

Dze enë ebugbu abui, yë adzo na: «minsëm mie mivaaban wa», ngë ki na: «Kodogo a si, owulu?»

Mt 9:6

Asu yë na miyëm na mòn mod abëlë ngul ya avaè minsëm a si, ndò azu dzo ai mbombog na: Kodogo a si, bodogo okëkamba woe, okë a nda dzoe.

Mk 1:32

Abog ngoge engabò, abog nlo-dzobo alumbu, ndò bëngabëgë e bod bësë bëngabë wogo mintye ai e ba bëngabë bëlë bëbe minsisim.

Mk 10:49

Ndò Yesus akom etoa, nyè na: loegan nyè. Ndò baloe ndindim, bò ai nyè na: Tòbògò ai ndi, kodogo a si; aloe wa.

Mk 5:34

Nyè ai nyè na: A ngò dzam, ṅyëbë woe onyii wa. Këlë tòbò mvoè, okòn woe oman ya.

Mk 6:50

Amu bësë bëyënë nyè, bëmbarëga fë. Ndò akalan bò nkòbò etye etye, nyè na: suugan minnëm a si, mamen! Të miambara.

Yohannes 16:33

Mëngakad mina e mam ma asu yë na mibi mvoè abë ma. Mibëlë mintye a si-ndon. Dzam da, vaan koa, mëngatègè ya si-ndon.

Yohannes 2:25

ai mbol angabë ki ayaṅan ai na mod atye nyè ndòṅ mod. Amu emen angabë ayëmë e dzi engabë a nnëm mod.

Yohannes 21:5

Ndò hm Yesus adzo ai bò na: A bòngò, yë mibëlë man mbuman kòs? Bò ai nyè na: Kokoa.

Bisye bi Apostel 14:9

Ndò e mod nyò awog Paulus akòbògò. Paulus abëbë nyè, ayënë na abëlë ṅyëbë ya akodeban,

Bisye bi Apostel 19:12

e kan yë na bënòṅò bënapken ai biyie ya bihë namba nyè, bëkëlë biè bede minkokòn, akòn daban angamana lèd, bëbe minsisim bëtubu.

Bisye bi Apostel 23:11

Alu angabë atsaag, ndò Nti azu nyè tëbë babi, nyè na: Bò fam. Amu akyaè ya ohë bòòlò ma a Yerusalem, nala ngò fë wayean ma bòòlò a Roma.

Roma 5:11

Së hm ki hë nala, dzam da, biayi bò enguṅ a bë Zamba ai Nti waan Yesus Kristus a angavë bia elad.

Yakobus 2:18

Mod ziṅ ayi kë dzo na: Wa, obëlë ṅyëbë, ma, mëbëlë mimboan; Lëdëgë ma ṅyëbë woe tègè ai mimboan, ma, mayi wa lëdë ṅyëbë wama ya wasò a mimboan.