Mt 8:11 - MKPAMAṄ AMVOE Nouveau Testament en langue Ewondo 2012

¹¹ Ndò makad mina na: Abui layi sò a nnam kidi ai nnam ngoge, bënganòṅ bitoa na badi ai Abraham ai Isaak ai Yakob a edzoe ya yob,

Mt 8:11 Iomraidhean Croise

Mt 21:41

Bò ai nyè na: Ayi mana bëbe bë bod bëte ai si, avëë bod bëfë afub die, a bayi nyè vë mëkoe a abog layean.

Mt 24:31

Abog te ayi lom benglès boe ai mod tòṅ, abog te bayi koan e bod angatòb a mëbug më si mënyii, akègè a abug yob di, akui e di avòg.

Mt 3:2

na: «Vëṅan, edzoe ya yob esubu ya babi.»

Mt 8:10

Awog Yesus angawog nala, ndò angakam, nyè ai e bod bëngabë biege nyè na: Bëbëla emen, makad mina, mabë ya ki yen e kan ṅyëbë nyi abë mod ziṅ a Israel.

Lk 12:37

Mvòm ai bëbò bisye bëte a Nti ayi kòb bëtoa ehie eyòṅ ayi sò. Makad mina bëbëla na ayi tindi eyie a angëdëg, amana bò toa a si, angakë asye bò.

Lk 16:22

Ndò hm lazu bò na, awu mbubua hi ongawu, ndò benglès bëngakë ai nyè a mëbè më Abraham. Nkukuma mod hi wa owuu, bëdzëbë nyè.

Bisye bi Apostel 10:45

E bëyègè ya bëngasò ai Petrus ha, a bëngabë nkëlan, bëngakam na efaè Mfufub Nsisim yasoeban bëhaiden a nyòl.

Bisye bi Apostel 11:18

Awog bëngawog nala, ndò bëngaku bivol, bëngalugu Zamba, bò na: Ndë Zamba avë ya tò bëhaiden na bëvëṅan a enyiṅ a !

Bisye bi Apostel 14:22

bëwonëṅe minnëm bëyègè, bëlëbë fë bò na bëbò mban a ṅyëbë ai na biayean bi abui mindzug, abog te bizu kë nyian a edzoe Zamba.

Bisye bi Apostel 14:27

Akui bëngakui, ndò bamana koan nda-Zamba, bëngalèè e mam mësë ya Zamba angabò ai bò, ai na angayaè bëhaiden mbè ya ṅyëbë.

1Kor 15:20

Ndò hm anë na, Kristus angakui a sòṅ bëwu, ntol bëwu bësë.

1Kor 6:9

Yë na miayëgan na bod bë abe bayi ki bi ngab-elig edzoe Zamba? Të miatòbò a ndimi hala: tò bod bisog, tò bëlugu bëzëzë bëzamba, tò bod bë ngòbinda, tò e fam yaboman bò bò, tò e bininga baboman bò bò,

Ef 3:6

na bëhaiden bëbi ngab-elig fufulu, bëbò nyòl dzia, bëkaban ngaga abë Kristus Yesus asu mbëmbë foe;

Kolosi 3:11

e hom tò man Grek, tò man Yuden, tò akele, tò e nyò asëki nkëlan, tò man bëlòbò-lòbò, tò man Sitia, tò olò, tò fili mod, byem bite biasëki we, hë Kristus ṅnyè anë bisë, atoa fë a bësë.

2Tes 1:5

nala walëdë sosoo ntol Zamba asu yë na ayen na miakyëbë ai edzoe Zamba, ndò fë miabi mintye asu adzo te,

Ekuli-mam 7:6

a nda Asèr tòzin awom ai bëbè, a nda Neftalim tòzin awom ai bëbè, a nda Manase tòzin awom ai bëbè,