Mt 6:6 - MKPAMAṄ AMVOE Nouveau Testament en langue Ewondo 2012

⁶ Mfa woe, eyòṅ wakogëlan, nyiigi a etun-nda dzoe, ofèd mbè woe, okogëlan ai esoa a asoe. Ndò hm, esoa ya ayen a asoe, ayi yaan ai wa.

Mt 6:6 Iomraidhean Croise

Mt 14:23

Asoe angasoe bod, ndò angabed a nkol a yob etam, angakogëlan. Ngoge engavin ha, hë atoa we etam.

Mt 6:18

asu yë na të wayene a bod, hë abë esoa ya anë a asoe, na waki bidi. Esoa ya ayen a asoe ayi yaan ai wa.

Mt 6:4

asu yë na afaṅ doe akanga a asoe. Esya woe ya ayen a asoe ayi yaan ai wa.

Yohannes 1:48

Natanaèl nyè ai nyè na: Eyë wayëm ma he? Yesus nyè ai nyè na: osusua yë na Filipus aloe wa, hala otoa a ele bibuma a si, ma mëyen ya wa.

Yohannes 20:17

Yesus nyè ai nyè na: Obë ma namba, amu mabë ki bed abë tara. Këlëg a babëdzaṅ bënë, okad bò na: Mabed abë Tara ai esya waan, abë Zamba wam ai Zamba waan.

Bisye bi Apostel 10:30

Kornelius nyè na: Mëlu mënyii ana, akyaè awola di, mëngabë mëkogëlan a awola ebulu a nda dzama ; atëm na, mod antëlë ma osu, abëgë biyie bifyègè,

Bisye bi Apostel 10:9

E kidi lende ya hala, e bod ba bëkëlë a zen ha, bëngasubu ya fë babi a tisòn, ndò Petrus abed a ndil a yob, na akogëlan a awola samëna.

Bisye bi Apostel 9:40

Ndò Petrus angakuli bësë a nsëṅ, ndò akud mëbòṅ, angakogëlan, ndò akilan mfag mbim ongabë, nyè na: A Tabita, tëbëgë. Ndò Tabita ayaè mis, ayënë Petrus, akomo etoa.

Roma 8:5

Amu e bod bënë a edzoe nyòl, batsog fë hë mam më nyòl; e ba ki bënë a edzoe nsisim, batsog mam më nsisim.

Ef 3:14

Asu te makud mëbòṅ a mis më tara,